وصايا لسواقين الاجرة والكدادين الحبايب وبشرى
35
4
إضغط هنا للإخفاء
مساكم الله بالخيير حبايبي
أمس رحت أشتري حبة مضغوط من مطعم جنبنا اسمه مطبخ(افلقني إذا مالقيت صرصور في مضغوطنا )
ترى الإسم موب حقيقي تراني اخترعته لايقول المشرف الحين شهرت بأحد
المهم
المطعم مزحوم قلت خلني أطلع عند الباب اتفرج بالسيارات
المهم
وأشوف بنت الله يهديها لابسة عباية ضيقة تقل فستان ومتلطمه وريحة العطر فايحة من الشارع الثاني
والبنت تبي تكسي خلاص
شوفوا سيارة الكدادين
)أزيرا،بانوراما،كابرس ss ، ددسن غماره )
سبحان الله
وواقفين سرى هههههه لاحوول
معقولة أخواننا في الله هذولا كلهم كدادين ؟
أنا يوم خرب الفورد حقي أبي تكسي وقفت نص ساعة ولا أحد عطاني وجه ههههه
وأنا أستغرب السيارات مافيها إلا الي يسوق بس
وهالبنت معه !! يعني بتسير خلوه
واتوقع ماحد يرضى على أخته أو أمه أنها تركب معى رجل أجنبي
وبعدين وين أبو البنت هذي ؟ وين أمها ؟ وين أخوانها
معقولة ماعندها أحد ؟ البنت باين عليها أنها بنت نعمه هههه
وبعدين تراني واحد من الكدادين إذا بغيت أشتري شي أو أتغدى أو اتعشى أكد وأشتري الي أبيه
لكن ما عمري ركبت نسوان في السيارة غيير أمي فقط
كل الي أركبهم رجال
حتى بعض الاحيان أدور في الشارع نص ساعة ما ألقى رجال
بس الحريم كثيرين لكن أقول في نفسي
(كما أدين أدان) لو ركبت بنت معاي راح يجي يوم وأمي تركب معى شخص غريب ،
وأنا مضطر أبي فلوس ضروري لكن لايمكن أركب أمرأة في المشاوير
الخلاصة : نصييحة مني لاتركب حريم إذا كنت لحالك والشيطان شاطر وأبتعد عن المشاكل .
أبشركم
يوم الخميس السحب على سيارة لكزس Gs 2013
أدعوا لي أنها تكون من نصيبي لأني تعذبت والله
تحياتي لكم حبايب قلبي
&أنيق وجميع الاعضاء&
إبلاغ
الردود
0
0
قبل 10 سنه و 7 شهر