أضف سؤال أو موضوع جديد          

موترك خربان عطنا تفاصيله

up 14 down 8
a.ibrahem 3167
قبل 3 سنه و 8 شهر



السلام عليكم ورحمة الله وبركاته
مساكم الله بالخير او صبحكم الله بالخير


كثير نشوف مواضيع عن خرابات في السيارة وهي اغلب المواضيع للأمانة


لكن فيه شغله ودي انوه اصاحب المواضيع هذي عنها الا وهي اكتب تفاصيل سيارتك يعني واحد يكتب كامري ما اشتغلت وش اسوي طيب انا ادري ذا الكامري موديل كم وش هي من لحية وكم ماشيه يعني لو الكامري 2008 او 2009 يمكن يجي في بالي اصابع البطارية مثلاً مملحة ولا ما توصل كهرب بس الموتر 2017 طبيعي مهب جاي في بالي هالخيار لذلك نرجو من اصحاب المواضيع يفصلون في موضوعهم عشان على الاقل نقدر نفيدهم باللي نقدر عليه وفي النهاية ترى لابد من الكشف حنا نساعد في تحديد نوع الخراب بناءً على المذكور من صاحب الموضوع لكن لا يعني انه يصير هو فعلن الخراب


لأنا في النهاية ما وقفنا على ذا الموتر ولا استعملنا ولا ندري وش تغير فيه ما تغير



يعني يفترض أي موضوع ينزل عن خراب في سيارة ياشباب سيارتي كذا موديلها كذا ماشيه كذا ويعطيني الخراب بالظبط وشي الاشياء اللي غيرها قريب لأن بعض الاحيان تكون غيرت شي من قريب وخرب عليك شي ثاني او ما صلحته بالشكل المطلوب فهذي ترى تساعدنا بعد في تحديد الخراب او تلميحه


لو تكلم اطلق ميكانيكي وتقول طلع لي كذا بيقول لا بد اشوف لأن بعض الاحيان الخراب واحد لكن الاسباب مختلفة وضحت



موفقين واسف على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صباح الخير
لبى قلبك موضوع طيب
وباختصرها لك/
ياشباب سيارتي النترا
الموديل* 2014
ماشية * 150 الف
مطلعها على يدي اصفار
عندي صوت ونة جهت الكفر الامامي
الكفرات مغيرها قبل شهرين نوع صيني
الونة مستمرة وكل مازادت السرعه يزيد الصوت
ظنكم من الكفر ولا ايش مابي الورش يلعبون علي

بكذا راح نفهم مشكلة صاحب الموضوع
ونررد علية

حياك الله اخوي مشكلتك بسيطة
والصوت من الرمان الامامي غيرة باصلي
والله يوفقك
واضحة ياشباب


up 6 down 4
الرفاعي33 13914
قبل 3 سنه و 8 شهر



معك حق اخ ابراهيم ، والاخ الرفاعي كفي ووفي
واحب في مواضيع الاخ الرفاعي انه ينزل صور بالتفصيل وكل شئ واضح



up 3 down 2
عمده33 1664
قبل 3 سنه و 8 شهر



صبااااح الخيييير
عندي صني 2009 تنتش فالغيارات
مدري وش الحل
تحياتي


up 1 down 1
abo-amaaar 21
قبل 3 سنه و 8 شهر



عند خويي صني ٢٠١١ حرارتها غير ثابتة
مركب مراوح اضافية من جديد على شان يتفادى الحرارة لكن من غير فائدة
للعلم غير بلف وسوا تسييخ للرديتر وحط موية اصلية وماستفاد شي

٢- عنده مشكلة صغط المكينة غير ثابت وجت فترة تطفي معه لكن وداها ميكانيكي
مدري وش حط بالثروتل ( اتوقع بنزين) صارت ماتطفي الانادرا وعداد الضغط غير ثابت


ارجو اللي عنده حل يفيدنا لانه عجزنا بالصناعية كل واحد يفتي من راسه حتى بعضهم يقول الماكينة مع انها مافيها اي مشكلة المكينة
واللي عنده ورشة يدلنا



up 0 down 1
abo alnoor 05 239
قبل 3 سنه و 8 شهر



يا ليت تساعدوني في مشكلتي
معي النترا 2014 ماشيه 170 الف قير عادي
قبل يومين غيرت صحن كلتش وفحمه ودزق , المهم كنت ماشي وشوي جتني نتعه وفصل مثبت السرعه وفصل عداد السرعه صار على الصفر
واشتغل عندي لمبة الدركسون وصار ثقيل .. تتوقعون المشكلة فيوز ولا ايش



up 1 down 0
zy23j 119
قبل 3 سنه و 8 شهر



راع النترا يمكن الاسلاك انقطعن من التركيب او ارتخن تأكد منهن


up 0 down 0
فور جي 98
قبل 3 سنه و 7 شهر