العوض ما فيه خير

من زمان ماعاد صرت اسمع هذي الكلمه
من بعد ارتفاع التأمين صارت الناس
توقف حتى لو حكه ماتبين الا بمجهر
تغيرت الناس بأرتفاع التأمين
ولا اول ايام الرخص لو حكه بسيطه يأشرلك
وهو داخل السياره يعني مسامحك لاتنزل ههههههه

صدمني شخص من الخلف ماشي 180 وسحبة الفرامل اكثر من 20 متر بدل مايحذف عني جاب العيد واتلف السيارة علي وشرد الشخص وخلى سيارته الي ماتسوا الفين ريال النترا أجرة

المهم الناس درت عن الموضوع وجاء واحد من اقاربي كبير بالسن يتطمن وقالي ان العوض مافيه خير اقسم بالله قهرني بالكلمة الحين ماحد فتح سيرة عوض وفي الأمور المادية بدل ماتطمن على وضعي تقولي عوض ومين قالك العوض مافيه خير والسن بالسن والعين بالعين هذا كلام مين

ايش ذنبي محافظ على سيارتي ولي 5 سنين اجمع حقها واخذها ب80 الف وتتلف خلال 6 شهور بسبب شخص متهور لامبالي بأرواح الناس وفوق هذا غير مأمن

مين يصلح لي السيارة وهي مرمية تكلفة اصلاحها 35 الف وبعد الاصلاح ماتجيب 30

كيف اروح للدوام بتكاسي 20 ريال رايح و20 راد

يعلم الله اني سامحته لوجه الله والى يومك هذا اعاني من السيارة ومن مشاكلها ولا افكر ابيعها لشخص ماله ذنب وعسى الله يعوضنا ويعطينا على قدر نيتنا

الي اعرفه ان تعويض التأمين هو الي فيه شبه والله اعلم

ماشي180وفوقها شرد وتسامحه!!
والله اني انقهرت وانا مالي دخل
الا اذا ضغطوا عليك تتنازل واشغلوك هذا شيء ثاني
الله يعوضك بالاحسن ويعطيك على قد نيتك

مدري من مطلع كلمه العوض مافيه خير
لو تنقلب الأوضاع ماراح يسامحك

اجل يقشع سيارتي وتكلف يمكن 5000 ريال
واتعطل وانا اتحمل خطاه

والله يادحوم ان جاني اتصال من المرور قالو لي عندك قضية حادث والرجل مسجون له 4 أشهر ولاعنده ولا ريال تبغاه يتكي ولا تتنازل عنه

قلت بنفسي 4 اشهر ولا دفع شي افكه لوجه الله والمسألة ماهي شخصية بيني وبينه المشكلة ان شركة الأجرة توزع سيارات للسواقين ولا تجبرهم على التأمين

تخيل ان شركة الأجرة مايلحقها اي ضرر واتضح معاي انه ثغرة بالنظام يعني السواق هو يتحمل كل شي

 يا رب توفيقك

 انا لو بمكانك والله ما اسامحه يصلح سيارتي زي الكلب ما عنده تأمين اذا ينطق بالحبس 

هذا انت قلتها قعدت عمرك تجمع حق سيارة و في خلال شهور تنصدم اذا ليش تسامحه خله يعرف غلطه والله لو يموت لا تسامحه

نص الديرة ناس متهورة و تقولون العوض ما فيه خير الا فيه خير هذت فكر متخلف اسميه 

لو لا قدر الله صار معي حادث والله ما اسامحه لو هو غلطان 

قال العوض مافيه خير قال اجل لا اركب سيارة وامشيها سيكل احسن لي طيب.  طيب انسى السيارة قلعتها تجيك غيرها انت عزيزي

لو طلعت من حادث مصاب واصابات بليغة كسرت رجلك او يدك وتبي تسامح اللي سببلك العاهة لا طبعا والله العن والدينه 

طيب انسى هذه لا واحد تسبب بوفاة حبيب لك هنا تسامحه والا تتف بوجهه وتلعن والدينه

اجل لا احد يتفسلسف ويقول العوض مافيه خير

^^ !!!!
الرجال سامحه لوجه الله الله ياجره على نيته
وخلصت السالفه
ولو وما لو ماعد تفيد
4شهور منطق بالسجن صح ماتكفي
لكن الرجال سامحه بأرادته

شوف وانا اخوك العلم الصحيح 

الكلمة هذي تحتمل الصواب و الخطأ


في حالة صواب الكلمة يكون العوض مافيه خير اذا قدرت تلفيات في السيارة
ليست ضمن الحادث الصحيح 
مثلا صدام مكسور واسطب من صدمه قديمه وضمها في تلفيات
الحادث الجديد وهذا من التزوير والكذب وبكذا اخذ تعويض عنها
وهنا يكون التعويض مافيه خير لانه حرام عن هالقطع ويمحق بركة التعويض كامل


ويكون الجملة غير صحيحه اذا كان التعويض اخذ بحقه كاملاً 
دون ان يظلم احد 

ممكن يكون العوض مافيه خير وتسامح مثلا اذا صدمك شايب او رجال عاقل من وراء وحك الصدام او مثلا كسر اصطب 
اما يجيك بزر يصدمك وينزل يتفلت عليك وهو الغلطان هنا يكون المثل العوض فيه خير ونص وخله ينطق بالتوقيف 

حاليا امر بموقف مماثل

صدمني واحد من الخلف وانا واقف عند الاشارة

الرجال لاهي بجواله لا وكمان معه باص طالبات

انا رافض اتنازل

٣ لاتتنازل عنهم

قاطع اشارة
عاكس سير
متهور

يارب توفيقك
باذن الله تلقى العوض والخير من رب العالمين على فعلك الطيب. يمكن اللي سويته منع عنك شر كبير. اذكر صاحبي صدم واحد معه ونيت سوداني والغلط ١٠٠ بالميه على الطرف الثاني لانه واقف غلط. نزل صاحبي وتهاوش مع الاخ السوداني وبعدها هدا شوي وقال يالله خيره .لعل الله اراد بنا حادث بسيط ليمنع حادث كبير. سياره صاحبي شبح وصار فيها حكه طويله والسياره الونيت انكسرت الاشاره الخلفيه. قال له صاحبي تبي نكلم المرور او اشتري لك اشاره.لانه كان مستعجل. ردالسوداني وقال خلاص جيبها لي وعطاه الجوال ومشى وكان مسافر. تخيل بعد اسبوع اتصل صاحبي بالرجل وقال له وينك شريتها لك. رد للسوداني وقال والله توقعتك مابتسال علي لكن ماادامك كلمتني وانا غلطان وجبت القطعه انا اقول ماابي منك شي ومن هالكلام الطيب. شوف سبحان الله الناس لحظه الغضب ماتتصرف مثل لحظه الهدوء. اسف عل الاطاله

يا شباب مقولة العوض ما فيه خير مقولة غير صحيحة .. فكيف البعض يقول لو صدمك واحد عاقل والا لو تركتها بتمنع عنك شر وما ادري ايش


الشرع ما يقر شيء الا وفيه خير وصلاح والشرع أقر التعويضات والديات .. عينك ويدك وروحك حتى الشرع اقر عليها تعويض فما بالك بحديد ..

يا رجال هذا كلام شيبان

من حقك تاخذ تعويض والمفروض تكون سمح في أخذك للتعويض بما يكفي إصلاح سيارتك