مشروع ارفعوا معنوياتي

وعليكم السلام

الله يحيك ابو مشاعل

حسب مافهمت ان مشكلتك بكسر الخجل فقط وليس كيفية إدارة المشروع صح ؟

الخجل نوعين خجل من عملية البيع ذاتها وخجل إجتماعي عام ويصاحبه قلق وتوتر وأعراض متعددة

في كلتا الحالتين الحل الوحيد لها هو المواجهة المباشرة والبدأ بالبيع بأقرب وقت ممكن

مبدأيا روح مناطق بعيدة شوي عن معارفك اختار اسواق ومجمعات ماتكون قريبة من بيتك عشان تتعامل مع الغرباء فقط

التعامل مع الغرباء اسهل بكثير من المعارف

الغرباء يساعدوك على التغلب من المخاوف وكسب الثقة بالنفس وقدرة المواجهة

بعدها مايفرق معك تتعامل مع صغير او كبير قريب لك او غريب

تسمى مواجهة تدريجية

أهنيك على اختيارك لإسهل المجالات التجارية لسرعة التصريف واقبالها على المجتمع

المجتمع اصبح يميل للإكل المحضر منزليا اكثر من شغل المصانع

المهمة الصعبة عليك بإختيار منتجات تميزك عن غيرك ولها طعم خاص

وأسال الله لك التوفيق ولكل مجتهد

السلام عليكم
معك ماجستير
اطبع سيره ذاتيه ممتازه ومر علي الشركات القطاع الخاص
لاتنتظر الوظيفه تأتيك لعند
وبالنسبه للعمل - تذكر دائما أن أصحاب المحلات الكبيرة مثل ماكدونالدز وغيره بدأوا من خلال البيع بالشارع وكل بدايه صعبه

عندي لك فكرة اخرى ايضا

اشتري خبز صامولي

وعبيه تونه مطبوخ
جبنه
بيض مقلي
وغلفه
وبعد صلاة الفجر ابسط امام احدى مجمعات المدارس 

اولاد طبعا 
وخذ معك ثلاث كراتين اقل شي عصيرات
ربيع
سنتوب
هوب

وايضا كم ثلاجة حليب وشاهي 

وبالتوفيق ياغالي

الله يوفقك
اذا عالخجل امره هين
تشجع يوم بحماس وشمر عن ساعديك بعد حسب حسابك
للتجهيز وانزل لموقع معين وحقق اللي ببالك
ومع اول تجربه راح تكسر الحاجز هذا ومثل ماذكر الاخ باول رد والاخوان البقيه
اهم شي اسلوبك بالتعامل هو اللي يكسبك من رزق الله

وعليكم السلام



الله يساعدك

كتبت كلام كثير ولكن من النت الزفت فصل وقت اضافة الرد

مع اني اكتب بلوحة مفاتيح الكمبيوتر اختار حرف حرف بالفارة


المهم نعيد بعض اللي كنت بقولة

الخجل طبيعي اول يوم ,يومين

روح مع احد ترتاح معاه اخوك ,صديق ,قريب

انا اشتغلت سنين في الاسواق المتنقلة و الطرقات

ايام يكون ربحك 200% وايام طالع خسارة

كنت في مثل هدا الوقت ابيع كنار الصباح عند جوازات الدمام و العصر طريق الجبيل

والاجازة الاسبوعية في طريق الكويت قريب الحدود

والاسواق المتنقلة ابيع تمور و حبوب مثل فول ,عدس و غيرها

طبعا مجالك ما جربته ولكن حط في بالك لازم تواجة مشاكل

مثل بلدية مشاكل مع زباين او قلة الزباين

ولكن انت خد الامر ايزي تسلايه كأنك طالع تغير جو

وبنفس الوقت دور على وظيفة حتى لو ما في تخصصك

مثلا انا عند شهادتين

جامعه متوسطة محاسبة و بكالوريوس ادارة اعمال

من تخرجت بكالوريوس وانا من سكورتي لسكورتي

ولي 5-6 شهور في باسكن بائع عادي بدون شهادة

ولكن تفائل وان شاء الله تحصل على الوظيفة اللي تتمناها

بصراحه ردود ايجابيه وداعمه يشكرون عليها 

وفعلا حاول بالبداية تروح مكان بعيد عن معارفك لمدة شهر او حولها لين تكسر الخجل تماماً وترى بالبدايه راح تتعب ومع الوقت ان شاء الله صدقني تنسى التعب. وراح تشوف ارباحك والفلوس وتحس بلذة ثمرة تعبك ولكن تبدع تماماً وتنافس وصدقني مافي شخص دخل هالمجال وطلع خسران الا نااادراً اللي شغله ماينذاق ولك عليه 
ع العموم حرك نفسك ولا يهمك مخلوق وبالعكس راح تلاقي مجتمعك داعم لك واهم نقطه انك ماتفكر الا في مصلحتك يعني اذا يوم شعرت بخجل او كلمه من احد قول محد ينفعني غير الله ثم تعبي ع نفسي وبيتي وصدقني راح تلاقي خير ان شاء الله 

ع العموم فالك التوفيق والله ييسر امرك ان شاء الله ويفتح لك ولكل مسلم ابواب رزقه

خذلك كاسين وتوكل هههههههههه

عليكم السلام ورحمة الله وبركاته 
اول شي اخوي الله يوفقك ويرزقك يارب 
الحين انت مشروعك طبخ منزلي بدال ماتبيعه انت
شف لك كم محل يعرضون منتجات اسر منتجه 
واتفق انت معاهم وبعضهم على ماسمعت يأجر رفوف 
المحل للأسر المنتجه ب ٤٠٠ شهريا ويمكن اقل من كذا 
انا مو متأكد من كلامي على الاسعار .. بسس مايمنع 
انك تروح للمحلات وتشوف بنفسك والله يرزقك ويرزق جميع 
المسلمين .

انا استغرب من الي معه شهاده ويقول مالقيت وظيفه والوظائف بالشركات زي الرز وبالثانويه فما بالك بالماجستير !!

والله حلوة الفكرة بالتوفيق
استخدم برامج التواصل
بالنسبه للخجل ماعليك من احد من ماكان
لانه محد يهتم في امرك
ولو طلبت احد فلوس شفت انواع التصريف
توكل على ربك والله يوفقك

كنحبك بزاف

زي الرز بالنسبه لك انت يلاجنبي اما السعودي ماله الى حارس امن ولا كاشير

ابو مشاعل
اسال الله انه يوفقك وييسر لك امرك ويغنيك بحلاله عن حرامه

عليكم السلام ورحمة الله وبركاته 

اهنيك على هذا المشروع والشغل ماهو عيب ومادامك قررت تشتغل فكأنك انجزت اكثر الشغل 

ومشكلة الخجل منت اول واحد ولا اخر واحد ،،، وكل واحد يخجل ،،، اعزم الامر وتوكل على الله وتذكر انك تعول اسرة وراح يروح الخجل صدقني 


وبالتوفيق والله يرزقك من واسع فضله 

اولا الله يوفقك ويسهل دربك ويرزقك
ثانيا والأهم
حنا بمجتمع نقاد بكل شي ويتنقدون الشغل وكسب الحلال
ويتنكرون من هالشغلات وطلب الرزق يحسون انها عيب وفشيله
واللي يبيع حبوب وسروق هذا ذيب عندهم طبعا مو الكل !!
الأغلب يعني ... شتان بين الحلال والحرام
ولو تقولهم ابي سلف والله ماتشوف ريال واحد
بس شاطرين بالتكسير والتحبيط وتعييب الشغل
يعني اذا ماني موضف خلاص اموت من الجوع انا وعيالي !!!
عشان حضرت فلان وعلنتان مايضحك علي ؟؟
وليه انا مسوي شي مخزي ولا بايع شي محرم !!
مجتمع اغلبه تخلف وعادات متخلفه
توكل ع الله واشتغل دامك تطلب الحلال
لا تفكر بالناس ونظرتهم لك خلها تحت رجولك هالنظرات
انت ماتسوي شي مخزي ولا معيب بالعكس
انت تترزق الله بالحلال والله يوفقك ويرزقك أضعاف أضعاف ماتتمناه وجميع من يقرا كلامي

سبحان الله
على إني أعطيت ذبه فماتقبلها الأغلبيه إلى إن كل واحد ما أعطاك الجواب الي انت تبي..
نصيحتي لك وبجديه:

-سولك ثيم خاص فيك (من ناحية االترك، العرض، اللبس، اللوجو)

-لا تبني مشروعك على أساس استدرار عطف الناس او توضح انك تبي تبيع على اساس انك محتاج

- لا تجعل فكره المشروع تكون (بيع من اجل جني المال) حاول انه يكون فيه هدف للتطوير وتبني لك اسم في وسط منافسين كثر

- سولك حساب على انستقرام وتويتر واستخدمه للخدمه والطلبات واخذ افكار من العملاء


كل هالنقاط راح تكون سبب عن ابعاد الخجل منك وتبين لك قدراتك الشخصية ونقاط القوة.. لانه سبب الشعور بالخجل هو الخوف من ردة فعل الناس تجاه ماتقوم به فلايهمك نظرتهم لك او لماتقوم به، فمعظم التجار بدأو بمهن كان الناس ماتتقبلها لكن شوف هم وين والناس وين..

بالتوفيق

وعليكم السلام
حكمه سمعته من رجل كبير في العمر( اتعب بدايت عمرك وترتاح أخر عمرك)

 hart90 ههههههههه ضحكتني ياخي يعني لازم اكذب واقول مافي وظائف ولا اصيراجنبي هههههه
عموماً لو توظف كاشير وبراتب ٥٠٠٠ ودوام٨ ساعات  ولا يقعد بهالشموس

 يبيع قرصان وجريش ولا يطلع قيمه تعب اهله بالطبخ

نصيحة ابحث عن عمل لكن بشهادة الثانوية ولا تظهر البكلريوس الا للوظائف
المشروط فيها بكالريوس اما الماجستيرخلها محفوظة الى ان تتوظف
لسبب اغلب الشركات يتجنبون توظيف اصحاب الشهادات العالية مثل الجامعي
واللماجستير خوف من انه يطلب راتب عالي او يساوم بشهاداته
الراتب بالثانوي ما راح يتجاوز 5000 اذا ماعندك خبره
بعد ما توقع عقدك وتعدي اول 6 شهور
حط صورة من الشهادات اللي ما قدمتها اول مع خطاب و اطلب اضافتها لملفك في الشركة
في نهاية السنة تقدر تطالب بترقية كون شهاداتك العالمية اعلى من زملائك

بالنسبة لمشروعك توكل على الله وابدا خصص لك مكان واستمر فيه البدايات دائما
فيها صعوبة وماهي الصعوبة اللي تخلي الشي مستحيل لكن يبي لها همة منك

والله يوفقك

تبي وظيفه مفصله على كيفك وعلى قد شهادتك انسى الموضوع كثير غيرك مالقوا. او تبي راتب شهري راح تعاني وتكون مقيد بالدوام. تبي التجاره الحره هنا نقول نعم افتح مشروع وخلك حر نفسك واكسب مالك من عرق جبينك وبدل ما تبحث عن وظيفه مفصله على قد احلامك تصير انت الي توطف الناس وتكون مدير نفسك. ام اذا انت من النوع الي يبحث عن الراحه والكسل والراتب الشهري فلا انصحك بالسوق الحر لإنك راح تتعب إلا اذا انت رجال وقدها. والله يوفقنا وياك لكل خير