اللي له خبره عندي لوحة وابي ابيعها ؟

وش اللوحة اول 

اذا هي 999 عندي زبونها

لا ارقامها 1118

اذا بيشتريها احد منك لازم عنده سيارة 

مثلا معي موتر ومعك موتر
انقل موترك باسمي واسوي تبديل للوحات بين السيارتين
ثم ننقل ملكية سيارتك لك وتاخذ حق اللوحة


طبعاً اللوحة اللي كانت على موتري بتصير في موترك 
واللي في موترك تصير على موتري وبس

طيب هل اضمن حقي انه مايسحب موتري

فيه مكاتب تعقيب يسونها لك وفيه حسابات يسوونها هنا بلموقع ابحث وتحصل 

مافيه سحب موترك 


لانك بتروح معه للمعرض يسوي مبايعتين 

الاولى نقل سيارتك باسمه وتوقع عليها
( باللوحة المميزة )
الثانيه اعادة نقل السيارة من اسمه الى اسمك 
(بدون اللوحة المميزة ) يعني بلوحة سيارته بعد التبديل

وتسوي تإمينين الاول باسم المالك الجديد للوحة 
والثاني باسمك باللوحة حقت السيارة الثانيه

وخلاص