فروقات الكامري الامريكي والسعودي

16 19

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 6 سنه و 8 شهر

السلام عليكم ورحمة الله وبركاته

مساء الخير

كيف حالكم ان شاءالله مرتاحين الله يديم الراحة عليكم


اليوم جايبلكم موضوع بسيط فية ناس تسئل
عن الفروقات بين الكامري الامريكي والسعودي
فحبيت اوضحلكم بالصور بعض الفروقات
طبعا على موديل 2011.
على بركة الله نبدا بالشكل الخارجي::

1/ السعودي يوجد في الابواب الخارجية
جلد تعرفونها تجي بالطول
الامريكي يجي الباب بدون جلد سادة
تقدر تقول باب الامريكي نفس الكزس ES350
وتقدر تضيف في الامريكي نياكل اسفل
مما يعطي شكل جميل.

2/ السعودي يجي المرايات الخارجية اشارة
الامريكي بدون اشارة .

3/ السعودي مراياته تتصفط
الامريكي ثابته دقة قوية تنكسر وهاذي مشكلة
هيا افزعلي يابو ياسر اطلبلي مرايات هههههههههههههه

4/ السعودي شمعاته الامامية تجي سادة مع الاطراف
الامريكي تجي اطراف الشمعات برتقالي اجمل من السعودي.

5/ الامريكي يجي نسافات مربعة لو اسود
السعودي يجي نسافات ماخذة منحنى على لون الموتر.

6/ الامريكي يجي بدون جناح
السعودي يجي بجناح.

7/ الامريكي يجي بشكمانين لل6 سلندر
السعودي شكمان واحد.

8/ الامريكي يجي بصمه للشنطة والابواب الامامية
السعودي يجي مفتاح فتح يدوي.

9/ الامريكي يجي نيكل في الشنطة بكاميرة
السعودي الشنطة نيكل بدون كاميرة.

10/ الامريكي الاصطبات الخلفية تجي مع الطرف معين صغير
مما يعطي شكل اجمل
السعودي الاصطب الخلفي يجي سادة .

11/الكامري السعودي تجي اشارة بالرفرف
الكامري الامريكي تجي بدون اشارة
«»«»«»«»«»«»«»«»«»«»«»«»«»«»«»«»«»«»
انتهينا من الشكل الخارجي
نجي للشكل الداخلي لنفس النووع

1/ الكامري الامريكي بها بلوتوث لبوابة المنزل ََوالسعودي يجي بدون .

2/المراتب جلد للكامري الامريكي والسعودي تجي مخمل .

3/ الكامري الامريكي يجي عدادها بالميل والكتروني
الكامري السعودي عدادها بالكيلو وعادي.

4/الكامري الامريكي يجي داخل الطبلون شاشة معلومات
الكامري السعودي تجي بدون شاشة معلومات.


5/ الكامري الامريكي بها حساس للانوار في وضعية الاوتو بمعنى اذا كان النور على وضعيه الاوتو وغربة الشمس او دخلت النفق يشتغل النور تلقائيا
والسعودي لايوجد فيه وضعية الاوتو.

6/الكامري الامريكي بها تحكم لمرتبة الركاب الخلفية للظهر الكامري السعودي تجي بدون تحكم .


7/ الكامري الامريكي يجي مكيفها لمس نفس مكيف الاوريون
الكامري السعودي يجي مكيفها فرار عادي.

8/ الكامري الامريكي تجي تسخين مراتب امامية
الكامري السعودي تجي بدون تسخين

9/ الكامري الامريكي تجي تحكم كامل من الطارة
للشاشة والمكيف والطبلون
الكامري السعودي تجي تحكم المسجل فقط.

10/ الكامري الامريكي تجي تحكم كامل للمراتب الامامية كهرب
الكامري السعودي تجي تحكم لمرتبة السائق فقط.

11/ الكامري الامريكي تجي المراية الداخلية ذات تعتيم
وبوصلة
الكامري السعودي تجي مراية عادية .

12/ الكامري الامريكي تجي مسكة عصا القير تخشيب
الكامري السعودي تجي سادة بدون تخشيب.

13/ الكامري الامريكي يجي بداخل التكاية درج صغير
الكامري السعودي يجي بدون درج.

14/ الكامري الامريكي تجي شنطتها فرش قماش
الكامري السعودي تجي شنطتها بلستيك مقوى.

15/ الكامري الامريكي تجي 7 ايرباق
الكامري السعودي تجي ايرباقين.

16/ الكامري الامريكي المراتب الامامية في الخلف
حامل اغراض بلاستيك مقوى
الكامري السعودي تجي حامل اغراض قماش.

17/ الكامري الامريكي تجي نضام صوتي متكامل jBL
الكامري السعودي نظام صوتي عادي .
•*•*•*•*•*•*•*•*•*•*•*•*•*•*•*•*•*•*•*•*•*•*•
ملاحظة بعض الكامري الامريكي
تجي تشغيل عن بعد من المصنع
الفروقات واضحه في الصور
حطيتلكم كل صورة امريكي تحتها صورة كامري سعودي
هاذي اهم الفروقات ذكرتها لكم وتهم الي يسئل
او المهتم بهاذي الفئة.
شكرا لكم جميعا
اخوكم الرفاعي33

إبلاغ

الردود