..................

طبعا ابي عمال باخذهم من شخص نقل كفاله بدون استخرج فيز
يعني بدون استقدمهم ابي اخذهم جاهزين من عندنا

عليكم السلام..
اول خطوة استخراج سجل تجاري للنشاط المراد العمل به
ثانيا استخراج رخصة بلديه لنفس النشاط
ثالثاً فتح ملف منشأه بمكتب العمل والتأمينات الاجتماعية وتوظيف سعودي
بعدها تنقل كفالة او تصدر تأشيرات جديده

دوشه لها اول مالها تالي
والله يرزقك من واسع فضله

شكرا لك بس برضو ماوضح لي شي من وين انقل الكفاله
وكيف الطريقه وكم ياخذو علي

اوضف سعودي كيف ؟
الشغله مغسله سيارات ماهي شركه ولا موسسه
السعودي بيشتغل فيها ب٨٠٠ ريال ؟
ولا الحكومه بعد بتعقدنا كل شي بيقاسموك فيه اجباري
الظاهر اكنسل السالفه هههه

العفوا ..
اخي الكريم لازم تمشي بشكل نظامي
والطريقة وضحتها لك
نقل الكفالة ابسط امر راح تمر فيه والعامل يكلف 2000 ريال نقل كفالة للمره الاولي تروح للجوازات
والمره الثانية 4000 وكل مره تزيد 2000

بعد ما تخلص السجل التجاري والرخصه تفتح ملف منشأة في وزارة العمل والعمال من 4 وتحت يكون عندك سعودي واحد يا صاحب المنشأة
طبعاً لازم يكون غير موظف حكومة وغير مسجل بالتأمينات الاجتماعيه
او توظف سعودي براتب 3000 شهري اذا كان صاحبها يعمل في قطاع خاص ومسجل بالتأمينات
وبعد ما ينفتح ملف للمنشأة ويربط مع التأمينات الإجتماعية ويكون نطاقك اخضر
تدخل عليه وتطلب نقل كفالة العامل برقم اقامته ويعطيك كفيله السابق موافقه من خلال موقع منشأته في وزارة العمل
وبعد موافقة الوزارة تدخل علي ابشر وازارة الداخلية وتكون دافع رسوم نقل الكفاله الي هي 2000 للمره الاولي وتتم عمليه نقل الكفالة وتجيك الاقامات عن طريق بريد واصل لين حدك

واي استفسار حياك الله

بيض الله وجهك على المعلومات الف شكر يغالي
طيب لو اعطيت معقب ينهي لك كل شي يعني يطيب لي
الاقامه جاهزه للبيت واقول للعامل يالله ع الشغل
كم تقريبا تكلفتها للمعقب ؟

يعني ينهي لي كل الاجرائات من بدايه رخصه المحل والسجل
والاقامات علي استلم منه الرخصه والسجل والاقامات جاهزه
لانه لقيت لي معقب يقول تكلفه ماتقل عن ٣٠٠٠ ريال تعقيبي
والموضوع يجلس اقل شي ٢٠ يوم

و وجهك اخي الكريم.. العفوا
٣٠٠٠ تعقيب بس كثيره
السجل التجاري من موقع وزارة التجارة في ساعة زمان تستخرجه
الافضل لمده سنه
والرخصه من موقع بلدي كذلك تسجيل اكتروني وكذلك رخصة الدفاع المدني من الموقع تستخرجها
وزارة العمل التسجيل اكتروني كذلك تجي تفعل الملف من المكتب ويطابقو اوراقك فقط
والتأمينات الاجتماعية كذلك اكتروني وتزورهم بورقة واصل الرخصه
والدخل والزكاة اكتروني تسجيلهم

المعقب يساعدك وياخد عليك مبلغ زياده اذا امورك ماهي نظاميه وهو يقدر يمشيها
اما تعقيب عادي كثيره ٣٠٠٠
والامور الغير نظامية انصحك تبعد عنها وتاكل لقمه خالصه بالحلال
والله يرزقنا وياك بالخير

الله يسعدك ويوفقك معلومات افادتني