أضف سؤال أو موضوع جديد          

بخصوص بيع السيارات

up 3 down 0
bindakheel 907
قبل 3 شهر و أسبوع



السلام عليكم و رحمة الله و بركاته


صبحكم / مساكم الله بالخير


كثير ماادخل الحراج هنا و المفاجأه ألاحظ وصف للسيارات فوق االمعقول او المستحيل

مثلا دخلت للجموس ألاقي واحد عرض جمس للبيع مخزن و اول مستخدم و كل شغال بس ناقص فريون

شيكت على الصور و اشوف لمبات الطبلون كلها شغالة من شيك انجن و البطاريه و غيرها

و الحرارة فوق النص بدون مكيف و عداد البطاريه نازل على 12و اقل و الزيت نازل
و المشكله ان الطبلون مو حقها طبلون السعودي يجي ضغط الهواء 6 بس قليل جاء على الوانيت حجم 10 ضغطه 5
و المكيف في الجموس يكسر الظهر تصليحه
حتى لو واقف له سنين مايتسرب الفريون


ثاني سيارة

كرولا 2007

حاط بالاعلان ان الموتر فل مخزن و كامل المواصفات

نزلت للصور اشوف

بدون جنوط بس حديد السود

بدون جناح او فتحة و مكينة صغيرة و القير عادي و الموتر مواصفاته XLI

و الردود تبع المواضيع اشوف متحمس يبغى يشتري


نرجو الانتباه قبل شراء اي سيارة يا شباب و خاصة اللي مصدم و يقول لك رش تجميلي

و سلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اكثر كلمة تقهرني بالمرسيدس والبي ام يكون الموتر سوح يقلك فل كامل او مواصفات السيارة المعروفة هذا ودك تهزئه يكون مزعجك انه فل تروح تطق مشوار بزحمة الرياض وتنصدم بمواصفات وصور غير مطابقة للواقع 


up 3 down 2
benz lover -115
قبل 3 شهر و أسبوع



مرة دخلت لواحد عارض سيارة موديل 2012 طالعت بالصور و الا هي موديلها
2008 قلت له ترى موديلها قديم و معاند معاي الا غصب 2012
اخر شيء جاه كم رد من الشباب و يالله اقتنع و اخر شيء يقول
الوالد قال لي اكتب كدا ههههههه


up 6 down 1
mustafa77 6103 291
قبل 3 شهر و أسبوع



وعليكم السلام

اغلب السيارات المعروضه ومكتوب مكيف شغال بس يبغى فريون احسب حساب كمبرسر ومصايب المكيف كلها
لان لو فريون كان عباه خصوصآ ان بعض الاعلانات يقولك الموتر ماشي كذا وقابل للزياده كيف متحمل الحر وبس ناقص فريون!



up 6 down 0
المنطق يقول 656
قبل 3 شهر و أسبوع



ناقص فريون = كومبرسر او تنسيم ثلاجة يعني فك طبلون 

سمكرة بكف اايد يعني رفرف كامل مسمكر او باب 

دقة براس الشاص يعني الشاص رايح فيها

لمبة الماكينة اغلبهم يقول حساس شكمان ويكون في مصايب ثانية 

الفحص ثم الفحص




up 0 down 0
benz lover -115
قبل 3 شهر و أسبوع



خذ عندك واحد كاتب البودي لا يخلو من الرش تحسه بيكتب قصيدة عل هالفلسلفة

وثاني البودي فيه رش خفيف خخخخخ


up 1 down 0
abo3edh 307
قبل 3 شهر و أسبوع



يارجال كلها كوم

واللي يقول مخزنه السيارة وفل الفل وتلقاها استاندر وماشيه فوق 200

فل كامل اللي نعرفه وموجود بالسوق يكون فتحه جلد مقاعد شاشة تحكم من الطاره قير اتماتيك جنط رياضي

والادهى والامر يقفل التعليقات ويعطيك رقم جوال يقول اتصلوا عليه انا موصاحب السيارة صاحبتك الجن


up 1 down 0
aboahmed2014 533
قبل 3 شهر و أسبوع