هل أقدر اجمرك سيارة خليجية عن طريق الحدود

ايه نعم ، يكون فيه مكتب للجمارك على الحدود
اولاً تخلصها من جمارك الدوله اللي شريت منها وتخلص اوراقها تصدير
تجي للجمارك السعوديه تعطيهم الاوراق وتدفع رسوم لوح الجمارك ومبلغ جمرك السياره
ورسوم تسجيل استماره للمرور ، ويعطيك اللوح تركبها ، وتروح فحص المواصفات والمقاييس وفيه محل لهم عند جمرك البطحاء الامارات وتدفعلهم رسوم ٣٠٠
ويعطيك الموافقه وتاخذها وتروح الفحص الدوري وتاخذ الموافقه وتطلع لوح من المرور رسميه مع الاستماره

عشت ياغالي بس هل هذا خاص بدولة الامارات ؟ والا اي دولة خليجية مثل البحرين والكويت كلها نفس الخطوات ؟

اذا انت بتشتري جديد من وكالة دولة اخرى، ترا احتمال 99% ما يبيعونك جديد

لان فيه اتفاقيات بينهم وبين الوكلاء الآخرين، ما تبيع الا لمواطن دولتك

وانا جربت هذا الشيء شخصياً

والحل تشتريها بإسم مواطن من الدولة الي بتشتري منهم، وينقلها بإسمك

المستعمل بشكل عام مثل ما تفضل الاخ رد رقم 1

مع ملاحظة ضرورة الوصول للحدود وقت الدوام الرسمي، لأنه بعد العصر فيه موظف يداوم على مزاجه ويمكن تبات بالحدود لين دوام بكرا، وهذي أيضاً حصلت لنا بمنفذ البطحاء


والله وليّ التوفيق...