أضف سؤال أو موضوع جديد          

حادث متعمد

up 3 down 0
fahadsarc 9
قبل 3 شهر و أسبوع



السلام عليكم و رحمة الله و بركاته
الحمد لله على كل حال صار لي حادث وكانت الاطراف ثلاثه
والحمد لله جاء كل شيء في الحديد و الروس سالمه

لاكن الحادث كالتالي


على طريق سريع كان في سيارة من نوع لكزس قدامي و قدامها سيارة
صغيرة في المسار الايسر طبعا الطريق ثلاث مسارات صاحب
الكزس يبي يتجاوز السيارة الصغير و السيارة الصغيرة ماقدر
يفتح له ... تجاوز صاحب اللكزس من على الخط الاصفر يسار
وفتح له شيء بسيط صاحب السيارة الصغيرة طبعا انا لازلت في الخلف
بعد ماتجاوز السيارة الصغير طبع الاخ صاحب اللكزس زعلان جاء قدام السيارة
الصغيرة و مسك بريك وكأنه وقف متعمد ليه مافتحت لي الطريق
نتج عن هذا التصرف ان السيارة الصغيرة صدمت اللكزس صدمه خفيفه وانا طبعا كنت
وراهم دعمت السيارة الصغيرة طبعا اول ماجاء المرور للاسف اجتهاد قال الخطأ عليك ياللي
بالاخير ماتركت مسافه كافيه وطبعا ماهو عذر الا ان حق نجم لما سمع باللي صار و تطابق الكلام
مني انا و من السيارة الصغيرة قال ماهو صحيح الغلط على اللي تعمد الوقوف ابي رايكم وهل ياخذ
بأقوالنا انا وصاحب السيارة الصغيرة ولكم جزيل الشكر و التقدير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
الحمد على السلامة

المشكلة بنظام المرور انه اذا صدمت من الخلف الخطا عليك وهذي فعلا مشكلة

انت تقدر تعترض والوقوف المتعمد من صاحب اللكزس


up 4 down 0
meshal alharbi 179
قبل 3 شهر و أسبوع



الحادث المتعمد يندرج تحت الحوادث الجنائية

المرور ينقلع برى الموضوع ما يتدخل

تتحول للشرطه و يدفع كامل الاضرار و بسجن فوقها

ما تركت مسافه ماهو عذر

النظام الدولي 7 امتار داخل المدن

و 70 متر بالخطوط السريعه المسافه الآمنة النظامية

7 متر يعني مسافة سيارتين بحال وقوع حادث متعمد

ما يمديك تتلافاه كيف يقول الخطأ عليك


up 7 down 2
ابراهيم 78 -100
قبل 3 شهر و أسبوع



ياخذون بكلامكم ليش ماياخذون اشرحوا الموضوع بالتفصيل انتوا انه متجاوز من اليسار بسبب ان السيارة الصغيرة ماقدر يفتح ويوم تعدا كع بريك في وجهه بسبب انه مافتح له وبسببه صار الحادث واتحداه ينكر وانتوا المفروض شهدتوا اللي حولكم كان فيه احد بعد لكن حتى كذا انتوا شهادتكم تكفي


ولو توصلونها لقسم معه ماعندك مشكلة تتلطع المعاملة بس بياخذ جزاه وبيتصفق لو انه كذب اول شي ثمن اعترف


up 3 down 1
a.ibrahem 3026
قبل 3 شهر و أسبوع



حياك
اذا المرور ماخذا بكلامك انت وصاحب السيارة الصغيرة
حولوها للشرع واشهدو ضده انه هو المتسبب 
وان شاالله الحق معكم


up 3 down 0
باترول 2020 2322
قبل 3 شهر و أسبوع



اجل خذو من القصة هذي عبرة

وركبو كمراات امامية تحفظ حقوقكم


up 1 down 0
coco13 830
قبل 3 شهر و أسبوع



انا دايم اقول مفروض مصانع السيارات تركب كاميرات فيديو في كل جهة في السيارات و تشتغل مع السلف
وتفيدك في مواضيع مثل هذه

لكن مدري متى يتوصلون الى هالشي


up 1 down 0
chevrolet zr1 705
قبل 3 شهر و أسبوع



وعليكم السلام

هذا وقت الكاميرا

شيء يقهر مستهتر يتسبب بالحادث ويوضع الخطا عليك او على صاحب السياره الصغيره شيء يغبن
المهم اصمل انت وصاحب السياره الصغيره وخلوا كلامكم واحد ولاتتركون صاحب الكزس لين يدفع ريال ينطح ريال


up 2 down 0
المنطق يقول 656
قبل 3 شهر و أسبوع



هذا اللي بيصير ان شاء الله للمعلومية الحادث كان مقابل الشرطة
يعني ممكن يقدرون يثبتون اللي صار عن طريق كميرا التصوير
اللي لكيد موجودة خارج مركز الشرطة صورة كل شيء ويثبت كل شيء
صار و كيف كان بالضبط


up 0 down 0
fahadsarc 9
قبل 3 شهر و أسبوع



الله يعطيكم العافية جميع على هالتفاعل وانا باذن الله في حال لم
ياخذ حقنا من هاللي تسبب في الحادث بطالب المحكمة و يرجعون
لتصوير فيديو الشرطة و الحمد لله جات على الحديد ولاكان بتسبب
في اصابات ولاكن الله لطف اللي فهمته من موظف نجم وهو من نور بصيرتي
ان الموضوع في حالت التعمد يتحول حادث الى جنائي مثل مقال الاخ
اللي فوق لان فيه تعمد بالاذى و ينطبق عليه من دعمك مم ورى غلطان
والله يعين


up 0 down 0
fahadsarc 9
قبل 3 شهر و أسبوع



سيارة صغيرة هههههههههههههههاي
مو ماليه عينك

انا الطرف الثاني ياحبيبي
شنو هالصدفة العجيبة .. بحثت عن طريق العم قوقل ، اول موضوع يطلعلي موضوعك

على العموم اشكر الكل على التفاعل وحبهم للخير للغير .. الله يجزاكم خير

وابشركم
الغلط 100% عليه وصدر التقرير ، الله يهديه.
مع العلم انه بعض رجال المرور
مازالو يكررون الغلط دائما على اللي ورا ...



تجاوز مفاجئ وبريك مفاجئ >> الغلط مئة بالمئة على اللي قدام وسلامتكم ...


واجب عل كل شخص يعرف حقوقه ... في نظام مرور ادخله وحمله ... وفيه منطق وعقل تقدر تستخدمه عشان تثبت واذا كان فيه شهود بيقوي موقفك
اي حادث فيه تعمد او خطأ من اللي قدام اذا المرور قيم الحادث خطأ ووارد هالشي كخطأ بشري او فهم خطأ للحادث
... اعترض وودها للجنة المرور وهذا حقك وكفلك النظام هالشيئ
وتقدر تعترض مرة ثانية وتنقلها للمحكمة عن طريق صحيفة دعوى او في حالة العمد فقط بلاغ بالشرطة وهذا موجود بالمادة 59 من نظام المرور
اي حادث بدون قصد >> المرور
غير ذلك يحول للشرطة
واذا كان حريق لاسمح الله ، الدفاع المدني

واي جهة ترفض التعاون ... رح الامارة ، واذا كان فيه فساد ودخول الواسطة ، تقدر تحولها لهئية الفساد

ترا في قوانين كثيرة و حلوة بالبلد وتحفظ حقوق الناس ... المشكلة في جهلنا بالانظمة اللي وجدت لحمايتنا !!

اكرر شكري للجميع...


up 0 down 0
believerguy
قبل 3 شهر و أسبوع



وقت تركب كمرا توثق الحادث - المرور بيشوف الحقيقة
انا سالت مرة نجم عن الكمرا قلي الكمرا هي يلي نصدقها وتقرير الحادث ينبنا عليها
مين قاطع الاشارة مين دق فرامل قدام الاخر مين كان عم يناور في الطريق المتسبب في الحادث الهرووب
كله موثق بل الفيديو


up 0 down 0
abd_alrhmn 2334
قبل 2 شهر و 4 أسبوع