أضف سؤال أو موضوع جديد          

دائما ابحث عن الخدمة الأفضل بالسعر الأفضل

up 9 down 2
أبو عبادة 4154
قبل 5 شهر و أسبوع



السلام عليكم ورحمة الله وبركاته

نهاية الأسبوع الماضي أكملت سيارتي الكامري 80 ألف وقلت لازم أغير فلتر وزيت القير حسب جدول الصيانة خصوصاً أن السيارة موديل 2013 وكل هذا الممشى كان داخل المدينة

سألت عن سعر الفلتر والزيت والوجه عند بن حيدرة وقالوا لي 280 ريال ومريت الوكالة اسأل عن سعر التغيير ولقيته 880 ريال يعني الجماعة بياخذوا 600 ريال شغل يد وهذا سعر مبالغ فيه جداً وأنا كنت ناوي لو سعرهم يزيد عن المراكز 100 ريال أشتغل عندهم وأكون مطمئن لكن للأسف السعر مبالغ فيه.

مريت بعدها مركز الرشيد في الخضرية وطلب 200 ريال للتغيير و100 ريال لوزن الجلنط ولو محتاج تغيير قماش 100 ريال أخرى وشعرت أن السعر مرتفع فمريت مركز الشامي وطلبوا 150 ريال لتغيير زيت القير و50 ريال لوزن الجلنط فتركت السيارة عندهم وطلبت منهم يوزنوا شباك السائق لأنه أحياناً يرتفع أوتو وينزل لوحده قبل ما يوصل للنهاية

تم تغيير زيت وفلتر القير وعند فك الهوبات الخلفية طلع قماش الجلنط سليم ويحتاج وزنية فقط لكن قماش الفرامل منتهي والهوب بحاجة للخراطة فأخذت الهوبات معي أخرطهم بنفسي وشريت لهم قماش خلفي وركبوه

التكلفة:
265 ريال فلتر وزيت ووجه للقير
170 ريال قماش خلفي
30 ريال خراطة هوبات عند مخرطة التعاون
250 ريال شغل يد عند مركز الشامي
الإجمالي = 715 ريال

حبيت أعطيكم فرق التكلفة بين الوكالة والمراكز الأخرى خصوصاً أن الموضوع غير معقد









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا للتجربه و لايك


up 3 down 0
ابراهيم 78 -96
قبل 5 شهر و أسبوع



تسلم يا ابراهيم

وحياك الله


up 0 down 0
أبو عبادة 4154
قبل 5 شهر و أسبوع



مشكور ياغالي
وزيت القير مايحتاجلة وكالة وخساير
اهم شي توزن كمية الزيت لانقص ولا زيادة


up 0 down 0
الرفاعي33 13810
قبل 5 شهر و أسبوع



المراكز الكبيره دبل السعر ٤ مرات
واذا حدث لسياره شي نتفهوك وصرفوك بعذر انه خطأك
....
انا غيرت زيت كامري٢٠٠٧ عندي ورشه بكستاني شاطر جدا
اذكر شغله ٨٠ ريال زيت قير وفلتر
.....
وغيرت زيت وفلتر الاكسنت عند مصري شاطر لان البكستاني سافر ونصحني فيه احد الاصدقاء
وغيره ب٥٠ ريال
.....
والسلام عليكم ورحمة الله وبركاته
بلا مركز كبير بلا خراط



up 1 down 0
امير الاصيل 1684
قبل 5 شهر و أسبوع



أمير الأصيل

أنا أحترم رأيك لكن صدقني الورش الصغيرة بغض النظر عن جنسية الفني لن تتحمل المسؤولية ولو صار خطأ وخبط القير لأي سبب لن تحصل على شيء ولو حصلت على حقك فعلى الأقل بعد أشهر من المماطلة والمتابعة

على الأقل المركز الكبير يخاف على سمعته أما الورشة الصغيرة ما عندهم مشكلة

والفرق بين 80 ريال و 150 ريال لا يستحق المغامرة

- وجهة نظر -


up 2 down 0
أبو عبادة 4154
قبل 5 شهر و أسبوع



زيت القير النترا سغر التغيير فقط 25 ريال والزيت من عندي، عند البنشري وتحت إشرافي ، في بترومين قبل سنتين تقريبا قال لي و بدون مبالغة شغل اليد ب 300 ، 12 ضعف البنشري ، والزيت من عندي أما الوكيل فهو كما يقول المثل الشعبي "يدبع بلا ماء" ، بمعنى يحلق لك دون ماء ، أي لا يرحمك أبدا


up 0 down 0
anosi 1163
قبل 5 شهر و أسبوع



بصراحه وحق ينقال عضو ابو عباده افضل واحد بالمنتدى ولا قصور في الباقيه فيهم الخير والبركة بس هالشخص استفدت منه بشكل مو طبيعي خصوصا حقيبة السلامة بصراحه واضيعه هادفه جدا يستحق القبله على الراس نظر لتعامله الحسن مع الناس


up 0 down 1



جزاك الله خير يا نواف

أنا أحاول أفيد وأستفيد من خبرات وتجارب الآخرين

وابعد دائماً عن النقاش الغير هادف

وشهادتك أعتز فيها


up 0 down 1
أبو عبادة 4154
قبل 5 شهر