قدر الله وشريت جيب FJ وطلعت المكينة خربانه وأبي شوركم

حاول تتواصل مع صاحب السيارة الاول

أو مر مركز الصيانة واطلب منه تفاصيل الصيانات السابقة

والله يسهل أمورك

الله يعوضك ويسهل امرك , بس مكان الخرم غريب وابداً مو مبين انها من حفرة او مطب
بالعكس مبين انها بفعل فاعل

واضح ان راعي السياره الاولى غشك.  مستحيل صدفه

فحصت السيارة قبل تشتري؟

لأن واضح الخرم ماهو من شي هين

حياك
عساه خيرة في المكينه ولاغيرها
ومعوض خير ان شاالله
لاكن اذا عرفت المشكله والسبب 
نزل موضوع المشكله والسبب 
اتوقع عيب مصنعي انفك شي من المكينه من الدخل وسبب هالخرم

حيا الله الجميع 
( الحمد لله على كل حال )
ايه نعم اكيد في شيء انفك داخل المكينه وسبب الخرم .
المشكله الحين كيف يشملها الضمان ؟
لازم اجيب فاتورتين ل 80 و 90 عشان تدخل الضمان .

تواصل مع راعيها واسأله وين تمت اخر صيانتين واذا ماقدرت توصل له
مافي الا انك تروح للمراكز المعتمده مثل بترومين ون استوب فاست لوب كويك لين صاروا يستقبلون اي سياره مر عليهم وشف ايسي ديلكو مجرد ماتعطيهم رقم اللوحات يطلع عندهم بالسستم اذا السياره قد تصينت عندهم او لا واذا حصلت عندهم اخر صيانتين اطلب منهم يطبعونها لك واذا ماحصلت شيء الله يعينك وفي محاوله اخيره كلم الوكاله قلهم ابدفع قيمة اخر صيانتين ودخلوها على الضمان في وكالات توافق وفي الي ماتوافق جرب انت فرع فرعين ثلاث والله يعينك اذا ماوافقوا

غير مكينه وريح مخك من وجع الراس

اولا برد على الوافي

ادفع للرجال قيمة المكينه و فكه من وجع الراس او لا تبربر

المشكله انك معاك النترا تشتكي من مشكله فيها

بيعها تشليح و فكك من وجع الراس و شوف لك سيارة وكالة

نرجع لموضوع الرجال

برأيي مثل ما عرفت ان اخر صيانه كانت على 70 الف

الوزارة ما هو شرط فواتير حتى لو صاحبها الاول راميها

ممكن برنت تطلع اي فرع من الوكالة او المكان اللي كانت تتسوى فيه الصيانات

برنت بالصيانات السابقه هذا اثبات يكفي

فيه اشياء لازم تسويها وفيه اشياء لازم تجاوبني عليها وهي كالتالي :


اللي يفترض انك تجاوبني عليه 1- هل الموتر شد بلد ولا جايه لفخ ورشوش او منقلب وجايه صدوم 2- هل فحصت الموتر عند فحص مضمون وكان سليم 100% وجربوه ميكانيكا وشيكوه كامل من تحت وبديه وكل شي وعندك تقرير بها 3- حسب الصورة اللي اشوفها ولو انها مهيب واضحه شكله خرم ذا او كسر في الجرم شي زي كذا يعني هل وديته ورشة اقل شي يشوفولك من وين التهريب وسببه هو كسر ولا وشوا


الاشياء اللي المفروض تسويها 1- تتصل براعيه الاولي وبيختلف كلامك معه اذا انت فاحص من اول ولا مافحصت اذا انت مافحصت فهذي غلطتك واذا انت فاحص ومابينت وقت الفحص اساله عنها وشف وش يقول واساله عن صيانات ال 80 و90 اللي تقول عنها هل سواها ولا لا وعنده فواتير عليها ولا لا


صراحة موضوعك يبيله شرح واجابات عشان نقدر نفيدك بالطريق الصحيح عموماً انتظرك تجاوبني على اللي سألناه


واذا كان العيب من اول تقدر تشتكي الفحص على فكرة اللي فحصت عنده اذا كانك فاحص



اخيراً نصيحة :
لاتفكر تشغل ولا تمشي على الموتر ابد لو متر خل شغلك سطحات تخسر قيمة سطحة ولا تخسر المكينة بكبرها


موفق والله يعوضك خير

يا إبراهيم بجاوبك على استفسارك : 

1- السياره شد بلد والبدي وكاله
2-فحصت السياره في( سهم )وجتازت الفحص وعندي مايثبت ذالك
3-وديته الوكاله ورفضو يشمله الفحص (بس شافه الفلبيني على السطحه ويقول هذا كسر )

كسر ما يشمله لو كان الكسر من الاسفل يعني ضربت شيء بالارض

لكن الكسر ماهو من الاسفل مكان الكسر ما يوصله ضربه

يعني خلل داخل المكينه مثل ما قلت لك خذ برنت من المكان اللي لقيته مشيك عندهم و قدمه للتجاره

طيب كلمت راعيه وسألته ؟ وهل يوم تشتريه ماكان فيه ولا نقطة زيت او اثار توحي ان فيه شي معدل ولا ملحم ولا ذا ؟


لأن اذا كان الموتر سليم 100% وقت شريتك له معناها راعي الموتر ماله ذنب والفحص برضوه ماله ذنب البلا في الموتر اجل


كلم راعيه عموماً واساله انت مسوي صيانة 80 و 90 ولا لا يمكن ماسواها في الوكالة بس مسويها في بترومين ولا غيره رح وخذها منهم



وبعدين وزارة التجارة ذي تستهبل توقف في صف الوكالة ضد المواطن يعني بالله كسر في جرم المكينة وش دخل صيانة 80 و90 اجيب فاتورتها يعني لو اني رايح لهم مهب منكسر الجرم ولا منخرم يطقطقون ذولي يفترض ان فيه لجنة تقييم في وزارة التجارة مثل أي جهة ثانية تأمينات اجتماعية وغيره تقيم الخلل وهل له علاقة بالصيانات الدورية ولا لا وهل هو سوء استخدام ام خلل في الموتر وتحكم بين الطرفين



يعني بالله مثلاً سيارتي ماشيه 50 الف نقول وضرب القير وانا ماقد سويت عندهم ولا صيانة وهم قايلين لي اول تغييرت زيت على 80 مثلاً والزيت مانقص ولا شي وقت تخبيطته على 50 يعني معناها خلل في القير يعني لو رحت لهم صيانات وش بيسوون اللي يخلون القير ما يخبط ولا وش بيدريهم اصلن دام الموتر ماشي ماراح يجون شي



لكن لما واحد مثلاً خربت عنده طرمبة زيت المكينة مثلاً وهو مايستعمل الزيت الموصى به ولا اللزوجة ولا يغيره بانتظام هنا نقول معكم حق الرجال مهمل وبكيفه



الله يعيين بس على ذا الوكالات

اللي اعرفه ان وزارة التجاره ما تلزمك بعمل الصيانات لدى الوكيل، ويبقى الضمان ساري حتى انتهاء تاريخه حسب كتيب الضمان، واذكر هذا الخبر صدر في جريده رسميه، تأكد من افادة موظف وزارة التجارة لا يكون جديد ولا افتى لك دون علم. حاول مع وزارة التجارة مره ثانية انهم يلزمون الوكيل يدخل السيارة على الضمان بصرف النظر من عمل الصيانه عندهم من عدمه.

انا معي اف جي للامانه لقيت مكاين اف الاجي النظيفه ماتتعدى ١٤ الف ريال لقيت مكينه ٢٠١٦ لسى راكبه وشغاله في موتر مصدوم من الخلف عداده ٣٥ الف نظيف المكينه ما شاء الله يبي فيه ١٤ مع التركيب والرجيع لكن ان كان تقدر تروح الوكاله وتطلع برنت بالصيانه حلو وبعدها اذا رفضوا اشتكهم على التجارة تراها ماترحم خصوصا وكالات السيارات حاول تتواصل مع المالك الاول واذا تعرف لك احد في الوكاله يطلع لك كامل صياناتها

وزارة التجارة ايام الربيعة الحين ما عندك احد

وقفها في محل نظيف يم البيت وفك الرتير وشوف ايش
حاصل يمكن مسمار ذراع قالت وتغيير سبيكة حلقته ونجيب
لها لحام فنان يلحمها لك اذا الوصله كبيره يجيب لك قطعه
اللمنيو من مكينه ثانيه نفس السماكه بس خليه يضمن شغله
وقبل كل شيء تواصل مع الشركة يمكن يغيروها على الضمان
مجانا
تحياتي

وفك الكرتير تصحيح تحياتي