التسامري وما ادراك ما التسامري

انا بصراحه ما فهمت كثير وش المطلوب من الموضوع لكن الله يرزقك ( بتسامري تسعدك ) 

وانا انصحك الجديد2012  ابعد عنها  اما 2010 و2011 ممتازه وعمليه 

بالتوفيق يارب 

يااخي من معلمك الكتابه

شكلك مريض نفسي ........

صديقي كامري قراندي ... التسامري ٢٠١٢ غالية منيب حولها ابد ابد .. بودي اخذ ٢٠٠٨ قي ال اكس فتحة وقناح < يالبيه هههههههههه
الماخوذ غالي وسعره عز الله فيه ويستاهل اكثر بعد ..

شكراً لك

نواف .. وربي انك خطير .. فعلاً انا مريض نفسي واعاني من ااكتتاب مزمن بس الله يهديك لو دعيت لي بالشفا يكون افضل ..

عموما ارعص زر الديس لايك ولا يهمك يا بطل

ياخوي غشيم انا ما قلت اخذ 2012 هههههههه اقولك ابعد عنها واشتر 2011 او 2010 

بس دامها غاليه عليك خذ 2008 وهي ماشاء الله سياره ماعليها خلاف وعمليه جدا وصيانتها سهله واهم شيء اخذ بودي وكاله وممشاء ما يتعدا 190 الف 

بالتوفيق 

كامري قراندي .. فاهم عليك يا بطل .. والف شكر مرة ثانية

مظاهرة هذي مو حراج

بالتوفيق ياراعي الكامري وسيارات تويوتا رضينا أو مارضينا تعتبر مكسب بعد البيع لوجود شعبيه لها بين فئات الشعب 

ولايك لروحك الرياضيه 

ههههههههههههههه w1w1
اما سالفه لها سحر على جميع طبقات المجتمع....فهذي اسمح لي غشيم اخالفك هي ماتجذب الا طبقه وحدة معروفه ..والطبقة هذي تشكل نسبة كبيرة عندنا

^^^^^

طلال عبدالله تويوتا أكثر شعبيه عندنا بالسعوديه وأتحداك تثبت العكس

بختصار وش المطلووووب !!!

 باالتوفيق والله يرزقكك باالسياره الي تسركك__  

تقبل مروري *

آلله يووفقك بس ماتحس انك عطيتها فوق حجمها :) ..والله لا سحر ولا هم يحزنون لكن المشكله مشكلة الشريطيه هم اللي
يرفعون وهم اللي ينزلون وآحساافه ان كانك صادق تبيع كابرس وتشتري كآمري !!

يا أخي هال منتدى جنانا بملاحظاته وحلفانه تراني ما أؤدي القسم إلا في المحكمة وفي هال منتدى بالقوة الإلكترونية الجبرية. وأقول لأخوانا الغريم انك تكلمت عن العامل الحقيقي لرفع قيمة التسامري ولو أننا تعاملنا معها أنها كامري فقط لكانت محتفظة بقيمتها الفعلية وفق نظافتها واستخدامها دون مؤثرات تسامرية. والمفروض في عبد اللطيف جميل أن يخصص ريع أرباحه لهؤلاء التسامريين  لإسهامهم في وضع التسامري في هذه المكانة وإلا فان السيارات الأوروبية الخائب وكلائها أطلق من الكامري أو التسامري. يا رجل حتى المرسيدس ئي كلاس تراجع في البداية لانه يشبه الكامري فلا ادري أي سحر اسبغته هذه السيارة على التسامريين. أما بديل الكري سيدا الذين تكلمت عنها بعض المنتديات فربما احتلت مكانا يتقدم التسامري وقد تتراجع إلى مكانها الطبيعي. أضف إلى أن المطلعين على دواخل السيارات يتوقعون أن تنتهي هيمنة تويوتا على العقلية التسامرية في ظل تعاليها على باقي المنتجات النظيرة الأخرى مع تقارب الفجوة التقنية ليس بين الكوري والياباني بل بين جميع المنتجات السائرة وذلك قبل أن تنتقل البشرية إلى الحقبة الجديدة للسيارات الطائرة ولكن عندها سيطالب التسامريون  كم كامري أن تطير والله اعلم بموقف التسركة ذلك الوقت. 

عفوا للتأتأة التي ظهرت بسبب الكي بورد الملفوف في الآي باد المتدخل في كل كلمة حتى في الكريسيدا.