تغير زيت السياره بنفسك

حط تحت الكرتيل كرتون موية فاضي وبداخله كيس والكيس يكون ثقيل وبعد ما يخلص الزيت شيل الكيس ووديه لاقرب بنشري يستفيد منه

حطه في اي علبة 

واي نعم عادي ترفع السيارة وتغير الزيت 

ودها للبنشري يشتريها منك3ريال اذكر سامعها مره مدري صدق او لا او عطه مجانا
لكن كذا ولا كذا البنشري يبيع الزيوت القديمه نفس البطاريات يشتريها منك ويبيعها على الشركه حقتها

والزيت عشان ماينكب فرغ السطل الي فيه الزيت
بدبة المويه الي تتقفل مثل موية نوفا 3.5لتر حجم الدبه
التفريغ عن طريق المحقان حق الزيت عشان ماينكب بالارض

ولو ماتبي تنقل الزيت بالسياره للبنشري
حطه عند برميل الزباله تكرمون
وعمال النظافه يشيلونه بالشاحنه حقتهم اهم شيء لاتحطه داخل البرميل عشان لاتورطهم
ويكبسون الدبه مع زيتها وهم مايدرون لانه بيطلع الزيت من تريلتهم بالارض
حطه جنب البرميل وهم يتصرفون عندهم مكان مخصص لهذي الاشياء بالشاحنه

يعطيك العافيه اخ دحوم
بس متاكد انه عندهم مكان مخصص للزيوت البلدية ؟

nissan200
عندي صطل مخصص لصب الزيت تحت السياره بس مشكلتي مع التخلص من الزيت

فيه واحد اسمه سعودي قراج عنده مقطعين لتغيير الزين تلقاهم باليوتيوب ويفرغهم بسطل او طشت 

الحمد الله ومنة لي الان ٤ سنوات تقريبا انا اغير زيت بنفسي واشتري في سنه كرتونين تكفيني
 طريقتي انا 
اغيرها على ارض متساوية  عشان ينزل زيت كامل 
وعندي سطل ارتفاعه ١٠ الى ١٥ سم  وعرضة كبير شوي 
وافك صرة وفرغ زيت وفك فلتر 
ثم اصب زيت في  جك ٥ لتر 
تصريف زيت بعض مرات  اوديها عند بنشر وافرغ زيت 
وبعض  مرات  جنب  برميل بلدية ويخذونه 
وبعض مرت في صرف صحي 

اهم شي اذا جيت بتغير 
موتر يكون بارد عشان بنزل برادة حديد وشوائب 
وصرة لا تشدها مرة قوة شد بيدك 
ومرة غير سيفون ومرة لا تغير 
وكل ٤ الف كيلو غير زيت و وتغير ثاني بعد ٤ الف كيلو غير زيت وسيفون 

محمد قاسم ممتاز انك تغير بيدك 
لكن الزيت يفضل تغييره والمكينه درجه حرارتها المعتاده
او بعد ماتقضي امورك وتكون المكينه حرارتها مرتفعه 
ويفك الغطاء الاعلى ثم الصره ويخليها فتره
 ثم يفك السيفون القديم ويتأكد من وجود الجلده اللي
على السيفون القديم !! واذا مالقاها فمعناتها انها التصقت
 في قاعدة السيفون ولابد من اخراجها !! 
ويركب السيفون الجديد وقبل مايركبه ينتبه للقاعدة اللي يركب 
فيها السيفون وينضفها ثم مسحة زيت على اطراف السيفون 
ويركب السيفون ويشده باليد افضل وهو على كيفه 
(( ويفضل تغيير السيفون كل مره )) لان السيفون مهم جداً 
ولا ارى اي فائدة من تغيير الزيت  والسيفون القديم ماتغير 
لأن الشوائب والزيت القديم اللي بالسيفون بيختلط مع الزيت 
الجديد !! والتغيير ليس حكراً على 4000 فقط ! بل على حسب 
المكينه والزيت المستخدم وطبيعة التشغيل او عمل السياره
.
وقبل الاغلاق يتم تنظيف الصره ويقفل الصره 
فإذا وقف شد الصره معك بدون جهد، 
فعطها ربع لفه فقط ولاتزود وانتهى 

إذا السيارة سيدان ارفعها على طوب أحمل حق الأرصفة ذاك
خلها تتوسقه وتقدر تغير بعدها واذا ونيت أو جيب ما يحتاج
والزيت المستخدم كبه في القمامة أو زيت كفرات القمامة به
أو إذا عندك برحه كبه على التراب التراب يشربه وهذا أفضل
حل