استفسار بخصوص قضية

الله يرحم أخوك ويغفر له وبلاش تعلن جزاك الله خير ولاتنسى أن المتهم بري حتى تثبت إذانه

ومن ناحية الحضور لاتخاف راح يحضر أو يُحضر بالقوة الجبرية

يعني بالطول بالعرض راح يحضر بإذن الله

اخي لاتحزن الدنيا مصايب اما المتهم فقد يكون بريئا وقد يكون جانيا فعلا في السجن اناس مظلومون وغيرذلك وليس هذا طعن عداله في الشرطه والتحري ولكن الخطا وارد اما حضور المتهم فسيحضر عن طيب خاطر او بالقوه

بيجيبونه بأذن الله وبتتضاعف عليه الأحكام

و عليكم السلام ورحمة الله و بركاته

اولا اذا انت بجده او مكه او منطقه قريبه ممكن نلتقي و افيدك بكامل الدعوى و اكتب لك صحيفة دعوى او رد عليها

ولا ابي منك شيء

الشيء الثاني افيدك هنا باللي اقدر عليه

اولا التقرير غلط و تهرب الفاعل اللي صدم و هرب من المرور و حاليا من المحكمة هذي بحد ثاتها ادانه

القضيه هنا ليست مجرد حادث و هروب و اضرار ماديه

القضيه هنا تندرج تحت القتل غير العمد

حوادث السيارات التي تحصل بها وفاة او تصدم احد بالشارع و يتوفى حتى لو هو قاطع الشارع

يسمى قتل غير عمد و فيها ديه و فيها صيام شهرين متتاليه للقاتل غير العمد

الاجراء المتخذ من قبل المرور غلط و فيه تساهل و استخفاف بحق ذوي المتوفى

ايقاف خدمات ما تكفي شيء

حصل لي ايقاف خدمات قبل فترة و استمر 3 سنوات ولا كنت ادري عنه اصلا

الا مره بتفتيش بلغني العسكري ان عندي ايقاف خدمات فقط

يعني حتى لو مريت من تفتيش و تأكد من السجل و شاف ايقاف خدمات ما يحق له يوقفني ولا دقيقه

يبلغني شفهيا و امشي

الاجراء المفروض يصير ايقاف خدمات و إلقاء قبض يعني يمر من نقطه تفتيش يشوفون عليه بلاغ

يوقفونه مباشرة و على التوقيف و يرسلونه ثاني يوم للجهه اللي طالبته محكمه او مركز شرطه او اي جهه

و فيه شيء ثاني اسمه احضار بالقوة الجبريه مثل وضعك المفروض هو اللي يصير لأن فيها قتل

حتى لو كان قتل غير عمد

و القاضي ما راح ينتظره مرتين و ثلاثه ما يحضر

راح يطلب استدعائة بالقوة و يجي غصب عنه

اللي بيحصل الحكم هو دفع ديه كامله و دفع قيمة اضرار المركبة

احسن الله عزاك الله يرحمه ويغفرالله ويحسن اليه
المشكله اذا جا الطرف الثاني عند الشيخ وانكر كل شي جمله وتفصيلآ
وماعندك دليل مادي عليه ولاشهود اعيان في الحاله هاذي الشيخ راح يطلق سراحه على طول
انت الان تبدا تجمع الادله من كل مكان مثل ناس شافوه او تصوير من احدكميرات المحلات لازم يكون معك دليل قاطع على الطرف الثاني هو المتسبب في الحادث وتقرير المرور ماكتب فيه ان الطرف الثاني هو السبب في الحادث وهاذي مشكله بعد

نمر٢

يقولك فيه شاهد و رقم لوحة المتسبب

و المتسبب يتهرب من المرور و من جلسات المحكمة

تقول ما فيه دليل

كان جاهم صاحب السيارة و انكر ما يتهرب

طبعا ما ينكر كذا يفحصون السيارة يتأكدون هل جاها حادث

و تصلحت او لا و اذا جاها حادث قديم هل هو مسجل بالنظام

فيه ورقة اصلاح فيه شيء او لا

لو مصلحه ولا هي مسجله بالنظام يعني حادث و هارب

الله يغفر لأخيك و يرحمه
لا تلعن و حكم اللعن أظنك تعرفه

يااخ ابراهيم هل تتوقع ان الجاني محتفظ بسياره لي حد الان اكيد تخلص من السياره لي ان السياره اكبر شاهد عليه
اما اتلفه او بلغ عليه انه مسروقه وعنده طرق كثيره
حتى المرور لو عنده شكه 1 بالميه كان حضره في ضرف 24 ساعه ولاكن كل الي سواه ايقاف خدمات فقط مع العلم ان ادارة المرور مرتبطه بي مركز المعلومات تقدر تجيب جميع بيناته وتحضره هاذ حادث فيه وفاته مو حادث عادي
وهل القاضي بياخذ بشهاده شخص واحد ؟ حتى تقرير المرور ماكتب فيه ان الطرف الثاني هو المتسبب في الحادث او الوفاه كتب قضاء وقدر وهاذي راح يحطه الشيخ في عين الاعتبار لي انه جيه حكوميه ومصدقه
نصيحه لازم يجيب اثباتات على خصمه عشان يضمن حقه او يوكل محامي
واتمناء من الله ان يسر الامور وينتهي الموضوع على خير

اخوي ابراهيم انا في الرياض جزاك الله خير م تقصر
وبخصوص انه بينكر كل الحادث انا متوقع هذا الشي
واذا ضاع حق اخوي في الدنيا مو ضايع في الآخرة والموضوع بسيط
اما موضوع اللعن .. الله لا يحطكم نفس موقوفنا هذا اللي اقدر اقوله

مشكورين على الافاده

للمعلوميه .. الشخص المتسبب في الحادث من اصحاب سوابق

الانكار مو سهل 
اول يحققون معه واذا ماطلع شي بالتحقيق يمكن القاضي يطلب منه حلف اليمين 

تابع القضية وتأكد بأنك ماراح تنظلم بالمحكمة بحول الله وقوته

المطلوب منكم الان التركيز على شغلتين

اقناع القاضي بتجاهل تقرير المرور بأن الحادث قضاء وقدر، والالحاح عليه باعتماد شهادة سائق السيارة وأن الحادث بفعل فاعل

الإلحاح على الشاهد الي جاب رقم اللوحة بالحضور، ضروري يحضر ويشهد انه شافه يصدمكم

اذا شهد الشاهد،، يحتاج 2 مزكين وبعدها حكم مباشرة

اخوي نديم ..
المشكله ان اللي جاب رقم اللوحه عطاه لخوي اخوي و راح ولا خلى معلومات ولا شي
لحقه يبي يوقفه واللعين نقز رصيف بعد 100 متر من الحادث .. بس م قصر لقط اللوحه الحمد لله
طبعا خوي اخوي شاف السياره قبل يصدمهم وتاكد من لوحتها وطلعت نفس النوع والموديل
يعني قدامي الحين انه يحضر ويعترف او ينكر ويحلف يمين او انه يتهرب ويثبت فيه الجريمه

مشكورين على الافاده

رحم الله اخيك واسكنه فسيح جناته المتسبب ثبتها على نفسه دبل وثنين