أضف سؤال أو موضوع جديد          

تجديد كابرس ss 96

up 27 down 1
أبو بانا 306
قبل 4 شهر و 3 أسبوع



السلام عليكم..
تحية طيبه للجميع..
اسمحوا لي ان أشارككم فرحتي بإنهاء مشروع تجديد سيارتي الثانية ولله الحمد ألا وهي(كابرس ss)..
فلقد سبق لي تجديد سيارة من نوع بليزر ٨٤ قبل انضمامي للمنتدى لكن جاني رجال شراي وبعته فالله يبارك له ويعطيه خيره ويكفيه شره..

للمعلومية أنا شخص هاوي بمعنى استمتع وأشتغل الموتر بحب بهدف الإقتناء وليس البيع وتجذبني أنواع معينه من السيارات وأحب أحييها من جديد علما بأن الشغلة متعبه ومكلفه لكن ماتحس بطعم متعتها الا لما تنتهي منها وتقوم بقيادتها فلها متعه ماتشعر فيها بأي موتر جديد علما بأني أملك موتر موديل ٢٠١٥ لكن الشعور جدا مختلف..

المهم في الشغله كلها الصبر الصبر الصبر (لا تستعجل على الموتر)..

مدة التجديد ٨ شهور
القطع بتلقى المتوفر وبتلقى المقلد حصولك على قطع أصليه متعب يبيلها صبر وبحث بمواقع أجنبيه..
مهم التعامل مع ميكانيكي وكهربائي يشتغل بضمير ويفهم شعورك تجاه الموضوع فأحيان يطلعلك شغلات ماتعرفها خاصه بالظفائر أو قطع الميكانيكيا وكأنه يعطيك تاريخ السيارة بكل جهة إما يكون صاحبها مهمل شغله وزادت أو إنه حل مشكلة بطريقة خاطئة أو إنه إنغش، وتعرف اذا الشغل قديم او جديد كل شي يبان، ولازم بعد الورشة تفهم إنه أي شغله تطلع لهم يبلغونك أول بأول لايتحرفن أو يحاول يولف فأنت بتقتني بالنهاية، وأيضا يبيلك تمرهم كل يومين نص ساعه لاتتكاسل هذا حلالك لازم تشرف عليه وتتحمل تبعات الموضوع بالزبط مثل البناء..

الموضوع متشعب ويبيلك لما تبدأ مشروع شراء سيارة تبحث عن مصدر للقطع وتفهم مشكلة نوع السيارة وتطلع على المواقع والمنتديات الأجنبية وتفهم الحل الصحيح وفوق هذا كله لازم تحط ميزانية معينة واذا نويت وبديت تدور سيارة أهم شي (الشاص والقير والمكينة والدفرنس) الباقي لاتشيل همه ينحل لأن هذي أساس الموتر ويبيلك تركز فيها، فإذا تيقنت من هالأمور توكل على الله وأشتر وخلها ولاتسوي شي لين تحس إنك مستعد وبعدها أعقلها وتوكل..

راح انزل موضوع عن التجديد مع إن أغلب الأخوان سبقوني لكن الهدف الآن مشاركتكم فرحتي وبنفس الوقت تشجيع بعض الشباب الي يعشق هالهواية لا تيأس..

عذرا على قل الصور تعبت بتحميلها من موقع رفع الصور لأن المنتدى رفض التحميل، لكن راح اشاركم صور أكثر إن شاء الله بالمواضيع القادمه ومشروعي القادم راح يكون تجديد كوبرا لكن لن أبدأ فيه الا بعد رمضان ان شاء الله وراح يطول..

بالنهاية اختموا إعجابكم بذكر الله..





























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما شاء الله تبارك الله

واضح التعب فعلا الترميم يحتاج مجهود ووقت و طولة بال


up 2 down 2
ابراهيم 78 -96
قبل 4 شهر و 3 أسبوع



ماشاء الله تبارك الله 

الله يعطيك خيرها ويكفيك شرها ويرزقنا مثل صبرك


up 1 down 1
ابو حسين.......... 695
قبل 4 شهر و 3 أسبوع



ما شاء الله تبارك الله

تعديل وكالة

ليت المنتدى يفتح خاصية الصور ع شان يكتمل الموضع
كذا حوسه ننتقل لروابط الصور

ع العموم الله يعطيك الف عافيه


up 1 down 1
3abdulrahman 35
قبل 4 شهر و 3 أسبوع



ماشاء الله تبارك الرحمن شغل متعوب عليه


up 1 down 0
نواف الحربي4 326
قبل 4 شهر و 3 أسبوع



صراحه شغله متعبه بس رهيبه وممتعه اهم شي انا اشوف ان الموتر ما قد انقلب ولا جاه شي الشاصي ولا مقصوص ولا مغير الباقي
يهون صح اللى ذكرتها مهمه جدا لكن هذا الاهم


up 1 down 0
mission 829
قبل 4 شهر و 3 أسبوع



انا صارلي سنتين ادور كفرات مقاس الوكالة وما حصلت٢٥٥/٥٠/١٧
والدركسون كل الكوابرس فيها فضاوة لفوق وتحت
والجلنط ما يمسك مع ان السلك مشدود والقماشات جديدة

ياليت لو عندك حل لهالمشاكل تفيدنا وتدلنا على الميكانيكي اللي جددتها عنده


up 1 down 0
tareq_talli1 1530
قبل 4 شهر و 3 أسبوع



اخوي طارق

بالنسبه للكفرات مقاس الوكالة متوفرة بالبحرين وهي نفس مقاس كفرات بي ام دبليو e30 شركة نيتو..

الفضاوة من فوق وتحت هذي بكل الكوابرس سببها ان الشخص يدكي على الدركسون اذا جا ينزل من السيارة او وهو يسوق فتسبب فضاوة مع الزمن وحلها جدا بسيط فك الدركسون وتعديل الزرقينة الداخلية مع عدم ازالة الشحم الداخلي..

بالنسبة للميكانيكي فماكان عنده علم عن سبب الفضاوة وكان يحسبها من عامود الدركسون لكن أنا بلغته عن الحل وفك الدركسون وسواها لي، لاحد يقول عامود دركسون انتبه..


up 3 down 0
أبو بانا 306
قبل 4 شهر و 3 أسبوع



ماشاء الله تبارك الرحمن
شغل محترم والله يبارك لك


up 0 down 0
mohammad saeed 2863
قبل 4 شهر و 3 أسبوع



حياك
مميزة مواضيعك 
وفعلا مجهود وتعب 
وباالتوفيق


up 1 down 0
باترول 2020 2363
قبل 4 شهر و 3 أسبوع



شكرا للثناء بارك الله فيكم ورزقكم ماتتمنون..


up 4 down 0
أبو بانا 306
قبل 4 شهر و 3 أسبوع



مشاء الله يا السيارة بطله
يتوفيق


up 0 down 0
faisal0 0 229
قبل 4 شهر و 3 أسبوع



ماشاء الله تبارك الله
نزل موضوعك في البوابة الرقمية افضل
حرام موضوع زي كدا ينزل بدون صور
والله يطرح لك فيها البركة


up 2 down 0
احمد 170 287
قبل 4 شهر و 3 أسبوع



ماشاء الله

شغل ترتيب


up 1 down 0
mustafa77 6103 322
قبل 4 شهر و 3 أسبوع



ما شاء الله تبارك الرحمن فعلا التجديد متعه كبييييره
واهنيك على اختيار السيارات والكوبرا اختيار موفق شكلية 99-2004
جدا بطله وبالتوفيق


up 1 down 0
abdullah_rea 210
قبل 4 شهر و 3 أسبوع



الله يعطيك العافيه

مجهود طيب

انا نفسي اجدد لكن المادة تحول بيني وبين التجديد




up 0 down 0
aboahmed2014 613
قبل 4 شهر و 3 أسبوع



تم اضافة الصور ولله الحمد بقدر المستطاع


up 1 down 0
أبو بانا 306
قبل 4 شهر



ماشاء الله تبارك الله
سيارة جباره بمعنى الكلمة


up 0 down 0
كاسرالقيود 8
قبل 3 شهر و 3 أسبوع