ترهيم كيا كرنفال

كيف دايم تخبط ؟؟؟

اعتقد اما من سوء الاستخدام او مشكلة فدورة التبريد او المكاين اللي شريتها منتهية 

اعتقد اقرب مككينة بل هي نفسها مكينةازيرا من 2006 الى 2011 مكينة 3.3

لا المكينه مختلفه

٢٠٠٦ الى ٢٠١٠ مكينتها ٣.٨

٢٠١١ و طالع مكينه ٣.٥ لكن اقوى احصنه

٢٠٠٦ نفس الازيرا مكينه ٣.٨

و نفس مكينة الاوبريس

ولا اعتقد تترهم

سمعت انه افضل مكينه تركب بسهوله بعدالترهيم على الكرنفال هي مكينة المكسيما وتقريبا تكلفك تركيبها ست الاف ريال سعودي اذا ماخاب ظني طبعا لازم تغير الكمبيوتر وشغلات ثانيه واذ بتغير القير لازم تبدل كراسي المكينه و القير تبدل القير + الظفيره + الكمبيوتر و اشويه تراهيم ..

هههههههه سمعت اجل

المكسيما مكينتها ٣.٠

ولو بتركبها لازم تركب قير ولو غيرت القير

العكوس بتختلف مداخلها لازم تتغير

و كمبيوتر مختلف و كمبروسر و ضفيرة كامله

ووكراسي مكينه و قير و كمر كامل لازم يتغير

المجموع ٧٠ ألف هههههههه هذا لو فعلا تركب لازم تغير كل شيء

و اذا ركبت و خلصت بتطلع ضعيف عزمها

المكسيما ٢٢٠ حصان

و الكرنفال ٢٦٠ حصان

بعها نصيحه وربي 
عندنا وحده نفس موديلك زهقنا وحنا نركب لها مكاين وتصليحان فيها 
لاكن الردي يضل ردي الحين ناطلينها خلاص زهقنا من كثر مانغير 
مكاين

اذكر على وقتها يركبون لها ماكينة ماكسيما
موديلات 95 الى 2000 الشكل القديم

اذا انت تركب مكاين من التشليح طبيعي بتخبط الموتر موديله قديم وكل المكاين اللي في التشليح قديمه ومنكده يعني ممشاها اقل شي ماراح ينزل عن 250 الف انا يا محاكيك الاوبريس الحين دخلت 352 تقريباً 2009 شف لها مكينة مستوردة افضل وانظف


مسألة الترهيم طلعها من مخك لأنها بتكلف بقيمة سيارة ثانية يعني انت حاط في بالك انك بتقصقص وترهم قواعد كراسي مكينة للمكينة الجديدة وهذي بحد ذاتها مهيب لعبة بالاضافة اذا مثلاً نقول المكينة بتناسب على القير يبي لك تسوي لك تحويلة وتغير الحذاف وبتغير الكمبيوتر وتعديلات الظفيرة وكمبريسر وفوق على كذا انا اتحداك تحدي اذا لقيت ورشة يزبط لك كل هالشغل بنظافة وبسعر كويس بتدفع فيه فوق قيمته بالراحة يعني بيعته اصرف



مثل ماقلت لك دور له مكينة مستوردة وباذن الله بتزبط معك خوينا خذا له مكينة مستوردة موتره ازيرا 2006 والحمدلله له سنتين الحين ما اشتكى من شي ولله الحمد ولا بعه واشتر شي نظيف بدال الفك والتركيب


موفق

على فكرة رداً على ابراهيم التركي بخصوص مكينة الاوبريس والازيرا اعتقد والله العالم انها تركب 100% للأمانة انا ماقد جربت بس قابلت واحد عن الجبر


وكان معه نفس موتري جاي يشتري قطع وطقها سواليف كيف الموتر معك وكم لك شاريه قلت والله الحمدلله له ثلاث سنين وشوي ذاك الوقت عاد كان معي قال حنا والله شرينها من تحت ميكرفون شراها الوالد ب 7 مدري بكم وثلاث ايام وطقت مكينتها وركبنا مكينة كرنفال قلت طبيعي تطق تحت الميكرفون وتبي شي نظيف


ف حسب كلامه لي انهم مركبين مكينة كرنفال ف اتوقع انها نفسها في الحالة ذي لان الكرنفال الجديد بعد نفس مكينة الكادينزا 3.5 290 حصان ف ضنتي انه نفسه


بس ما اقدر اجزم له صراحة لكن انا اغلب قطع موتري اشتري حقت الازيرا 3.8 وبعضها اشوف في الفاتورة يكتبون لي كرنفال ف شكلها زيها


تحياتي

في باكستاني بالرياض سمعت عنه يرهم مكاين الكرنفال٢٠٠١_٢٠٠٦ بمكيه وقير كامري٩٨_٢٠٠٢

في باكستاني بالرياض سمعت عنه يرهم مكاين الكرنفال٢٠٠١_٢٠٠٦ بمكيه وقير كامري٩٨_٢٠٠٢

الجهاز علق
لكن هالموديل من٢٠٠٧_٢٠١٥لتخبيط من السواقيين مايغير الزيت ويحط الفلوس بجيبه حسب ماسمعت من قريبي
ولا مكاينها ماشاء الله قويه وخدومه

مين المريض اللي حط دس لايك ما اقدر احط اعلان ولاشيئ
اتمنى من الاداره حذف النقاط لان لافائده لها