وش افضل فريون ؟

و عليكم السلام

الفريون ماله مده معينه اذا ما فيه تهريب او مشكله بالكمبروسر

يبقى سنوات طويله بنفس الكفاءة

الفريون ماينقص الا اذا فيه تهريب. واذا انتهت صلاحيته لازم تسحب القديم بطرمبة سحب وتعبي الجديد. اما تعبي على طول ويأخذ منك 150-200 ريال يعني ما عبى غير 5% اللي هو معدل النقص الطبيعي وبعد فترة يضرب الكمبروسر

الفريون حسب خبرتي له مدة معينة وتقل كفااءته المكيف مايبرد ع رقم 1+2 الفريون ناقص وحسب خبرتي المكيف لصار على رقم 1 ابرد شي يكون روح لمحل الفريون عندهم ساعة يقيسون لك نسبة الفريون

عمرك ١٥ و تتكلم عن الخبرة ههههههههه

بجاوبك على يوم تقول سنتين مدة طويلة
مالة مدة مثل ماقال ابراهيم
الكامري معي 2009 لها 9 سنوات
ومكيفها فريزر ولا عمري اهتميت للمكيف
فقط الفلتر انظفة كل 20 الف وارجعه مكانه

اول شي الفريون ما يتغير لو 10 سنوات قدام راح يبقا بنفس الكفاءة
الفريون اذا عندك تهريب راح تلاقي التبريد كل يوم يضعف
الهواء ماله شغل في الفريون
سواء شغلته على واحد ولا على 4 الي بيزيد سرعة المروحة فقط
بعضهم مدري وش وضعه دايم يشغل المكيف اقصى شي على 2
واذا قلت لك زوده شوي يقول لك يخرب
ولو سألته وش الي يخرب يقول مدري بس يخرب

انا ملاحظ انه اغلب ملاك الالنترا يشتكون من المكيف
وانا قيد واجهتني مشكلة ضعف التبريد لكن لما يكون الجو حار مررره
وكان في حل مؤقت وكان يضبط معي
كنت قبل ما اشغل السيارة قبل( ما المكينة توصل الحرارة الطبيعه)
كان اغسل رديتر المكيف بالموية ارطبه
اتكلم عن 48° وانت طالع لما امشي يكون المكيف تمام لما اوقف في اشارة يضعف التبريد
فالقيت ناس كثير تقول ركب مروحة وراح يضبط التبريد
فحاليا المراوح موجودة والظفيرة موجودة بنتظر الحر الشديد
اذا والله في نتيجة نزلنا موضوع نفيد الشباب فيه

زي ماهي قال الأخ الرفاعي ، الفريون ليس له عمر افتراضي
وممكن تحصل ثلاجه تعمل منذ 15 سنه
ولو عندك مشكلة في الفريون مآ كان برد علي أي رقم
مشكلتك ممكن الثلاجة غير نظيفه

نقص الفريون يسبب خروج البرودة من فتحة اكثر من الثانية  

وبالنسبة للضرر مااتوقع ان فيه ضرر ماصنعوه الا لراحة المستخدم 

@ابراهيم 78
- التهريب أقدر أكتشفه بنفسي أو ضروري ورشة ؟
_
@dell2012
بالنسبة لتعبئة أنا ما فكرت أعبي في محل مباشرة
قررت أشتري امريكي من ساسكو شفت له تغريدات في تويتر
و يعبي 3 مرات .
_
@نواف الحربي
طيب و كم الدرجة الي المفروض ماينزل عنها الفريون ؟
اذا تم القياس .
_
@الرفاعي 33
ما شاء الله، انا غيرت الفلتر مرة وحدة بس
و التنظيف يكون اذا غيرت الزيت ع 10 الاف
و تنظيف خفيف مايذكر .
_
@ms3al
لا ي أخي مسألة تغيير و مراوح و ظفيرة، دووشة
مالها لزمة .
و بالنسبة لمى تتكلم عن رقم 4 في المكيف ترا جدًا سيئ
3 تمام ،، ع الطاري مدام معاك النترا
متى غيرت زيت القير ؟ وصلت انا 84 و مكانك سر .
_
@عمده33
ترا في الليل ثلج، هذا يدل ان الفريون تمام
ولا القياس ع الصباح بس ؟
_
@أبوحسين
فعًلا ترا لاحظت ان لمى اغلق فتحات المكيف الخلفية
البرودة قدام " تززيد "
مدري فعلًا هالشي محسوس ولا معنويًا بس أسلك لنفسي .

الفريون اذا ناقص يجي هوا حار سوا في الليل ولا النهار والفريون ماله عمر دام الفريون موجود وماحصل تسريبات له فالامور طيبه لكن زي ماقالو الفلتر المكيف كل فتره نظفه

المحترف منزل فيديو.  تقدر تشتري علبه من ساكو ب ١٣٩ شامله الضريبه ويشرح كيف تعبيه

قد شرينا مكيفات كنمور امريكيه. للبيت.  قعدت.   ١٠ سنوات  ابرد منها ماكو ثلللللللج.    جانا هاك الناصح المقرود.   قال. ورى ماكل ٥ سنوات
تغسلونها وتعبونها فريون.   سمعنا النصيحه.  ووديناها لهاك الباسكتاني.    ورجعناها وماش التبريد مهو زي اول.  قعدت سنه
وبعناها وشرينا جنرال.    

انا مشتري فريون من أمريكا وحاليا ساكو ماعنده نزل فترة و وقف. اذا انت بتعبي بنفسك لازم تروح عند واحد ويسحبلك القديم تفريغ لين يوصل الضغط حول 20 تحت الصفر, والا ماراح تستفيد شيء, واذا دخل فريون جديد مع القديم المنتهي هذا سبب قوي لخراب الكمبروسر. واذا الكمبروسر عندك بحساس كهربائي انصحك تفحصه اول شئ. مرة ثانية الفريون مايخلص الا اذا في تهريب. الشئ هذا كثير هنا مو فاهمينه تقدر تسأل اي شركة متخصصة او تشوف شروحات عربية واجنبية على اليوتيوب. يعني مثال زي زيت القير لما تمشئ 100 الف تغير الزيت كامل مو تعبي فوق القديم لأنه بيكون ناقص حدود 5% لو زودت بس ماتستفيد ويمكن تصير فيه مشكلة. وطبعا حركة المروحة الاضافية مالها فائدة وبعد فترة بتفكها. لما طلعت السيارة من الوكالة كان ثلج وبدون مروحة فمالها علاقة والشرح يطول.

اختصار الوضع لو بالليل ثلج حسب كلامك لا تسوي شيء خلاص الجو بدأ يجي الصيف

انت شوف الافضل شغل المكيف دقايق و افتح الكبوت و شوف الماصورة البارده كيف برودتها

لو كانت بارده كثير يعني امورك طيبه و الوضع سليم لكن حرارة الجو تأثر

و اذا كانت برودتها متوسطه يعني عندك نقص فريون

والله شوف انا رجال هاوي الشغلات هذي واحب اشتغل بنفسي لذلك انت بالنسبة لك تشوفها حوسة انا اشوفها عكسك تماما اشوف انها قهوة العصر حقتي اطقطق فيها واتسلى
انا بجرب المراوح اذا والله زبطت كان بها ما زبطت قيد ان المكينة ترتاح خصوصا وقت الصيف
وشوف الافضل في المكيف انه تتدرج يعني تبدأ بواحد بعدين 2 بعدين 3 عشان الثلاجة تاخذ وقتها بالتبريد
بالنسبة لزيت القير غيرته على 72 ولقيته احمر مائل للسواد

اذا السيارة مافيها فريون يعني فيها تنسيم او خلص الفريون بيطلع صوت مع تشغيل المكيف وبعدها يوم لو يومين يصير المكيف حار
وبعدين تروح تعبي فريون بيقعد يشيك على التهريب وبيقولك هذا يحتاج تغيير هوا فعلا يهرب بس انه يقول الكمبروسر خربان لو الثلاجة خربانة ويمكن بعد مايعبي فريون ويقولك عبيت فريون
هذا لي حصل لي ورحت كهربائي ثاني وعبا فريون والحمدلله المشكلة يوم رحت للكهربائي الحرامي قالي انا عبيت فريون قلتله شيك عليه انا شفته صفر بس هوا قال فل قالي من الكمبروسر والثلاجة بغيرهم لك هههههه الحمدلله فلوسي لي اخذاها حق لفريون حرام عليه بطونهم تغلي بشجرة الزقوم

تراء الهونداي عموم مكيفها الله بالخير خصوص في عز الحر

غير فلتر المكيف تحصله مسدود من كل مكان