شكرا يا اخوان

اخوي بارك الله فيك المخالفات المحجوبة ٥ أنواع:
التفحيط
القيادة تحت تأثير المسكر
استخدام المركبة لغير الغاية المرخصة لها (تحميل الركاب)
الصدم والهروب من حادث
دخول المشاعر المقدسة بمركبة غير (مصرح لها)
أي مخالفه محجوبه تكون وحده من هذي فقط، ولن تزال غير بمراجعة المرور لإتخاذ الإجرآت النظامية..

أي مخالفة لاتظهر تكون وحده من هذه فقط خذ العلم وأنا أخوك..

وعليكم السلام
الجواب الاكيد اي مخالفة مهما كانت تتسجل على سجلك
في نضام المرور
تطلع معك عند الاستعلام
ممكن يتاخر تسجيلها يومين اسبوع شهر
في النهاية بتلقاها خاصة الرصد الالي ماتطول
اما الورقية ممكن تطول على حسب تسليم الدفتر

وقطع الاشاره والسرعه المتهوره

طيب استفسار. 
١/ وش معنى رصد آلي.  
الاثنين اللي فات.  كان ولد اختي عند اشاره.  يقرأ بالجوال. وجنبه رائد مرور سري
قال له اسفط على جنب.  اخذ اثباتاته قال الحقني عطاه ورقة للفصل في المخالفات
مراجعتهم خلال ٧٢ ساعه.  رحنا لهم  بنشوف وش فيه. 
قالوا انتظروا اتصال.  قطعت الورقه  ومشينا. والي اليوم ما اتصلوا   ولو اتصلوا مارحنا. 
الان  جتني رسالتين.   عدم ربط حزام الامان
والثانيه.   استخدام الجوال.      بس مكتوب رصد آلي
طبعا الورع كذوب ويقول كنت رابط الحزام.  ولاعاد اصدقه ولاعاد عطيته السياره
ولاعادني معطيه السياره.  بصراحه مصخها.    مسوي له تفويض وتأمين
وراقعني  هالشهر ب حول ٧٥٠.   غير حقت الرائد.    

كيف اعرف وقت وموقع المخالفات

^
استخدام الجوال اثناء الوقوف بالاشاره مسموح وموجوده التغريده بالتويتر
ماله حق المرور يعطيه مخالفه لكن دامها مانزلت الامور طيبه
او ان الي يسوق دامك تقول كذاب ممكن فعلا كذاب موقفه على شيء ثاني

أبو بانا والرفاعي33
يعطيكم ألف عافية على هاذي الردود لكن يا أبو بانا ما اقدر اشوفها بأبشر ولا الصرافة 

وعليكم السلام
يااخوان اليوم جاتني مخالفه(مخالفه تنظيمات السير على الطرق)
فيمتها 150ريال
ايش معناها اول مره تجيني

اخوي علي الحجب فيه حجز، وهم حاجبينها عشان تراجعهم ماتظهر لهذا السبب، اذا راجعتهم يبينون لك السبب وغالبا توقيف، لكن اشور عليك لو تعرف ولو عسكري بالمرور يشيك عليها برقم هويتك ويعطيك العلم

أبو بانا ما قصرت يالغالي على الرد 

السلام عليكم جميعآ .. تركي ابو فارس .. الظاهر مخالفتك متعدي الخط الاصفر .. حتى ولو ما إنت مسرع بيصيدك ساهر .. لأنه حسب ما سمعت إن مابعد الخط الأصفر إسمه طوارئ..وشكرآ

تنظيمات السير بالطرق تشمل اشياء كثيره جدا
تحصلها بموقع المرور