أضف سؤال أو موضوع جديد          

ابداع جديد بالنصب

up 51 down 3
camaro28 812
قبل 3 سنه و 7 شهر



السلام عليكم ورحمه الله وبركاته...
قررت يا اخوان اغير طقم كفرات بحكم اللي عندي انعدمت من الوقفه والسياره مامشت 20 الف والكفرات سنة 2014 .. المهم طلعت كيلو 2 ادور اطقم والحمدلله حصلت طقم وركبتها تاريخها 2018 والمتعارف عليه انو يقلك نفحصلك ميزان مجانا نشوف لو في شي نتفق كم تكلف لو مافي خلاص عالعموم وهم يركبو الكفرت كان في كورلا جنبي يغير طقم وجلست من اللقافه اشوف الجنط حقه وارقامه قريت انه 15 ومتأكد المهم ركبهم وقلو نفحصلك ميزان مجانا المهم حق الورشه طلعه الميزان الالكتروني وشبك له الاجهزه الاربع عالكفرات وبدأ يدخل معلومات السياره في الجهاز لاحظت انو حط رقم 16 وما اهتميت او فهمت للوهله الاولى انه مقاس الجنط المهم مافي دقايق قله تعال شوف سيارتك فيها فيها حذفه خفيفه ومقص خلفي وغيره الرجال انصدم قله السياره ربطتها قريب ومغير العفشه ومافي حذفه المهم قله نزبطلك هيا ب 250 ريال الرجال قال لا لين وصلو 100 الرجال مارضي ومشي .. المهم انا جا دوري وكفرات جديده وسبق قلتلكم سيارتي شبه جديده وجنطي 17 الا حطها الميزان وراح الجهاز وحط رقم 18 بالخيارات المهم دقايق الا نفس الشي قلي اووه سيارتك فيها وفيها وفيها تعال شوف واشوف العدادات بالشاشه حق الميزان برا الاخضر يعني مهي موزونه وقلي نسويلك هيا بسعر حلو دام انك غير كفرات عندنا قلتله طيب سؤال الرقم اللي حطيته بالخيارات 18 ايش هوا سكت شويه وقلي هذا مقاس جنطك قلتلو سألتني عن المقاس او رحت شفته قلي لا قلتله ياغالي جنطي 17 عدله ورجع غيره قدامي بالكمبيوتر والفاجعه عدله وطلعله كل شي سليم وموزون تمام ..


العبره يا اخوان اغلب الاشخاص يفحصو ومايشوفو ايش حق الميزان بيدخل معلومات والظاهر انه بيزيد كل احد بيجيه رقم زياده عالجنط حق السياره وبالتالي راح يطلع قراءات خاطئه اكيد ويوهمك انه عندك مشاكل ويصلحها لك وهي مافيها شي من الاساس..
العبره الثانيه كثير من الناس يسوي معلم ويروح يسأل عن الكفرات ايش تاريخها ويقولوه 18 جديده يطلب يشوفها البنشري يفكله واحد 18 ويرتاح العميل ويروح يلف او يلعب بالجوال البقيه الثلاثه يطلعها تاريخ قديم ويركبها ولو اكتشفت بعد خروجك من الورشه رح يقلك اتركبت واستخدمت وانت ما تأكدت ومالك شي عندي ... الحذر

المهم حق الميزان اتصايحت معاه وقلتله شفت الكورلا وشفت ايش سويت فيني وقلي ياخي بالغلط وجلس يحلف قلت ما ابغى اتصرف تصرف ويكون صادق لانه حلف يمين مع انه ارتبك لكن ربنا شاهد عليه والحذر يا اخوااان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك اشكرك على الموضوع الطيب
وارفع القبعه لك على حرصك ومتابعة حلالك
وعجبني فيك اللقافه لان هذا وقتها
اتمنى كل واحد يصير ملقوف على حلاله
وتسأل عن كل شيء بالسياره حتى لو مالها دخل بالخرب
اي شيء ملفت نظرك اسأله مجرد تجميع معلومات
واي شيء يسويه او مافهمته قله وش ذا وليش تسوي كذا
خله يعلمك عشان تكسب خبره
والحمدالله اكتسبت خبره بسيطه ببعض الاشياء الي بالمكينه
ومن ضمنها فلتر لثلاجة المكينه اول مره اسمع عنه وفعلا خرب عندي وغيرته


up 6 down 4
d7ooom777 391
قبل 3 سنه و 7 شهر



ومنها تضيع وقت على مايخلص السياره تسأله وتستفسر عن اي شيء بالسياره


up 1 down 0
d7ooom777 391
قبل 3 سنه و 7 شهر



اهنييييييييييييييك ياشيخ


up 5 down 1
f9.lh 4
قبل 3 سنه و 7 شهر



مشكووووور حبيبنا لاهنت
نصايح مهمة جزاك الله خير



up 2 down 1
الرفاعي33 13914
قبل 3 سنه و 7 شهر



الله يجزاك خير 

وهذا من باب حب لاخيك ماتحب لنفسك


up 1 down 0
ابو حسين.......... 1024
قبل 3 سنه و 7 شهر



وضحت لنا نقطة مهمة جدا وللأسف دائما ماتحصل يعطيك الف عافية


up 2 down 0
عربة للسيارات 1665
قبل 3 سنه و 7 شهر



الله يسعدك نبهتنا على شي نغفل عنه


up 1 down 0
برحرح 3
قبل 3 سنه و 7 شهر



الله يعطيك العافية على التحذير

في نهاية عام 2015 كان في عرض عند بريللي تشتري كفرين وتاخذ كفرين مجاناً وركبت من عندهم 4 كفرات على أساس أن تاريخهم آخر 2014 وجلست وهم يركبون الكفرات ولما انتهى من التركيب تأكدت من تاريخ الكفرات وطلع واحد منهم تاريخه أول 2013 !!! وفكه وغيره

إذا كانت وكالة بريللي ممكن تنصب عليك كيف البناشر؟؟


up 2 down 0
أبو عبادة 4852
قبل 3 سنه و 7 شهر



لازم تشتكي عليه لانه سوى ورح يسوي هالحركة في مليون واحد , كلها فلوس حرام الله لا يوفقهم

الساكت عن الحق شيطان اخرس , ذنوبهم في رقبتك لو ما اشتكيته


up 0 down 0
jimsaed 10
قبل 3 سنه و 7 شهر



العبره والكلام النهائي
اقولها على مضض وكلي الم والله
اننا شعب طيب لدرجة السذاجه ...ممتاز انك دققت عليه
بس انت واحد دقق والف عدت عليهم ...ونهايتها
يروح العزبه يتفشخر ( سعودي ما في معلوم )
او (سعودي مخ ما فيه )
ويحول بالغش والخداع ملايين لاهله باستغفالنا واللعب علينا
يجب اننا ندقق....ونتأكد ونطلع عيونهم فبعضهم لا يهمه المال حلال او حرام
انتبهوا ..انتبهوا ...انتبهوا


up 3 down 0
لا للغلاء 828
قبل 3 سنه و 7 شهر



الله يجزاك خير. موضوع مهم جدا


up 1 down 0
abofarah 1079
قبل 3 سنه و 7 شهر



الله يسعدك ياشيخ


up 1 down 0
عميد عبدالله أسعد 292
قبل 3 سنه و 7 شهر



ياصاحب الكمارو انت قلت لي كلمني خاص بخصوص خطوط الكمارو وماقدرت اكلمك



ممكن تتواصل واتس ٠٥٤٥١٩٥٩٢٥


up 0 down 0
مشاااووير 8
قبل سنه و شهر