أضف سؤال أو موضوع جديد          

ثقافة السير في الدوار

up 12 down 1
رعد 4 3254
قبل 3 سنه و 8 شهر



السلام عليكم ورحمة الله وبركاته

الدوارات في داخل المدن تنتشر لدينا في المملكة ، وتنشأ على أساس وجود تقاطعات أكثر من طريق فهي بديل

للاشارات الضوئية والتقاطعات المباشرة ، لكن للأسف لدينا التعامل مع هذه الدوارات والسير فيها يغلب عليه

طابع البقاء للأقوى والأسرع وأنا ومن بعدي الطوفان ، الدخول من بعض السائقين بدون ما يفكر يهدي السرعة

ويدوس فرامل ، فيه أحد في الدوار ولا ما فيه ما عندي فيه أهم شيء أسبق ، للأسف الاولوية لمن هم بداخل

الدوار غير موجودة في قاموس الكثير ، من واقع السير في أحد الدورات التي أمشي منها يومياً وأنا بداخل الدوار

وسيارة تدخل الدوار ونكون قريبين من بعض ما فكر ولا واحد في المئة أن يهدي السير على طول يطمر قدامي

ولا كأن أحد موجود حوله وهذا يتكرر باستمرار ، للأسف حوادث تحدث بسبب عدم إعطاء الافضلية لمن هم

بداخل الدوار ، الله أعلم متى تتغير هذه العادة السيئة من مجتمعنا ونرى ناس تلتزم بالنظام وتترك عنها التهور

واللامبالاة .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واسوأ الدورات بالرياض حق مستشفى المملكة مزعج جدااا اغير طريقي كله عشانه


up 7 down 7
benz lover -75
قبل 3 سنه و 8 شهر



المشكلة مدارس تعليم قيادة السيارات مافيها اي شي بخصوص نظام الدوارات لا في ورقة السلامة الي يوزعوها على طالبين الرخص ولا حتى في الاختبار
المفروض يحطوا نظام الدوارات في ورقة السلامة ويحطوا الدوار من ضمن الاختبار العملي والاختبار على الكمبيوتر


up 5 down 0
معرض المئوية 200
قبل 3 سنه و 8 شهر



وعليكم السلام
للاسف النظام اللي عندنا الاولويه للصامل المدرعم بعدين اهل السيارات الصغيره مثل اكسنت يارس وطقتها

يعانون يعني استهانه واستخفاف واضح بالفئه هذي مدري بعضهم يشوفها ماتسوي شيء يعني مافيه ضرر حتى لو صدمه!
بعكس لما تكون على جيب ولا صالون الكل ينتبه! على العموم القياده عندنا لازمها حزززم من المرور ولفتره حتى تتعدل


up 4 down 4
المنطق يقول 728
قبل 3 سنه و 8 شهر



عندنا يقولك الي يلحق بيمشي بالدوار

والله اكثر من مره اليوم كان بصدم انا بداخل الدوار يجيك طاير مع الدوار
المفروض يركبو ساهر بالدوار للي مايعطي افضليه للي بداخل الدوار ومخالفة 500 ريال


up 4 down 5
hossam 6724 401
قبل 3 سنه و 8 شهر



والله عندنا دوار بالاحسا الله لايوريك وربك كل اغلب الاوقات الي 
امر فيه اشوف حوادث وطبعا السبب يعود ل عدم اعطاء الافضليه


up 4 down 1
محمد الوايلي 711 201
قبل 3 سنه و 8 شهر



انا ساكن بالرياض وعارف معاناة الدوارات وفعلاً مليان همج للاسف وبعضهم ما يعرف لمين الافضليه في الدوار
بعض احيان اشوف احد في الدوار واهدي على اساس يمر بس الي وراي يعلق على البوري (:!
وفيه شغله ترفع الضغط
الي يمسك المسار الايسر بالدوار ويبي يطلع منه وانت بالمسار الي بالنص والاخ الكريم يلف يمين بدون ما يعبرك ولا يدق اشاره ولا يهدي يا تصدف معك ويشطفك ولا انك بتودع الرفرف والكبوت


up 6 down 1
azee3z 245
قبل 3 سنه و 8 شهر



ثقافه معدومه جدااا للاسف . مافي اي فكر سواء بدخول الدوار او الخروج منه .
مثل ماقال عزيز . مافي فكر في تحديد اتجاه سيرك عند الخروج من الدوار. مع انها ابسط معادله . يمين تطلع من الدوار بالمخرج الاول . وسط تطلع من الدوار بالمخرج الاول او الثاني يسار تطلع من الدوار من المخرج الثالث او تعمل عكس للطريق. حتى لو في تغيير للاتجاه لازم تعطي اشاره وتتفاهم مع الاطراف اللي حولك .
ايضا في خطا كبييير يطيح فيه كل السائقيين وهو دخول الدوار مع بعض. من ابسط اسباب الحوادث مجاوره السيارات لبعضها البعض حتى لو بسرعه بطيئه لانه مافي مسافه لتلافي الخطر يفترض دخول الدوار على دفعات بوقت قصير خصوصا الدوارات الصغيره جدا والمتوسطه اما الكبيره ممكن تدخل سيارتين او ٣ دون مشاكل .... امنيه حياتي الغاء الدوارات بالسعوديه ليس لانها فاشله بل لان اغلب الشعب ..فاشل في تعلمها :))
يعطيكم العافيه


up 6 down 4
midnight_963 676
قبل 3 سنه و 8 شهر



يا اخي عندنا معظم الدوارات الان حطوا فيها اشارات بسبب الهمج للي ماتفهم اولويات المرور !


up 3 down 1
mohammad 13 523
قبل 3 سنه و 8 شهر



الأولوية لمن يقود سيارته داخل الدوّار

لكن في الحقيقة عندنا الأولوية للي ما يخاف على سيارته

والتأمين شجع الناس على اللامبالاة


up 3 down 0
أبو عبادة 4852
قبل 3 سنه و 8 شهر



تعجبني التزام اهل بريده بقوانين الدوار خلال زياراتي للمدينه وكان شي ملفت دوناً عن الرياض وجده


up 4 down 1
accacc 26
قبل 3 سنه و 8 شهر



تعلمت السواقة على الدوار في البحرين  لأنه والدي الله يحفظه قاللي عندنا الثقافة زبالة  ف البحرين احسن  كنت نايم عند الربع وكان 

عندنا كابريس  التسعاوي وقتها والله ما تعلمت سواقتي على الدوار الا فيه  و هي سهلة انت حافظ على مسارك اللي انت فيه ومن تطلع

من الدوار خلك على نفس المسار واهم شي  توزن السيارة مع اللف بحيث انه ممكن يكون يمينك و يسارك سيارة 

ثقافة المرور عندنا للأسف يبغالها اعادة تأهيل 




up 3 down 3
بدر الباثفايندري 1125
قبل 3 سنه و 8 شهر



و اكبر من كدا اللي ماسك اقصى اليسار في دوار 3 مسارات و بعدها يلف على الجميع يمين يطلع من الدوار


up 2 down 0
bindakheel 1205
قبل 3 سنه و 8 شهر



المشكله ماهي ماهي مسأله الناس الي مدرعمه فقط
المشكله الدوارات صغيره كأنها دكرسون سياره!!
لو يدخل جمس بالدوار قفل الخط كامل
المفروض الدوارات تكون كبيره مثل دول الخليج
كم مره امر بدواراتهم ولافي زحمه ولا شيء لانها كبيره
لدرجة انك تقدر تغير مسارك وانت داخل الدواره
ولاتضايق حتى احد ماخذ راحتك وكل الي بالدوار ماخذين راحتهم
اما عندنا جمس يوقف كامل الدوار من صغرها


up 2 down 6
d7ooom777 391
قبل 3 سنه و 8 شهر



المقوله تقول عندنا .. من سبق لبق 


up 2 down 0
المستشار توتو 25
قبل 3 سنه و 8 شهر



الحل ماهو بالعقوبة ولا بساهر ولا مخالفات وياكثر الناس اللي مايبالي

الحل هو تثقيف الناس بالذوق والأدب الإحترام بقناعة ذاتية مو كلام وبس
ومجرد مايتثقف هو تلقائي يحترم نظام المرور حتى لو بدون لوحات ارشادية

لكن مع الأسف اغلب الناس همه الأكل و النوم و السهر


up 2 down 2
chevrolet zr1 611
قبل 3 سنه و 8 شهر



الدوارات في الرياض يطمرون عليك من خارج إلى داخل الدوار وتصير اشتباكات.
الدوارات في الخرج يوقفون داخل الدوار والأفضلية تصير لمن خارج الدوار ويتعطل السير.
المفترض وقوف اجباري قبل دخول الدوار، بس طال عمره ما يبي يوقف يمكن يخاف على فحمات الفرامل لا تخلص!!
أضيف لموضوعك اللي ما يهدون للمطبات وفيه فتحة إلتفاف بعد المطب وش الحل معهم، ياكل المطب عشان ما تسبقه ><


up 0 down 0
التسعينيات 60
قبل 3 سنه و 8 شهر



مع احترامي لو بانتظر لحد ماتخلص السيارات داخل الدوار عشان ادخل الدوار بقعد ساعتين بالاخص في دوارات زحممممممة عمرها مافضيت الا باخر الليل والاجازات
كمثال دوار الاهدل بجده
لو ماتقدمت وحاولت تدخل سيارتك بتقعد لبكرا واقف فيه وخلي النظام ينفعك


up 0 down 0
ryan702 466
قبل 3 سنه و 8 شهر