غش كيف التصرف

أتصل على 999 وقول لهم عندي مشكلة مع صاحب محل ، تجي دورية ، تقول راجعوني المركز ، يحاولون يصلحون بينكم يأخذ عسله وترجع لك فلوسك ، ما رضي تحول المحكمة وترفع على النحال النصاب قضية ، عموما العسل الطبيعي نادر جدا جدا ، خصوصا عسل السدر ، أنا من جيزان ودايم أكلم النحالين الصادقين يقولون ما حصلنا عسل إلا قليل ، ولكن في مواقع التسوق يوجد بكميات تكفي العالم كله ، يستوردون من الصين ويضعون له نكهات واليمن أكبر بلد يستورد العسل من الصين

و عليكم السلام و الرحمة

حاول بس اذا مانفع وسع صدرك
العسل الطبيعي الاصلي ١٠٠% شي نادر جدا"
و ان حصلته و تأكدت منه بيطلع غالي بالحيل
مع اني مستغرب من الوضع كله

اذا حصلت عسل اصلى 50٪ كويس

مستحيل تحصل عسل اصصلي 100٪  ويكون عارضه للبيع

دامه بالبر قابلني ان حصلته بينحاش الله يهديك لا تشري شي بدون فاتورة او محل معروف 

الي يبي عسل ياخذ عسل المانوكا اصلي اصلي وتحصله بالصيدليات الكبار مثل النهدي والحبيب وغيرهم

العسل الأصلي 100% مثل الذهب

ولهذا السبب مستحيل تلاقيه في يباع في الشارع ويكون طبيعي

ياحبيبي ليش انتوا سهل الضحك عليكم من بد الناس؟

والله تكسرون الخاطر!!

ياخي النحال وش انتاجه؟طن؟؟ كلها كم جالون وتلقاها كلها محجوزة وتلقاه معروف ماعنده وقت يسوق بضاعته لانها ببساطة مبيوعة قبل تجي اذا تبي اصلي خذ معك خبير لو بفلوس

موضوع العسل للأسف كثر فيه النصب والدجل .. كثير من الباعة الغير معروفين وكثير منهم غير سعوديين يجيبون عسل مصنع او مغشوش ويبعيونه على انه طبيعي الكيلو ب400 و 500 المصيبة ليست بالسعر .. لكن ان أغلب الناس تستشفي منه وتاكله عالريق وهذا يسبب السكر واحيانا الوفاة ! لذلك اللي يبي عسل بري طبيعي 100% لغرض الاستشفاءخصوصا او للاستخدام اليومي عليه بالنحالين الثقات المعروفين وهناك عدد منهم وانا اتابع بعضهم على السناب من فترة وانصح المهتمين بمتابعتهم يعرضون معلومات جميلة يصورونها من مناطق مناحلهم في البران والجبال والاودية وكلهم رجال ملتزمين وخبراء وفيهم خير ان شاء الله وكان لبعضهم مشاركات بعسلهم في مسابقات سنوية دولية على مستوى العالم وفازو بمراكز أولى على مستوى العالم كله !! تابعوهم على السناب او الانستقرام ابحثو بقوقل تلقونهم .. عسل الشدي البري وله محل بالرياض ، عسل الجربوع محله بعنيزة او بريدة وعسل الخويطر بعنيزة اظن ومناحل السردي بحايل وغيرهم كثير الله يرزقهم ويباركلهم

هذا مقطع باليوتيوب انصح الجميع بمشاهدته .. اللي مصوره النحال ابو عبدالله الشدي بخصوص اللي يبيعون العسل بخيام بالبر والخطوط وعسلهم مغشوش و الخلايا حقتهم تمويه :


https://youtu.be/SsdCeHiZVl0


او اكتب باليوتيوب عسل الشدي وتجيك القناة بها المقطع

اما بخصوص الاخ صاحب الموضوع
شوف المقطع الي نزلت رابطه فوق وراسل الجهة المسؤولة الي تم مخاطبتها

99% من العسل الموجود في السوق مغشوش وسبق لي ان اخذت عسل من شخص يدعي انة داعية وللاسف طلع مغشوش فأغلب من يتاجر في العسل غشاشين الا من رحم ربي