أضف سؤال أو موضوع جديد          

معاناة مع مواقف ااصناعية وقطع الغيار

up 41 down 23
benz lover -38
قبل سنه و 6 شهر



السلام عليكم اخواني الافاضل اسعد الله اوقاتكم 

بتناقش معاكم مع ازمة مهمة جدا الا وهي المواقف المنعدمة عند محلات قطع الغيار وعدم رحمة المرور بالتصوير مع الاسف الشديد الازدحام امام محلات للقطع جميعها لاصحاب المحلات والزباين بالطقاق ان لقو موقف او بكيفهم والمرور ياخذ الطريق رايح جاي تصوير بدون نقاش طيب انا كمشتري للقطع اوقف وين ؟! وان ركنت موترك قدام ورشة سوالك قلق وهاوشك حتى لو قلتله دقيقة مايفهم اتمنى يلقون حل لذي الزحمات الوضع يومي ولا يطاااااق والله يوم اشتري شي للموتر عين للشارع عشان المرور وعين للبايع لدرجة اني ما اناظر زين هل القطعة صحيحة او في اختلاف واللي يزيد من اختناقات الممرور السيارات المرمية على جنب كلها تشليح بشكل عشوائي مظاهر غير حضارية نهائيا ناهيك عن قيادة عمال الورش المتهورة لسيارات الزبائن بنظام جلد موب جلدي جره ع الشوك وحوادث يومية وهواشات وعدم اعطاء افضلية للتقاطعات ...الخ الله يكفيكم شر التصوير الواحد يشتري قطعة عليها ضريبة ومخالفة لازم !! الله المستعان 


* ترقبوا موضوعي القادم نصائح مهمة عند شراءك مرسيدس يخت 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياكرهي للمهاترات الجانبية كل مارجعنا لقينا معركة هههه الله يشفي خوينا ويرد له عقله

بخصوص المواقف صاحب الرد الأول صادق بكل كلمة قالها

احمدوا ربكم ياأهل الرياض تعالوا شوفوا المعاناة عندنا
قريب راح تقفل كل الورش داخل جدة ولازم اسافر لعسفان عشان اصلح السيارةوانا ساكن بجنوب جدة!

المسافة بين الصناعية وبيتي 65 كيلو يعني تقريباً نفس المسافة بين جدة ومكة
على كذا اصلح السيارة بمكة احسن منها اسوي عمرة واكسب اجر :)
مسخرة مابعدها صراحة


up 7 down 7
nader2002 1656
قبل سنه و 6 شهر



اوافقك الراي وبشده
اثر فيني شايب مسكين
نازل قطع الغيار ومعاه فان كيا
وقعد يكسارهم بالقطعه عشان ينزلون له ١٠ ولا ٢٠ ريال
وبالاخير انلزخ بمخالفه ب١٠٠ريال
وجاء مغبون مسكين .. يقول وين نوقف .. كل السيارات الخربانه يرمونها قدام المحلات .. ونظطر نوقف غلط
ويجيك هالعسكري رايح جاي يصور على الماشي
طيب خالف السيارات الخربانه اللي لها شهور واقفه
او شيلوها وارموها بالحجز
لكن مثل هذولي العساكر اللي بايع ذمته بريال
حسابه عند ربه
المفروض يقدر ضروف اخوه المسلم ويتغاضى ويتكلم بالمكرفون بدون مخالفات
لكن اللي مايقدر الناس ولا ضروفها ويستغل هالشيء بصالحه
ماراح يتوفق


up 0 down 6
ابوخالد1397 2629
قبل سنه و 6 شهر