كلمتين بالخاطر لها فترة
29
13
إضغط هنا للإخفاء
صبحكم الله بالخير,,
والله يااخواني لي فترة طويلة اتابع المنتدى واستفدت منه للامانه الشئ الكثير وشاركت واخذت اللايك والدسلايك من جميع انواعه
لكن مو هذا الموضوع,, اللي بخاطري ياجماعه موضوع ( توك بزر ) .. يعني سؤالي هل الان العمر يحسب
بالعقل ولا بالرقم !! يعني كلكم عاشرتو ناس اعمارهم صغيره لكنه يجاكر شيبان والعكس صحيح عمره بالاربعينات وتصرفات صبيانية
يعني هذا اللي تقوله ( توك بزر ) ترا مو بيده انه صغير ولا عاشرته عشان تحكم عليه وتبصم بالعشره
غير كذا مقولة مستفزه يقولها بعض الاعضاء مع احترامي الكامل لهم ( تاخذ مصروفك من ابوك ) شفيها طيب؟؟
الاب مسؤول عن ابنائه وكلكم عارفين فيه ناس لازالت بدون وظيفه وعمره تعدى الثلاثين وياخذ مصروفه من ابوه .. صح المفروض يدور اي شغل يشيل نفسه لكن لنفترض ماكتب له التوفيق
يعني انا اشوف فيه بعض الاعضاء يتفاخر بعمره الكبير وتصرفاته ( صبيانية لابعد الحدود ) يعني ياعزيزي العضو الكريم
اذا انت تتفاخر طيب ليش ماتوزن كلامك وتخلي الواحد يقتنع انك كبير وعلى العكس فيه اعضاء يقول عمره صراحة واشوف كلامه ماشاء الله موزون وعاقل
طولت عليكم واعتذر لكن كل واحد يحط في باله ( العقل قبل الرقم ) في جميع الاحوال ومو عيب ان الشخص يكون عمره صغير العيب لما يكون كبير عمرا وصغير عقلا
كامل احترامي لجميع اعضاء المنتدى الكرام.
إبلاغ
الردود
" أن لا أحــد يراكــ سـوى الله تعالــى "
فــــ هي حرية تعطيك الفرصة للتعرف على مدي حسن سلوكك
و مدى يقظة ضميرك و مدى رقي اخلاقك
من فضلك كن رقيب نفسك ...
البعض للاسف يقل أدبه على الأنترنت ولو كان في الواقع أو مجلس أو محل يستحي أن يقول ما يكتبه على الأنترنت.
واحد كتب لي على الخاص بموقع حراج: كم حدك؟ رديت عليه إقرأ الاعلان,, ردي علي إنقلع!! إش يتبادر لذهنك؟ رجل أم طفل؟
2
0
سالفه فلان قال وقال انا والله مادري وش تب يتوصل له بالضبط
عموما كل واحد يصفي قلبه ولا يخلي المنتدى حياته الاسريه
اللهم لك الحمد حتى يبلغ الحمد منتهاه
صلوا على رسول الله ..
قبل 6 سنه و 8 شهر