بخصوص الاعضاء ابراهيم التركي و benz lover ووضع المنتدى

28 51

لايمكنك التصويت حتى الحصول على 20 نقطة على الأقل
إضغط هنا للإخفاء

abo- hassan -69
قبل 6 سنه و 8 شهر

الله يسعد اوقات الجميع بكل خير 

اللي فاضي يقرأ موضوعي وياليت الكل يفهم ويقدر وش اللي بخاطري 

انا بصراحه في المنتدى هذا يمكن من 5 سنوات تقريباً 
 
المهم مشاركاتي كانت قليله بس كنت استمتع بالمواضيع هنا وبصراحه خبره الاعضاء الاولين  في مشاكل ومواضيع السيارات كافيه ووافيه ولكن المنتدى تغير مرره 

واذكر كانت الردود زمان فيها حلول مشاكل السيارات وماحد يورطك مثل الحين برد نص سطر واللي  قاعد يطقطق ومسوي خبره وهو ماعنده سالفه 

كانت تنزل مواضيع ولا اروع وتستمتع فيها وتستفيد بنسبه كبيره 
والاعضاء القديمين عارفين هذا الشي 

بصراحه ابراهيم التركي خبرته في السيارات 10 على 10 لكن اسلوبه الله يهديه يزعل اغلب الناس وانا اشوف ان الواحد لا يدقق في طريقته في كلامه ابدا طالما انه يفيد الشباب هنا في مشاكل سياراتهم خلاص خذ الفايده وماعليك منه ويمكن هو يزعل من اسلوب بعض الاعضاء معاه وطفشوه وماينلام وربي  

بالنسبه ل benz lover عضو قديم ومحترم ومن زمان اشوف مواضيعه وردوده وكلها فيها فايده والرجل محترم ولكن اختلف مع شخص يمكن والشخص هذا لاحظته بكل موضوع ينط له برد ورى رده مباشره واكيد انه متواصي فيه مع بعض الاشخاص يبون يمسحون بنقاطه بالرغم اننا ماشفنا منه الا كل خير 

والشخص هذا اللي متسبب فيه ع ما اذكر عنده قروب ع الواتس لنوع معين من السيارات وعنده اكثر من 50 عضو واحتمال انهم متواصين عليه وش السبب الله اعلم  والله المستعان 

والنقاط بالاول والاخير والله لا تزيد من الشخص ولا تنقص فيه لكن الاستقعاد بالطريقه هذي والله ماتصلح 

المنتدى تغييير والمشرفين اللوم عليهم مافي اي تطوير واهتمام بالمنتدى 

اذا تبون تصدقون كلامي ادخلوا ع المواضيع القديمه قبل 3 او 4 سنوات واستمتعوا بمواضيع الاعضاء 

ابراهيم التركي 

توماهوك 

الرفاعي مايحتاج موجود ع طول 

انيق

المطلق

شاقح 

ابو سند 

شبح 600 

وغيرهم الكثير اللي مايحضرني اسمائهم الحين 
وياليت يرجع مجلسنا هذا مثل زمان 

اتمنى نترك المهاترات اللي مالها داعي ونخلي المنتدى هذا متنفس لنا بمواضيع ممتازه وشيقه وفيها فائده واللي يصير عليه مشكله في سياراته يجد الفائدة في الردود من الاعضاء ويكون صاحب الرد يتحمل اللي يقوله بذمته ولا يقول شي الا بعد مايتأكد من كلامه ولا يورط احد بغشامته

ومشرفين المنتدى طوروا منتداكم هذا والله لو لاقين منتدى غيركم ماجلسنا فيه دقيقه مامعنا غيركم وهذا المنتدى صار ادمان وعشره عمر عاد قدرونا شوي 

المهم اعتذر عن الاطاله وعسى الله يجمعنا واياكم في دار كرامته 

إبلاغ

الردود