أضف سؤال أو موضوع جديد          

كم تحتاج السابقه عشان تروح ؟

up 23 down 2
mosting1994 65
قبل 3 سنه و 5 شهر



اتمنى منكم الافاده انا عندي سابقة حيازة مخدرات وانحكمت ٥ سنين مع جلد ومنع سفر وطلعت بعد سنه بعفو الملك سلمان ، السؤال كيف اشيل السابقه مع منع السفر مع العلم اني كنت طالب وقتها والان اكملت دراستي الجامعيه وابغى الوظيفه لكن السابقه معقدتني اتمنى تفيدوني بدون تجريح وطقطقه ✋







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله ييسر امرك


up 2 down 0
its_o_o 471
قبل 3 سنه و 5 شهر



ياخي انا ناسي بالظبط السالفه بس اعتقد تسوي معروض وتطلع للامارة وانشاء الله يسنعونك


up 2 down 0
talk to the hand 80
قبل 3 سنه و 5 شهر



مرة سأت زميلي عن شخص كان دافور واخلاقه حلوة المهم دخل جامعه في ابها وشكله مشى مع ناس خربانة ومن بعدها صار في مستشفيات
مع التغير الكبير الي صار فيه من مطاردة الوراعين ولهفه ورا البنات المشكلة كان معي في التحفيظ

طبعا مسكته وقلتله انت تمشي مع الولد ابغاك تعطيني قصته من طقطق للسلام عليكم
الزبدة الولد تعاطاها واهله رقعو له ومنا ومنا الين الوالد تعافى بس باقي في رجة
الغريب مقدم على الامن العام فقلته طيب تعال كيف يقبلونه وهو متعاطي قالي اذا صار له 5 سنوات او 3 عادي يقبلونه

بس هو تقريبا ما عليه سابقة لان اهله تدخلو بشكل كبير وادركو الوضع بس حتى هم تضررو واتوقع تفكك شملهم وابوه طلق امهم الله لا يورينا الي شافوه

بس عندي سؤال اش الي خلاك تطرد وراها
انا مثلك اخر سنة في الثانوية وادفر من الدوافير ومع ذالك حاجتي للمال ما خلتني اطرد وراها

فكرت في العسكرية والتدرج تبع ارامكو قلت لامي وقالت بكيفك بس لازم تروح مكان اعلى لان مستواك الدراسي عالي وابوي قالي تبغى تقلد الدشير منت رجال وتعرف كلام الشيبان ههههههههه

والله يصبرني على الجامعة 5 سنوات باذن الله هندسة كهربائية




up 8 down 25
mercy_sa 1075
قبل 3 سنه و 5 شهر



الله ييسر امرك


up 6 down 1
نواف الحربي4 322
قبل 3 سنه و 5 شهر



سلام عليكم 

اخوي السابقه ما تطيح عنك الا بعد 5 سنوات اذا سويت رد اعتبار 
اما منع السفر اذا كان معاك تقرير طبي او اي حاجه ، تبدا تدور احد يدخلك بموعد مع الاماره و تشرح له وضعك و نسبه كبيرة يفكون منع السفر 

بخصوص الوظيفة و هي الاهم فالموضوع نسبة كبيرة تتوظف و تمشي امورك سهالات ، ناس كثير متوظفين و عليهم سوابق 

موفق خير 


up 7 down 0
صصااالح 81
قبل 3 سنه و 5 شهر



تروح للجهة المعنية (المخدرات) وتعطيهم اسمك وتاريخ القضية وهم بدورهم يكتبون خطاب للامارة وتتيسر ان شاء الله


up 4 down 0
ابو حسين.......... 1024
قبل 3 سنه و 5 شهر



اذا اول مره تسقط تلقائيا بعد مرور خمس سنوات.
كلكم خطاؤن وخير الخطاؤن التوابون


up 6 down 3
55thary 11
قبل 3 سنه و 5 شهر



الله يسهل أمرك

حاول ترسل برقية عن طريق البريد السعودي للإمارة تشرح فيها وضعك وماتكلفك تقريبا 50 ريال


up 2 down 0
عربة للسيارات 1665
قبل 3 سنه و 5 شهر



الله ييسر امرك ويعينك ومبروك التخرج
الي اعرفه 5 سنوات وتطيح السابقه


up 0 down 2
صاحب الاوريون 2017 115
قبل 3 سنه و 5 شهر



حسب علمي 

السابقه سنه وحده وتختفي 


up 0 down 1
الـتاجر الـكبير 726
قبل 3 سنه و 5 شهر



مافيه شيء اسمه أشيل السابقة
السابقة تبقى بجهاز الأدلة الجنائية للرجوع لها وقت الحاجة
ولكن هذا مايمنع إنك تتوظف إذا أمضيت فترة طويلة ما ارتكبت أي جريمة مهما كانت وبعض الوظائف لها نظام معين في السوابق عند التوظيف!
المنع من السفر مادام صدر فيه حكم خمس سنوات ماراح أحد يقدر يفك المنع لأنه عند إدراج اسمك وهويتك بالجهاز محدد فيه مدة المنع وتنحذف تلقائي عند نهاية المدة..

ممكن فيه استثناءات تتقدم فيها لإمارة المنطقة اللي أنت فيها ويكون عندك مبررات قوية لإسقاط المدة المتبقية من المنع


up 4 down 0
مجرد مشاركة 277
قبل 3 سنه و 5 شهر



السابقة الاولى مدتها خمس سنوات

بعد مرور خمس سنوات تسقط السابقة تلقائيا

والله يتوب علينا وعليك ويوفقك لكل خير

وبالعكس ياغالي مافيها طقطقة وكلنا خطاؤون الله يتوب علينا وعلى جميع المسلمين


up 3 down 7
دكتوراه في الحب 164
قبل 3 سنه و 5 شهر



بالنسبة للمنع من السفر يكون مدة سنتين من تاريخ صدور الحكم في أغلب القضايا هذا بحكم عملي في المحكمة
إذا سجلت السابقة يلزم معها التقديم للأمارة أو جهة القبض بطلب رد الاعتبار ، وإذا صدر قرار برد الاعتبار تستطيع أن تتوظف
ومثل أي مواطن آخر .


up 2 down 0
النهراني 271
قبل 3 سنه و 5 شهر



بالله احذف تعليقي

المنتدى هذا صار مستفز

ودي اتكلم والسب بس اني خايف من الله

عني طلبتك احذفه دس لايكات على اساس كلامي غلط
خذو ارواحهم اولاد************


up 2 down 15
mercy_sa 1075
قبل 3 سنه و 5 شهر



الله يجزاكم خير جميعا


up 0 down 0
mosting1994 65
قبل 3 سنه و 5 شهر



الله يوفقك ويستر عليك 


up 0 down 0
abomesal 1038
قبل 3 سنه و 5 شهر



الي اعرفه ان اذا رحت هيئه التحقيق يسجل عليك في السستم قبل تروح المحكمه وقبل الحكم
يعني اي زياره ل هيئه التحقيق يعرفون وش مسوي والقاضي قبل تدخل عليه يقول اثباتك ويطق طق في الجهاز يطلع كل تاريخك


up 1 down 0
الشرقية ماركت 153
قبل 3 سنه و 5 شهر