افضل سيارم سيدان متوسطة الحجم

و عليكم السلام و الرحمة
مثل ما قلت صعب تحصل سيارة تجمع كل المواصفات
خصوصا" الراحة و العزل تحصلها بشركات غير منتشرة وكالتها
و قطع الغيار و الصيانة قليل اللي يعرف لها و غير منتشرة
و تختلف من شخص لاخر
لكن انصحك بأقل سعر و بالاستاندر تحصل مواصفات جيدة
و صرفية البنزين تكون ١٦ او ١٧ او ١٨
اذا قير CVT عندك التيما استاندر بالمعارض بالستينات
او مازدا 6 على ال٧٠ و الثنتين الافضل بالصرفيه
الكامري الجديد باقي غاليه و التانكي اصغر
فتوفيرها مشكوك فيه و ان كانت الاجدد و معروفة من اول
و ال٨٠ الف ضريبتها ٤ الاف و بالاقساط بدون دفعة اولى
الراجحي او البلاد فقط
ممكن على ١٥٠٠ ريال حسب حسبة البنك على راتبك و التزاماتك

و الله يعيننا و يعينك عالاقساط

هذي اغلب السيدان الوسط مع الاسعار من الوكالات جميعهم ستاندر

كامري 82
مازدا 68
فيوجن 78
باسات فلكس واجن 82
اوبتيما 71
سوناتا 76
ماليبو 75

للاسف مافيه سيارة كاملة يعني لو تبغى سعر ومواصفات وجودة وراحة وعزل ممتاز انسى كل سيارة فيها عيوب ومميزات وبذكرها لك

الكامري ايجابيات ( قطع غيار متوفرة - سهولة صيانة - سعر عند البيع - وكيل ) سلبيات ( مواصفات قليلة - سعر مبالغ فيه - امان سيء ارباقين )
مازدا ايجابيات ( امان تتوفر ب 6 ايرباقات - سعر مقابل المواصفات ) سلبيات ( عزل سيء - غير مريحة وضيقة من الخلف - وكيل سيء )
فيوجن ( امان 6 ارباق - مريحة - عزل ورساوة ممتازة ) سلبيات ( قطع غيار البدي غالية )
باسات ( امان 6 ارباق - مريحة - عزل ورساوة ممتازة - اوسع سيارة من الخلف بذي الفئة ) السلبيات ( قطع غالية - وكيل سيء - صعوبة صيانتها خارج الوكالة )
اوبتيما ( سعر مقابل مواصفات - قطع غيار رخيصة - ) سلبيات ( وكيل سيء - التكيف في عز الظهر - امان سيء ارباقين )
سوناتا ( وكيل ممتاز عندك 3 وكلاء - قطع رخيصة ) سلبيات ( التكيف في عز الظهر - امان سيء )
ماليبو ( وكيل جيد عندك وكالتين - مواصفات مقابل سعر الستاندر تجيك بشاشة 7 انش وبصمة ) سلبيات ( امان سيء ارباقين - صعوبة صيانتها خارج الوكالة )

كل سيارة فيها عيوب ونصيحتي اذا مقبل على شراء سيارة خذ تجربة قيادة عند الوكالة يمكن كل شيء يعجبك فيها الا المقاعد مهي مريحة او التكيف عشان كذا جرب او استأجر والمواصفات انت تقدر تضيفها مثل الكاميرا والحساسات وغيرها استخير قبل الشراء

فورد تورس

سياره ممتازه جدا ( رساوه عاليه _ عزل ارضي ممتاز _ عزل هواء ممتاز _ متانه بالبدي وقوه _ عزم ) مشكلتها فقط ضيقه شوي لكن هي افضل من منافسيها المذكورين فوق

شفت اعلان عند عماد الدين تورس نص فل ب 80 الف ريال

موفق

في بعد من التوروس 4 سلندر نفس صرفية السوناتا و الاوبتيما
بس ضيقة من داخل و الا عزل و رساوة و مريحة تصلح لراعي الخطوط

من رائي الشخصي اكورد او كامري ١٧ 
واذا تقدر تزيد المبلغ خذ ١٨ 

اولا ياباني 
ثانيا سيارات اعتماديه لك وللعمر 
ثالثا توفر قطع الغيار حتى لو انك على خط 
رابعاً سعر بيع 

والله يباركلك بموترك الجديد مقدماً ❤️

والسيارتين تستاهل قيمتهم لان خراباتهم قليله 

^ الاكورد والكامري 

تبي عزل تبي رساوة خذ تورس

الكامري والاكورد سيارات طيبة لكن اسعار مبالغ فيها جدا مقابل مواصفات قليلة


لذلك ارشحلك البدائل اذا تبغى ياباني عندك الالتيما والمازدا فيها اهم المواصفات مثل مثبت السرعه والارباقات والراحه
وسيارات قليلة طلب وعملانيه مقابل سعر معقول


من الامريكي ماليبو وفيوجن كلها ممتازات وعمليه لكن عن نفسي ارشح الماليبو لانها اوسع من الفيوجن ولها وكيلين ومنتشرة فروع
وكالتها بكل المملكه وكقوة اقوى


استخر وشف ميزانيتك وش ينسبها ونصيحه خذ موتر يعطيك مواصفات مقابل سعر لاتفكر في سعر البيع كثير فكر تاخذ موترك يدلعك
وتحس انك حطيت فلوسك بشيء يستاهل مو شريت الموتر علشان كلام الناس او علشان سعر البيع خذلك موتر ل5 سنوات قدام تحس انه يرفهك وماتندم عليه


والي يقولك هذي تمسك سعرها وهذي لا شوف السيارات في حراج موديل 2013 وقارن بينهم مثلا الماليبو والكامري
تلقاها كلها في بحر الثلاثين وتنقص عنها الماليبو ال4 سلندر يمكن الى 28 وحولها ومشتراها كان في بحر الثمانين والكامري كان في بحر الالتسعينات
طبعا حسب النظافة لكن لو قارنا بين سيارتنا بنفس تقريبا مستوى النظافة والفرق بينهم بسيط بالسعر
بس لما تجي بالمواصفات تشوف ان الماليبو مواصفات اعلى مقابل سعر اقل وكذا انا رفهت نفسك خلال ال5 سنين وكشخت بموتر امريكي وبعت بسعر معقول


والله يوفقك ويكتبلك مافيه الخيرة

هوندا أكورد.
هونداي سوناتا.
مازدا 6


وفقك الله ورعاك ،،،

انا بختصر عليك كثر الكلام
استاجر السيارات اللي ترشحها لنفسك وخذها كم يوم وجربها
في كل شيء فاذواق الناس وارائهم ونظرتهم تختلف منشخص لاخر
فالافضل تستاجر السيارة يومين وتجرب
اللي تشوف انها ناسبتك شخصيا و ارتحت لامورها
استخر وثم توكل على الله

كانك تبي تستخدم ولا راح تبيع السيارة خذلك فورد فيوجن عن تجربة سيارة راحة و رساوة وعزل ممتاز وتحمل وكرف , الناس قالوا ماتتحمل وماتعيش لكن والله انها ماقصرت دخلت بها بران وجبال وردميات ولا شكت , حتى اذكر قبل كم سنة جت أمطار في وكنا في شارع عام مزدحم جدا وغرقان فكان مافيه خيار الا انك تدخل في الماء عشان تمشي , عمق الماء كان يغطي الكفرات ويتعداها كنت واقف بالماء وامشي ببطئ لساعة تقريبا والحمد لله ماطفت السيارة ولا جاها شي ولا دخل علي قطرة ماء جوا السيارة , والله كان بجنبي كيا اوبتما اخر موديل بعد ماطلع من الماء قعد يفضي السيارة من جوا من الماء اللي دخل عليه بكاس امتلت سيارته ماء الله يعوضه .
كانك بتاخذ الجديد 2018 اسعارها تحت الثمانين بشوي , وفيه بالمعارض موديل 2016 جديد كل الفئات , اسعارها من 58 للستاندر إلى 84 للفل كامل أعلى فئة .