أضف سؤال أو موضوع جديد          

كابرس غزاله

up 19 down 2
سمرمد 199
قبل 5 شهر



السلام عليكم ورحمة الله كابرس غزاله هاذا كان اسمه الايام هذيك حبيت اتكلم عن السياره كابرس SS موديل 96 بصراحه لو فيه فخر لشركة شفروليه تفتخر بهاذا الموديل  من الكابرس صراحه ابداع من ناحية المنظر والشكل الداخلي والخارجي وكان فيه عزم جنااااان  والمكيف كان ثلج من جد من سيارتنا الحين اخر موديل وغير نحطه على الاخير المهم  حبيت استعيد ذكرياتي مع السياره هاذي  الي  قعدت 6 شهور عشان احصل قير ارضي الاغلب كان علاق  حبيت اقول لكم  ما حصلت راحه ب الخط  ومكيف بارد وفخامه وعزم جبار نفس السياره هاذي  معليش رحت اليوم اغير اقمشه لسيارتي وشفت الكابرس الغزاله مشلح وخنقتني العبره والذكريات  وحبيت استرجع  ماضي الكابرس معاكم الصراحه سيارات كثير جات وراحت لكن فيه سيارات ماتنسي خصوصا لما يكون لك ذكريات فيها تكون  كصاحب لك وتفقده                وكل عام وانتم بخير ورمضان يجمعنا ب الخير والرحمه والعفو والعافيه 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله واليها ياصاحبي

سيارة لها ذكريات طيبة ووقتها البنزين راكـد




up 1 down 0
aboahmed2014 601
قبل 5 شهر



٩٥ قير علاق
٩٦ قير ارضي
فيه سيارات ٩٦ باقي عايشه مثل الجمس
لكن الكابرس ٩٦ كانوا يقولون هو العز و انتهى الكابرس الفعلي
تجي للواقع ما يسوى شيء كان راحه و عز وهو جديد
١٠ سنوات و شبه انقرض يعني على عام ٢٠٠٦ نادر تشوفه
الوقت الحالي لو تبي ترممه بتدفع عليه مبلغ كبير



up 7 down 1



اهم شيء كانت سيارتي بمدنايت سوني 2
الله على ذيك الايام ههههههههههه


up 3 down 3
d7ooom777 427
قبل 5 شهر



كان مع مدرسنا مواد دينية بمدرستي المتوسطة بغرب الرياض
اعوام ١٤١٩ ،١٤٢٠،١٤٢١
و كل الطلاب معجبين بموتر الاستاذ
و كان في نقاش بيننا وش لون الSS
اللي يقول عشبي و اللي يقول درجة لون ازرق و اللي يقول رمادي
اللي هو نفس الصورة

https://goo.gl/images/YXSq1V

و تخرجنا و طلعنا من المتوسط كل واحد يقول لون
بعد الثنوي زرت المعلم الا معه فورد و باع الSS من زمان
و كان اكثر مواتر المدرسين كوابرس و صوابين و SS
الحين مر اقرب مدرسة شف مواترهم المساكين ههههه راحت ايام الدلع


up 5 down 2
1405-1985 1383
قبل 5 شهر



....
رأس المكينه كان حق كورفيت والقير حق كابرس مايتحمل القوة هذي وهاتك خرابات
....
أكثر سيارة إشتهرت بإعطال الكهرب ومشاكلها
...
لكن يبقى موتر وحش له طابع رياضي بحت


up 1 down 4
علي باطرفي -36
قبل 5 شهر



يا صالح بن محمد صادق ما تحصل مواتر 96 الامريكي
لكن شوف تويوتا ما شاء الله تبارك الله عندك الهلي و الكرسيدا و لاندكروزر 
كلها موديلات التسعيانات تشوفها
 
ويا 1405 ليه وش الفرق بالمدرسين تقول راحت ايام الدلع وش صار غير الغلا ؟ 


up 0 down 6
mission 827
قبل 5 شهر



mission
الهلي و اللاندكروزر تحصلها بمناطق معينه بالمملكة و بعض القرى
اما باقي المدن كلها بالتشليح
و الكرسيدا موجودة بمكه بكثرة فقط باقي المملكة جدا قليله
الامريكي ذيك الايام كانت مبيعاته اقل من تويوتا لكن الجمس شكل ٩٦ لازال موجود و يستخدم
بشكل عام اغلب السيارات موديلات التسعينات انتهت
الكامري ٩٦ وينها اخر مره شفتها قبل سنوات
الكورولا و التيرسل و باقي سيارات تويوتا ما عاد هي موجودة
اكلها الزمن لكن الهايلوكس و اللاندكروزر موجودة مع الشيبان و هذا سبب تعايشها لحد الان


up 4 down 2



لاحظ علامتها موجودة الآن نفسها على الإمبالا 


انا في سنة 98 كنت اتمنى في واحدة زيها لما اكبر بس ما جا نصيب


معي واحد من ٣ سنوات ،ماشالله جبار

ولكن كل فترة احتاج اسويله صيانة وشوية ترهيمات زي المراوح والانوار وغيرها


up 0 down 0
tareq_talli1 1530
قبل 5 شهر



الحمدلله املك هالسيارة واملك تشارجر ٢٠١٥.. المضحك بالموضوع اني اهتم فيها اكثر من التشارجر وعندي موضوع نزلته عنها قبل كم يوم ومرفق فيها الصور..




up 1 down 0
أبو بانا 307
قبل 5 شهر



استغرب من لي يقول قير كابرس مايتحمل مكينة كورفت يحسسك ان قيره حق 4 سلندر وان المصنع متهور وغلطان يوم يركب المكينة
يالحبيب ترى المصنع يمررون السيارة في الف تجربة ومعاينة قبل الإعتماد وكل المشاكل والإستدعاء اللي يصير في السيارات الجديدة بسبب " خلل " ماهو خطأ مقصود او قلة خبرة وتكون سيارات محددة مو كل السيارات


up 1 down 1
chevrolet zr1 584
قبل 5 شهر



....
كلامك صحيح يا شفرولية زد ار ون
...
الشفر من أفضل السيارات فالعالم ولا قد تعطل أي قير ولا مشاكل كهرباء


up 1 down 2
علي باطرفي -36
قبل 5 شهر