كم يسوى فورد اكسبلورر 2006 كان قالب سابقا

أخوي مهند ياليت تكمل المعلومات عن الموتر حتى نقدر نعطيك حقه 
هل هو دبل 
وكم ماشي 
سعودي أو امريكي 

قالب ما انصحك خذ بالقيمه نفسها اكسبيدتشن 2002 على 25 وصونه ب 5 يعمر معك واكبر واوسع 

والله اذا انت راعي تطعيس ومناقز وجبال واوديه مالك الا الجيوب اليابانيه غيرها لاتدور اما باقي الجيوب تراها حقت خطوط وراحه وفخامه ورمل خفيف والاكسبلورر افتكر فيه الكوع حق الحراره انه يخرب ويضرب المكينه يعني عيب تصنيع فيه

لاتبخسون سعر الموتر يمكن صاحب الموتر بعد القلبة خاسر عليه سمكرة ودهان وقطع غيار
وماشاء الله تبارك الله واضح انهة مدهون بشكل جيد
واذا كان الشاص ماتاثر والمحركات زينة والممشى معقول والداخل بحالة جيدة اشوف ان هذا حقه واحسن من انك تشري من شريطي
وترى 30 ماهي شئ وماتجيب لك موتر بحجمه وتوفر قطع غياره وسهولة بيعه وخاصة انك مستخدم للسيارة
هذا رايي اخوي وقد اكون مخطئ
اهم شئ لاتحاول تنزل من سعر الموتر تبيه خذه ب 30 ماتبيه اتركه 

أخوي السموئل 
الموتر دبل وامريكي والممشى 175 ميل
وللمعومية الرجال ما يدري هو قالب او صدمة قوية بس التندة مسمكرة

Ahmad356 
اشكرك رايك طيب
------------------------
alaseri  
للحين ما ادري هو قالب او صدمة قوية لكن الميكانيكي قالي التندة مرشوشة وكانه قالب
-----------------------
شاقح بن مشقوح الشقيحاني
انا ابغاه سفريات وخطوط واوسع من للعائلة البر ما اعرفة ^_^
------------------------
ابوعمر الصاعدي 
كاني اقتنعت برايك ريحتني الله يريحك بالجنة وصاحبة يقول من سنة تقريبا ما اشتكى منه لكن نظطر ويبي يبيع
صاحب الموتر اعرفه مو شريطي ومشتري الموتر 48 الف قبل سنة


اكرر شكري للجميع

الممشى بالكيلو 280 الف كيلو واشوف انه كثير على موديل 2006
اذا لقيت ممشى اقل واشوف ان مابين 100 الف كيلو الى 150 الف كيلو شئ طيب
اوتراك تلقى بالموقع افضل
بارك الله فيك 

الممشى بالكيلو 280 الف كيلو واشوف انه كثير على موديل 2006
اذا لقيت ممشى اقل واشوف ان مابين 100 الف كيلو الى 150 الف كيلو شئ طيب
اوتراك تلقى بالموقع افضل
بارك الله فيك 

اخوي انت ماعلمتنا بالممشى في البداية
اذا كان لايهمك ممشاه خذه مره ثانية وجربه وتفقده ثانية في النهار وخذ معك احد زملائك وقرر

اخوي ابو عمر الصاعدي ردودك تثلج الصدر وانا مالي خبرة بالسيارات
لكن فلوسي 25 الف واقنعت الرجال ادفع له 25 الف والباقي فيما بعد

لكن سوالي انا باخذه استخدام شخصي هل هو يمشيني او يبهذلني ؟ لاني ما اعرف بالسيارات وبالذات الفورد

فحصتة عند الورشة قالي محركاته سليمة ماعدا حساسات القير وسالت قالو الحساسات بـ 1200 ريال تقريبا

رايك عين الصواب باخذه لمدة يوم مع احد اخواني وزملائي وباستخير وبعدها اقرر باذن الله

دعواتي لك ابو عمر الصاعدي بجنات الفردوس وكل من رد

بارك الله فيك
 تاكد ان المشكلة في الحساسات فعلا
وربما ان المشكلة في حساس واحد او ان القير فيه مشكلة
اشوف ان 1200 ريال مبلغ كثير على حساسات
وانا اعطيتك رايي بناء على ان الموتر سليم ميكانيكيا 
وللاسف انك لم توضح ذلك في البداية
واذا كان في القير مشكلة كما تقول فلك الحق في مفاوضة صاحب السيارة لتخفيض السعر
وتذكر ان معلوماتك ناقصة في البداية عن السيارة

اذا القلبه خفيفه خذه واذا قويه خله