غسيل دورة التبريد وتسييخ او غسيل وتغيير رديتر؟
8
1
إضغط هنا للإخفاء
السلام عليكم :
وشحالكم عساكم بخير وعافيه الله يديمها
والله يبلغنا شهر رمضان لافاقدين ولامفقودين
،
اخواني الله يرزقكم برزق ماله حد ويوفقكم
انا موتري ددسن 2010 غماره وعلى يدي وكاله ولا اغير
له الا ماء مقطر عند التزويد وعند ممشى الموتر100 الف
غيرت موية اصليه من الوكيل ومن قريب الـسنه
حرارة الموتراختلفت معي مو للدرجة المخيفه لكن من باب
الحذر ،،،، وعند فتح غطاء الرديتر حصلت صدى خفيف!!
وفكيت الخرطوش وحصلت صدى !!!! واضحه انها من الغش
في الماء المقطر !! انتبهوا من الماء المقطر وخذه من محل ثقه
المهم موقعي الخبر
وعندي استفسار وش رايكم اسوي تنظيف لدائرة التبريد
كامله مع تسييخ الرديتر < او > تنظيف دائرة التبريد
للمحرك مع تغيير رديتر صيني درجة اولى من
شركة MAS ( على كلام الهندي عامل محل بيع رديترات
صينيه لجميع السيارات وحطها في ذمته انه يبيع
الرديترالصيني وممتاز لجميع المواتر ومحد قد رجع له
واشتكى ) طبعاً الرديتر سعره من الاخير 200 ريال .
وانا متلخبط
لان التسييخ فيه ناس نصحوني ويقولون افضل
وناس يقولون غير رديتر صيني افضل من التسييخ !!!!؟
طبعاً الله يبارك فيكم لا احد يقول غير رديتر وكاله !
لان لو عندي القدره بشراءه ماطرحت استفساري .
وحتى الرديتر الاردني مافيه والهندي اللي يبيع الرديترات
يقول ان الاردني هو نفسه الصيني ؟ ويقول اللي بيبيعه لي
افضل بعد من الاردني الصيني ؟
المقصد انا محتار !! وبانتظار شوركم ربي يحفطكم
واللي جرب الرديتر الصيني يطرح تجربته وموفقين جميع
إبلاغ
الردود
اذا حرارة ما ترتفع فرغ مويه المقطر وحط مويه اصلي كامل
اذا لازالت حرارة موجودة غير رديتر جديد سوا صيني هندي تيواني اصلي اي شي على حسب ميزانيتك
وشيك على مروحج وخراطيش وبلف
1
8
وايضا الغطا يلزم تغييره مع ماء رديتر اصلي بدون زيادة ماء مقطر
وباذن الله تظبط
بالتوفيق ..
4
1
لو انه مكسور ولا ماكله الصدى وماينفع فيه اللحام
يمكن تغيره اما مافيها شي بس شفت صدى خفيف
قلت تغيره
والله فيه سيارات اقدم من سيارتك عليها رديتر الوكالة
صيخ الرديتر ويرجع احسن من اول واحسن من الصيني
وحط ماء اصلي وامورك بالسليم .
3
7
2
5
بدلته كامل بواحد جديد خذته من العيسى الحمراني و قطع الغيار ما عندهم الا طلبية
وخذتها قاعدة الراديتر من يخرب غيره على طول
فيه ناس تمدح الأردني و الصيني بس زيادة حرص مني حابب الأصلي اضمن ما احب التجاري .
2
1
وأنا اخوك التجاري ما تضمنه ودايم يدك على قلبك لا يخرب عليك في وقت والا مكان غلط
وشاروا عليك اغلب الاخوان انك تسيخ الرديتر وتغير غطاءه بأصلي ، وبطريقة غير بلف الحرارة لانه احتمال
الصدأ لعب فيه ، وأفحص الاهواز ( الليات ) اذا محتاجات تغيير او لا ، والمويه حط مخلوط وريح رأسك
من سالفة الماء المقطر المضروب لان الغش منتشر هالايام .. وان شاء الله تضبط امورك .
3
1
1
7
نصيحتي للكل واحد يبي يحافظ على دورة التبريد سنين وسنين
اشتر لك مويه اصليه مخلوطه مسبقا وتحصلها عند الوكلاء ميزتها فيها مواد كيميائيه مانعه للصدآ وتتحمل حراره اعلى ومواد تزييت للطرمبة والليات والرديتر نفسه ودورة التبريد كامله
حتى لو تلمسها بنفسك تحصل فيها مثل الزيت لزوجة في الماء واتحدى لو تحصل صدا او مشكله في الحرارة وتغيير الماء كل سنتين بحد اقصى وسلم لي ع الحرارة
2
3
4
1
0
0
الرديتر فيه شي له تسييخ اللي يقول تشليح واللي يقول صيني
اجل اغير رديتر اصلي ويظبط اذا سويت له تسييخ
ويعيش اكثر من الصيني وغيره ..
2
4
لا تغيره. فقط سيخه و يرجع مثل ماكان . ياكثر الرديترات اللي
سيختها و ما اشتكيت منها. و غير غطاء الرديتر بواحد جديد اصلي.
و بالعكس الاردني او الصيني يقبل اوساخ بسرعه.
2
0
1
0
لان الرديتر مادامه صدى خفيف فيقبل الغسيل والتسييخ عادي ويرجع مثل الجديد هذا اولاً
وثانياً المادة المصنوع منها الرديتر الاصلي كفائتها اعلى من مادة الرديتر التجاري
لان مادة الرديتر الاصلي مبادلتها للحرارة اسرع يعني الماء يفقد حرارته بسرعه وبالتالي الماء الداخل للمكينة يكون بارد
اكثر من مادة التجاري الي تمسك حرارة الماء نتيجة عدم مبادلتها للحرارة مع الجو الخارجي مقارنة بالاصلي
وبالتالي حرارة الماء الي يدخل للمكينة يكون نفس حرارة الماء الي خارج من المكينة
واعذرونا على الفلسفة
3
3
فكرة تغيير الرديتر شلها من بالك
1
1
اذا تسمح يا صاحب الموضوع من كشف على الحراره (وكم تصل الحراره عندك لانه مع كثرة الاستخدام تقل كفاءة السيارة باكمالها) .. ومن بين ان الراديتر يحتاج تسيخ ومسألة وجود صداء لايبن ان دائره التبريد تحتاج الى تغيير ممكن لانك تستخدم مياه مقطرة هي تسببت بهذا الصداءوفي رائ حاول تنظف دائرة التبريد وتغيير بماء اصلي فقط ولا تضيف الية ماء مقطر لان اغلب المياه الاصلية تكون مخلوطة من المصنع مباشرة ولا تحتاج الى تقليل تركيزها .
وبالتوفيق للجميع
1
0
0
0
ملاحظه ادا بتركب موية تبريد رديتر لازم تركب كامل بدون موية مقطر او عاديه
يعني خدلك جالون او جالونين موية تبريد 50/50 تجي مخلوط من نفسها بموية مايحتاج تضيف مقطر عندك تويوتا و بريستون
واي سي دلكو و نيسان و كدا شركة مكتوب عليها 50/50
قبل 6 سنه و 8 شهر