أضف سؤال أو موضوع جديد          

زحمة المحطات

up 10 down 7
ibrahem s 27
قبل 3 سنه و 7 شهر



وش حكاية الزحمة في المحطات
بعد غلا البنزين تتوقعون انهم خففوا
البنزين زيادة ولا يتهيألي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قبل ٣ سنوات ٣٠ ريال تعبي سيارتك فل تمشيك اسبوع
ارتفع البنزين مرتين
حاليا ٣٠ ريال ما يوصل النصف البنزين
كأنك عبيت ب ١٥ ايام زمان
و يخلص بسرعه و ترجع تعبي
قليل يعبون فل هالايام
كل سيارة تعبي ٣٠ الى ٥٠ ريال يمشيه يومين و يرجع يعبي


up 16 down 5
صالح بن محمد. -49
قبل 3 سنه و 7 شهر



هاليومين زحمه كل واحد بيفلل مع الرواتب
قبل الراتب اللي يعبي اللي يمشي حاله و يقضي مشاويره الضرورية بس



up 4 down 2
مثقف سيارات 1143
قبل 3 سنه و 7 شهر



تبيها من اخرها ( الوضع ما يطمن )


up 9 down 7
nasser1430 873
قبل 3 سنه و 7 شهر



انا اليوم عبيت بنزين و عادي الوضع




up 3 down 3
بدر الباثفايندري 1125
قبل 3 سنه و 7 شهر



الخلاصه قالها لك اخوي صالح الناس صارت تعبي اللي يقضي مشاوريهم اغلب اللي يعبون فل ياوراه خط ولا الراتب نازل عندك الرواتب بعد كل شهر لها يوم وهذا سبب من الاسباب


up 6 down 2
راكان443 150
قبل 3 سنه و 7 شهر





اكون واضح معكم
اعبي فل وانتظرة لين تولع اللمبة ثم اعبي فل ( سيارتي النترا ) ١٧
اعبي فل ب ٦٠ واذا مشيت على اللمبة مسافة احيانا اعبي ب ٧٠ 

اقول بنفسي 
مصيري اعبي اعبي 
ليش كل شوي اوقف اعبي ب ١٠ او ١٥ 
عب فل مره وحدة وافتك من الانتظار في المحطات كل شوي


up 15 down 3
الصقر2022 1025
قبل 3 سنه و 7 شهر



صادق ياحرف الالف لكن اذا طفران ومعك 100 بس مستحيل تخلي 60 يروح للبنزين

تخليها بنزين عشاء وكذا اما اذا موجوده الفلوس وماوراك شي وفلوسك تكفيك الى اخر الشهر عب فل ولا تفكر


up 7 down 2
mission 849
قبل 3 سنه و 7 شهر



الا يعبي ب15 و20 يجرب يعبي فل بيلاحظ فرق بالصرفيه عن تجربه بالفورد


up 5 down 2
296
قبل 3 سنه و 7 شهر



افضل شي يكون البنزين فوق النص غالبا لو سمح الله وصار
عليك ظرف مهم او طلع لك مشوار ومستعجل ماعندك وقت ومزاج توقف في المحطة
يكون وقتها البنزين يمشيك .


up 5 down 1
زكريا حكمي 116
قبل 3 سنه و 7 شهر



آخ بس والله كل عمري ما أعبي إلا فل و95 بعد واستنكر اللي يعبي ب10 و15 , لكن مع الارتفاع الاخير صار الفل 91 ب100 ريال صرت ما اعبي فل الا نادر , ياخي حرقة قلب تدفع 100 وتروح باربع ولا خمسة ايام , اعبي كل يومين ب30 و لا 40 مراعاة للنفسية , و فيه نقطة كذلك , كثير من المحطات قفلت خصوصا المحطات الصغيرة واللي تعتبر داخل حواري , بسبب الانظمة والقوانين الجديدة , في حارتنا اشوف 4 محطات قفلت السنة الماضية فصارت بقية المحطات أزحم من السابق .


up 7 down 0
ain501 214
قبل 3 سنه و 7 شهر



يا mission خل نتكلم بعلاقنية شوي لا تقول طفارى وما معهم فلوس الا بعض العالم يقاله بيظبط مصاريفه ومن ضمنها البنزين وهو ماله علاقة في الموضوع اساساً



يعني يوم تقولي طفران مامعه الا 100 ريال وبيمشيها بنزين وعشاء وغيره على قولتك هذي ممكن تصير في حالتين العاطل اللي اساساً ماعنده دخل ويمشي على مصروفه من اهله وهذا اساساً ماعنده شي مهم للغاية بشكل يومي يعني دوام غيره ولا عايلة مسؤول عنها


او واحد دخله باليوم فقد ماهو قاعد يطلع يصب حسب حاجته والفلوس اللي معه وهذي حالات نادرة جداً جداً


او موظف بس انه في اخر الشهر ومامعه الا كم 100 ويالله تمشيه


لكن اللي حنا نشوفه كل العالم تعبي ب 30 ولا 40 ولا 20 حتى لو توه نازل الراتب او نص الشهر وهذا اكبر غلط لأنك الحين ضيعت وقتك وقفات في المحطات ويمكن يوم لاقدر الله تطلع عجل ولا حالة طارئة ولا مستشفى وموترك مصفر بالاضافة الى مثل ماقلنا تعبيت عشرين ثلاثين تشلفح بسرعة مايمديك معبي الا هو طاير واخيراً نفس الفلوس بتدفعها انت يعني دفعت 30 ومشاك يومين ادفع طيب ستين من الحين وامش 4 ايام يعني وش ذا الذكاء


بس عالم فكرها غريب مدري وشلون يفكرون لكن بسلامتهم دامهم مقتنعين باللي يسوونه على قولتهم كلن ينام على الجنب اللي يريحه


up 2 down 3
a.ibrahem 3169
قبل 3 سنه و 7 شهر



والله ياصاحبي كل شي جايز ، 
منت اول واحد يقول ويحس بهالشي ، 
الغالبيه ، ولكن حسبنا الله وكفى ان كان فعلاً كما ذكرت


up 2 down 1
wooow.r 157
قبل 3 سنه و 7 شهر



والله يا اخوان مدري ليه الدسلايك هذا كله
انا طرحت موضوع مخل بالآداب لاسمح الله ؟

موضوعي إن كذا مرة اجي اعبي احصل المحطات مزحومة
وبعضها تدق سرا حتى يجي دورك
يعني شي محير وحبيت اطرحه


up 3 down 1
ibrahem s 27
قبل 3 سنه و 7 شهر



البنزين صار مكلف و فله مبلغ وقدره .. ويأثر على ميزانية الكثير وخاصة نهاية كل شهر ، عشان كذا تشوفهم كل يوم يعبون بمقدار ما يكفيهم حق المشوار وهذا سوى زحمة بالمحطات


up 0 down 0
abb20 53
قبل 3 سنه و 7 شهر



توني أمس راجع من تركيا. كنت أعبي سياره صغيره مثل الإكسنت ب 300 ريال ولا عندهم غير بنزين 95 فقط.
بس طبعا ما يحتاجون سيارات عندهم متروا وقطارات وبواخر وباصات بكل مكان فماتفرق معهم واجد غير لو يبون يطلعون كشته بس. حتى الطيارات رخيصه.


up 1 down 3
hemo1001 64
قبل 3 سنه و 7 شهر



انت معبي معي

فلل وريح راسك كم يوم قدام

اما مسألة ١٠ و ٢٠

هذي ممله كل يوم وانت تبي المحطه


up 0 down 0
king1kb 21
قبل 3 سنه و 7 شهر



انا برايي لا تعب فل من محطه لا توثق فيها . الافصل تعب نص او ربع اذا المحطه مشكوك فيها .
ودايم خل عينك على المحطات اللي تجي ارضيتها شوي مرتفعه ولا يوجد مستنقعات مياه بجوارها . لانه ممكن تتسرب المياه داخل خزانات البنزين مع المطر


up 2 down 0
heartms98 -8
قبل 3 سنه و 7 شهر