هل ستنخفض أسعار السيارات بعد رمضان 1438؟؟؟؟

رمضان ١٤٣٩ متأخر سنه انت

بيرتفع البنزين تصاعدي الى عام 2020 والعكس بينخفض السيارات 8 سلندر و 6 سلندر تكون متقاربه مع اسعار
4 سلندر اقصدر صرفيه البنزين جميع السيارات لان الدوله تحاول تعتمد على الضرابيه 1439 يكون 5%
و1440 يكون 10% و 1441يكون الضريبه 15% بعد يتوقف الضريبه عند هذا الحد يمكن يكون ثابت للدوله
ودخل لها سنوي في الميزانيه 15% من الضريبه ويكون هناك انخفض في السيارات والعقارات والايجارات وكل شي
مرتفع قبل يكون منخفض لا احد يضحك عليكم يقول عرض خاص وبالنسبه للعماله القوي ويعمل وراتبه قوي بيبقى
والمسكين بيمشي وبيبع بسبب ارتفع الاقامه كل سنه يمكن توصل الى 10 الاف الاقامه 2020
والمثل يقول البيب بالاشاره يفهموا اي واحد يبيع سلعته اليوم افضل من باكر لا تؤجل بيع اليوم الى الغد من اراضي
وعقارات وسيارات انت الرابح وبعد سنتين هو الخسران وشكرا لكم على القراءه

هذا في علم الغيب قالوا بتنخفض اول ما ارتفع البنزين ولا صار شي
بعد رمضان فيه سواقة الحريم وراح ترفع المبيعات طبعا

اما الاخ فيصل
معلوماتك غير صحيحة الضريبة ثابته ولا فيها تغيير

صدقني بترتفع بذات سيارات اقتصادية 
اجل كامري ٢٠١٨ ستاندر سوح ب ٨٥ الف !!! شي شي 

صدقني الضريبه المضافه بتتغير 2019 الى 2020 انتظر القرارات من ارتفع ابنزين الى 15% دخل للدوله توجيهات
مجلس التعاون الخليجي يعني الدوله بتكون اتحاد الامارات والسعوديه والبحرين والكويت تدخل نفس الاسعار مثل
الاتحاد الاوربي بالنسبه الى سواقه الحريم السياره هذا شان مسؤاليه عائلي خاص ليس للدوله شان فيه في ناس ارامل
ومطلقات تبي تسوق من دكتوره ومدرسه وضعهم المادي ممتاز اما بالنسبه الحريم الثانيات مستحل يسوقوا عندها ابوها

اركد يا فصولي انت و تحليلاتك نزلت نقاطك
خل المستقبل على الله مهو بناقصنا تشاؤم و سلبية

اركد يا فصولي !! نزلت نقاطك !!!  طيب هذا رائي اخ فيصل 
موب عاجبك تنقص نقاطه ههههههه 
منتدى  رائع نفيد ونستفاد 
لكن بعض عينات يا لطفك 

نزلت = تم تنزيلها مهو انا اللي نقصت عليه !!!
و الظاهر انت بتلحقه

اعتقد مافيه ارتفاع ولا نزول الاسعار تراوح مكانها ما عدا سيارات 
الصوالين العائليه يمكن تحرك شوي بسبب الاجازه والاسفار .

فيصل محمد الأول ... اشك وليس يقيناً إنكـ ماتفهم شيء ابد ولاعندكـ دراية بشيء ابد ... تستاهل نقاطكـ اللي طارت نفتكـ منكـ ومن تحليلاتكـ


اما صاحب الموضوع فاسعار السيارات على حسب القوة الشرائية
مع بداية تغير اسعار البنزين واضافة القيمة المضافة خفت القوة الشرائية فطبيعي بتنزل الاسعار


لكن بعد رمضان بعد الموافقة رسمياً على سواقة الحريم

بحسبة بسيطة تخيل مليون ونص حرمة بتشتري سيارة

هنا حتكون قوة شرائية مقابلها ضعف في المنتج والعرض فطبيعي ترتفع الاسعار يعني اقتصاد دولة كامل يتغيير ( زيادة نسبة المبيعات يساوي زيادة نسبة ارتفاع قيمة الضريبة المضافة للدولة من التجار )


وان شاءالله خير

صح لسانك يبو يارا صحيح كلامك و هي كلها توقعات
ما ندري وش بيصير مالنا الا الانتظار

اللي نزل بصراحه السوق وليست الاسعار واصحاب المعارض يدركون
 هذا الشي
ولذلك تحصل سيارات لها اشهور واقفه بالمعارض ما انباعت...ليش ؟
لأن اغلب الزباين الآن آخذين فكره ان الاسعار نازله ويبون رخيص
وصاحب الحلال ماعنده استعداد يضحي بحلاله ويبقى البايع والشاري
 (مكانك سر)
ولهذا السبب صار السوق ضعيف
السؤال هل ضعف السوق هذا يمكن يترتب عليه نزول حقيقي بالاسعار ؟
الجواب قد يكون ولكن بالتدريج ....هذامن باب التوقع والعلم عند الله .

المستعمل بيرخص

اللي ماخذ تاجير ويبي يتنازل مستعد يدفع لك 6 اقساط علشان تتقبلها

الجديد بيبقي ثابت والصغيرة ممكن يرتفع سعرها شي بسيط والتركيز الأن على الحريم ولو تلاحظ اغلب الدعايات مستهدفة لهم

فيصل محمد الاول
الله لا يوليك علينا ، إذا هذه تحليلاتك فإنه حتى الغني والثري سوف يتجه إلى أن يصبح فقيراً .

البارح كنت في دبي ومازلت عبيت بنزين ارخص نوع ٤١.٧ لتر بمبلغ ١٠٠ درهم

وانجرحت رجلي ورحت مشتشفى حكومي اسمه الشيخ راشد على اساس يعقم الجرح ويربط عليه ماتتوقعون كم طلبوا مني عشان اقابل الطبيب فقط والله ١٩٠ درهم غير اجور العلاج والغيار سالته وين معاملة الخليجي قال خلاص خصخصة الجميع يتعالج عن طريق التامين

لاويسالني مابدا عندكم التخصيص قلت ان شاءالله مايبدا اذا هو كذا
المهم رحت صيدلية اشتريت صبغة يود وشاش ونظفتها بنفسي ماكلف ٣٠ درهم



نسال الله الايغير علينا

اما موضوع الحركة السوقية والشرائية يصيحون وفي الشر يطيحون من ضعف القوة الشرائية وخاصة سوق الدراقون اللي ماكنا نقدر نمشي فيه حتى ان نوع من البضاعة كنت اخذه قبل بسعر ١١٠ درهم امس اخذته بمبلغ ٦٠ درهم عندما وجدت قلة الزباين تشطرت في السعر ووافق الصيني

ما أعتقد أنها برتفع وفي نفس الوقت ما أعتقد أنها بتنخفض
بعد رمضان بتبدأ بعض العوائل تشتري سيارات لبناتها وسيداتها فراح يكون فيه طلب كبير على بعض الوكلاء
ولا تنسى إرتفاع المحروقات القادم بداية 2019 ممكن راح يرفع سعر سيارات 4 سلندر و 3 سلندر بجميع أنواعها

اتوقع في ارتفاع

خصوصا من جهة النساء

لانهم بيجون تقريبا دفعة قوية يرغبون بشراء سيارات

الانخفاض الغير مبرر بشكل تام في أسعار السيارات هو انخفاض مفتعل .

فقط للتجربة ، اذهب إلى الحراج وحاول شراء سيارة من هناك ( تمثيلا ) وستجد أن الأسعار غير صحيحة .

قيادة الحريم ستؤثر في السوق بارتفاع الطلب
لكن الطلب سيكون قلل الى متوسط ...لو قلنا ان النساء عندنا 15 مليون
مثلا كم سيكون منهن اللي بتتملك سياره وتقوها؟؟؟؟؟؟؟
وجود الضريبه يؤثر سلبا على شراء الجديد
وجود الضريبه يؤثر ايجابيا على شراء المستعمل
السوق يوزن نفسه ولن يكون مثل الاقبال قبل سنتين او خمس
امر مهم جددددددا ...الاقبال على :::>>>>
>>>>سيارات 8 سلتدر قليل جدا
>>>>سيارات 6 سلندر متوسط
>>>>سيارات 4 او 3 سلندر عالى جدا
نظرا لارتفاع اسعار البنزين
الاقبال على سيارات الديزل متوسط
لان الناس متخوفه من ارتفاع الديزل
الى مستوى التسعيره العالميه
أسأل الله التوفيق للجميع