هل من حل لسوء شوارعنا من حفر ومطبات
16
1
إضغط هنا للإخفاء
السلام عليكم ورحمة الله وبركاته
اسعد الله اوقاتكم جميعا
ما ابي اكتب هالموضوع الا لانه طفح الكيل
يا إخوان نبي حل لهذا الشيء والله الموضوع وصل حده ,, سياراتنا صارت مساعداتها وكراسيها وكفراتها تطلب كثير والمفترض تعيش اكثر شي بالسيارة
الوضع صار ما يحتمل كل ما تطب شارع الا تلقى مطب او حفرة تكسر جنط او تنفضك انت وعيلتك بالسيارة
والله هذا ثاني جنط أغيره بسبب الحفر ,, يعني ما يصير لما تمطر وتمشي بشارع على نيتك تتفاجئ أن فيه حفرة تنهي أجل موترك
والأدهى والأمر لما تجي مطره قوية تشوف بعض الشوارع تنخفس تحت وتصير مرتع للموية ولا سمح الله تتشقق الأرض وتطلع حفرة جديدة
تدخل الحواري مطبات ,, تدخل منشأة مطب حديد ينفض موترك كله
الآن كرسي المساعد الأمامي اليمين قام يطلب وكل ماله يزيد صوته ,, عيون القطط كنك تدوس على حصاة
واللي يقهرني أكثر المطب اللي تجي ورا بعض
زي الصورة هذي
http://mandeeselive.com/news/wp-content/uploads/2015/04/images-5.jpg
هذي لو انك مركب تقويم أسنان يطيح من كثر ماهي ترثع بك
عطونا حل يا جماعة وش الاجراء ,, هل البلدية لها دخل هل وزارة النقل لها دخل
هل لهم تطبيق نشتكي يعني ما يصير جنطي تأثر مرتين بسبب حفرة واهمال
وبالأخير تتفاجئ أن أحد المارة جزاه الله خير اللي بيده يغطيها برمل فقط ,, ومع الوقت ترجع ثاني مره
مستحيل تطلع من بيتك وترجع الا انك ماكل اكثر من مطب .. واكثر من حفرة .. واكثر من تحويلة
لو موترك تكلم اشتكى عليك
شوارع ماشاء الله تلقاها مزفلته وبقدرة قادر بعد شهر تلقا حفريات وتحويلات وقص الأرض وليتهم يزفلتونه من جديد
كبري مستشفى الملك فهد بخشم العان ,, وبن لادن واضرب واطرح ,, اول ما سووه الشارع ينقز بك فوق وتحت ,, ومتشقق الشارع
هذا وتوه جديد
وش الحل يا جماعة الخير
إبلاغ
الردود
مافي حل لين تصحى ضمائر البشر
0
0
قبل 6 سنه و 6 شهر