تبديل السرعات في القير العادي

و عليكم السلام
تكون تمشي بسرعه ١٠٠ و السيارة بالخامس مثلا
و تبي تهدي حتى توقف بشكل متوسط
تهدي حتى سرعه ٦٠ مثلا و ترجعها بالثالث على نفس دعسة الفرامل حتى اقل من ٣٠ و حطها بالفاضي
ما يحتاج بشكل تدريجي

عادي حتى وقفت على الصفر وهي في السادس المهم لاتفك الكلتش الا بعد ما تبدل الى النمرة المناسبة حسب السرعة
والكلام هذا من واقع تجارب على مدى 24 سنة

بالمناسبة السيارات القديمة زمان زي الياباني والكوري كانت دائماً تجي قير عادي ماتشوف اوتو الا بالصدفة

اذا بتهدي الافضل تهدي بكل نمرة وانت نازل كذا تريح الفرامل شوي 

وايضا عادي لو كنت مثلا في ٤ وتهدي حتى السرعة القليلة وتحطه ف٢ بس كذا الفرامل تستهلك اكثر ،،ولا تنسى وقت التهدية تاخذ السرعة لكل ترس مثلا مايصلح تنقله للترس ٢ ونت ماشي بسرعة عالية هذا يعدم القير 

وبرضو العكس مثلا تعشق من ٢ ل٤ عادي بس بتستهلك صحن الكلتش اسرع لانك بتطول على الكلتش لتعشيق الرابع 

تروس القير موزونه على سرعات محدده كل ترس له سرعه معينه فمثلا اذا نزلت النمره
من الرابع الى الثاني والموتر ماشي بسرعة الرابع تصير انت عطيت الترس الثاني سرعه
اكبر من طاقته وهذا ربما يضر القير ولكن مع مرور الوقت وكثرة استعمال هالطريقه
وانا افضل ان الواحد مايستعمل هالطريقه الا عند اللزوم ولا يخليها له عاده .

^^^ اتفق معك. اذا تسارع تصاعدي تبدل بالترتيب الى الأعلى و تراقب دورات المحرك. يعني لا توصل دورات عالية وتجهد المكينة و القير وتسحب بنزين. ولا دورات منخفضة تنقص من عزم السيارة و تسبب تنتيع وهذا سبب لخراب كراسي المكينة و نفس الشئ تسحب بنزين بسبب التنتيع و التعويض بدعس بنزين وبوابة الثروتل تفتح أكثر لدخول هواء الخ.

أحيانآ تقدر تسوي سكيب لترس مثلا. السيارة في الثاني وانت في نزلة شبه قوية وفي خط مفتوح والتسارع عندك قوي بسبب وزن السيارة والجاذبية الخ هنا تقدر تحها مباشرة في الرابع وتكون وفرت شوية بنزين لأن حافظت على تسارع ثابت و ار بي ام اقل... وهذا شبيه بنظام السي في تي.
النقطة الثانية. عند نزول السرعة تدريجيا تقدر تحط القير في الفاضي او تتركة على نفس الترس مع استمرار استخدام الكلتش. سواء للتوقف التام او فقط لتغير السرعة الى سرعة اقل. مايحتاج تهدئ ابدا بالقير راح تسبب ضرر كبير وانت ماتحتاجه. الضرر بسبب دورات المكينة العالية ترتفع بشكل مفاجئ. ويتضرر السير الداخلي والخارجي وفي حالات انقطع فيها بسبب حركات مالها لازمة. ونفس الشئ خطر على تروس القير.

نقطة اخرى: معروف ان اقمشة السيارة اللي قيرها عادي تعيش اكثر من الاوتو اذا سيارتنا الاوتو تعيش ١٥ شهر او ٥٠ الف كيلو فما بالك بسيارتك! هل تحتاج تسوي هالحركة؟ هي مجرد تقليد لناس يخترعوا حركات على اساس انها احتراف و مواهب.

ابو حسين طريقتك اتوقع غلط بالتهديه
انا ابكون ضاغط فرامل عشان التهديه
وعشان اردها نمر تدريجيا لازم اضغط كلتش
لو انها معشقه خامس وارجعها ثاني بالتدريج
ماتفيدني ابد ابد
لاني طول التهديه ضاغط فرامل وكلتش
بالعربي كأني حاطه Nوالعب بالنمر

الصح تهدي الى السرعه المطلوبه وتردها نمره
مباشره الى النمره المطلوبه بدون التدرج

اما التسارع لازم التدرج من١الى٥او٦ حسب عدد نمر القير

اما التهديه او بتوقف مايحتاج تدرج بالنزول بالنمر
لو هي نمر٦ على مااوصل نمره٣ او حتى٢ الا السياره واقفه
بأختصار فترة الوقوف تقريبا اسرع من فترة التعشيق

اذا انت ماشي من الصفر الافضل النمر متسلسل اما اذا انت تبي تهدي ومسرع مايهم التسلسل رجع النمره للسرعه مثلا ماشي بالخامس وهديت الا 20 ترد النمره من الخامس للثاني مايضر ابد

اعتقد لا يضر السياره النمره 
المهم سلاسه الموتر عطها النمره اللي تناسب السرعه 
والمهم ايضا التغيير مايكون متاخر يعني تدعس كلتش وتنتظر وقت طويل 
اغلب السواقين تعطيه موترك يرجعه لك ريحه الكلتش طالعه 
بسبب ان رجله ما تقارق الكلتش