مماطلة شركات التأمين لاولم ولن تنتهي هالمهزله لنا الله ياوطن

11 6

لايمكنك التصويت حتى الحصول على 20 نقطة على الأقل
إضغط هنا للإخفاء

الالنتراوي 5150
قبل 11 سنه و 6 شهر

السلام عليكم ورحمــة آلله وبركاته

يااخوان بإختصار صار لي حادث في تاريخ 30/8/2012 والحمدلله على كل حال قرر اللي باشر الحادث بأن تكون نسبة الخطأ 50% ورضينا بأمر الله وبعد ماانتهينا بسلام
من ( قروشة ) ومراجعة المرور اخذت اوراقي والى شركة التأمين وقدمت مطالبه وتم تسليم جميع الاوراق المطلوبه + صور للسياره واجزائها المتضرره بتاريخ 5/9/2012.. قالوا لي راجعنا بعد 15 يوم لأستلام الشيك قلنا تمام  وبعد الـ15 يوم تبعهم المزعومه قآلوا تعال بعد 3 ايام لأن الإداره ف الخبر وان شاء الله بعد 3 ايام تجي تستلم شيكك قلت بحول الله وقوته نصبر .. وراجعتهم بعد 3 ايام قالوا اسبوع وراجعتهم بعد اسبوع طلعوا لي بمشكلة جديده الا واهي ان رخصة المؤمن منتهيه طيب ياجماعه انا وش دخلني ! اوراقي سليمه واموري سليمه ليش التأخير هذا الى هنا والنفس طيبه بعد شد وجذب قالوا خلاص حنا كلمنا الطرف الاول اللي هو المؤمن الله عشان يجدد رخصته واذا ماجددها
سحبنا من رصيده عمومآ هذه كذبه واضحه لأني بعد يوم رجعت لهم قالوا خلاص جدد رخصته المؤمن له وارسلها لنا على الفاكس انا ماادخلت مزاجي بيوم يجددها !! عموما انا سكت عشان اموري تمشي قالوا الاسبوع هذا راح تستلمه ومر الاسبوع ولا استلمت شيء قالوا الإداره ارسلوا ايميل يطلبون صور للسياره مع اني معطيهم الصور من يوم قدمت اوراق المطالبه قلت ماهب مشكله وجيت وارسلت لهم الصور ع البلوتوث لجهاز الموظف جيتهم قبل اسبوع قالوا والله ماجاء شيء طيب ياناس انا اوراقي كامله لييييييييش هالمرمطه ابي افهم ليش قلة الحيا هذه قالوا المشكله من الإداره فالخبر وكلمت اللي فالخبر ويقولون خلاص الشيك صُدر وانتظرت ولا صار شيء دخلت على مدير المطالبات وللاسف طلع لبناني وانا توقعته سعودي قلت " لعل وعسى ينتخي " قلت له عن موضوعي وقام يمثل قدامي انه يكلم ويحرص على الاداره عشان يستعجلون بالشيك جيتهم يوم السبت اللي فات قالي خلاص الثلاثاء تجي تستلمه وجيته اليوم الاثنين تأكيدآ لموعده لي يوم الثلاثاء على اساس يستعجل وبنفس الوقت هددته اذا مااستلمت شيكي يوم الثلاثاء راح ارفع شكوى لمؤسسة النقد  مع اني شاك مرح يسوون لي شيء غير جلسات ورى جلسات  لكن وش اسوي من الغبنه !
مااحد ينصفنا ولا احد يناظر لشكاوينا قبل لا اطرح موضوعي هذا بحثت في قوقل وللاسف لقيت الاف الشكآوي الموجهه لمؤسسة النقد دون الوصول الى نتيجه .. اُصبت بإحباط مُبكر والله المستعان ..

سؤالي هنا للمرور : ليش تلزمون المواطن بالتأمين على سيارته( إجباري ) وبالمقابل ليش ماتلزمون شركات التأمين بدفع مبالغ التعويض بالمده المحدده ؟!


سبب موضوعي والله ماهوب تنفيس للروح ولا زيادة عدد مواضيع لكن نستفيد من تجارب الشباب واحتمال يٌستفاد من موضوعي ..


اسم شركة التأمين المماطله : ولاء walaa

http://img03.arabsh.com/uploads/image/2012/10/15/0d35424361f502.jpg

http://www.webpagescreenshot.info/i/224273-1015201292621pm.jpg

هذه الصور هي صور مراجعتي للشركه وانهم استلموا الاوراق بتاريخ 5/9/2012 وجيتهم مره وسويت
لهم قروشه قلت سيارتي واقفه من يتحمل قيمة اجار السياره اللي مستاجرها قالي صلحها قلت لا اخاف
اصلحها بعدين تقولون لي ليش صلحتها عطاني ورقه ووقع عليها وكتب لامانع من اصلاح السياره .. واخذت
الورقه وسحبت ماصلحتها لين مآاستلم الشيك وآلله المستعان :(

إبلاغ

الردود