أضف سؤال أو موضوع جديد          

لصوص ورش السيارات

up 19 down 4
صمناعي 115
قبل 2 سنه و 3 شهر



السلام عليكم ورحمة الله وبركاته
اخواني الكرام ......
احب انبهكم على نوع من انواع الحراميه اسمهم لصوص ورش
السيارات
يمكن يزعلون مني اصحاب ورش السيارات ويعطوني دسلايكات
كثير....
لكن انا ما عندي مشكله من الدسلايكات اللي تجيني منهم لاني
ادري ان الفعل لازم يصير له ردة فعل والا مايكون فعّال
وخصوصا اذا كان الفعل حار شوي 
واهم شي الواحد يقول اللي يعتقد انه مفيد للاخرين ويتخلص
من عقدة اللايك والدسلايك ...ومسألة النقاط
لصوص الورش اللي انا اقصدهم شي اكيد وواقع نعيشه انا
وانت وانعاني منـّه جميع لكن للاسف مانقدر نغير من هذا
الواقع شي ..
وانا مريت معهم بمواقف وتجارب واكيد فيه غيري كثير مر
بنفس المواقف والتجارب واكثر لكن انا ذكرت بعض اللي
رأيت و سمعت وغيري يمكن يكون فضّل السكوت ..
وانا احب اذكر لكم بعض طرق لصوص الورش من خلال ما
رأيت ومن خلال ما ذكر لي بعض الميكانيكيين اللي يخافون
الله وانا واثق من كلامهم ولا احب اذكر جميع ما عندي حتى
 ما اطول عليكم اكثرمن اللازم..

١- المكانيكي اللص يمكن يشخص لك بسيارتك عطلين او
 اكثر وسيارتك في الحقيقه ما فيها الا عطل واحد ويوهم لك
انه صلح لك جميع الاعطال وياخذ منك مبلغ اكثر من اللازم.

٢ـ ايضاً يمكن يشخص لك عطل بسيارتك وسيارتك اصلاً
 ما فيها اعطال لكن لاحظ عليك متوهم عطل  معين يقوم
على طول  يستغلك  يفك  ويربط  قدامك علشان يقنعك انه 
 ايصلح وهو يمثل عليك .

٣- قد يطلب منك قطع غيار اصلي (وياحرصهم على الاصلي)
ويركب لك قطع تجاري ويسرق القطع الاصليه من غير ما
تدري وتطلع من عنده مبسوط وهو ايضا مبسوط اكثر منك.

٤- ممكن يطلب مجموعة من القطع اربع خمس مثلا وسيارتك
ماتحتاج الا قطعتين فقط يركب لك قطعتين ويسرق الباقي .

٥ـ يمكن يطلب منك قطع جديده ويفك القطع القديمه ويرميها
قدامك يوهم لك انها خربانه وهي سليمه وبعد ما تروح عن
وجهه يرجع ينظفها ويبيعها كقطع تشليح .

الطريقه السادسه والاخيره وهي اخبث ماتوصل اليه لصوص
الورش... 
وانا ماانسى ورشه كانت موجوده عندنا بالبلد شغاله شبه ٢٤ س
على شكل ورديات ما يسكرون الا نص الليل والشغل عندهم
حامي والسعر مغري والاخلاق احلى من العسل والناس عليهم
زحمه اخر شي تم ضبط الورشه والعماله اللي فيها والتهمه انهم
كانو يلعبون بسيارات الخلق يسرقون منها قطع اصلي ويبدلونه
بقطع تجاري والناس ببيوتها نايمه ماتدري عن شي ماغير
ينتظرون سياراتهم تخلّص علشان يجون يستلمونها..

يا اخوان هذا الكلام اللي ذكرت لكم ما ينطبق جميع الورش
لكنه موجود وكثير..
وانا افضل اذا احد منا قرر يودي سيارته الورشه ما يرميها
ويمشي ويقعد يتصل من بعيد ..لا  خلك مع سيارتك ..خلك 
حولها ..راقب.. تابع ..انتبه ..وعساك تسلم

والمعذره على الاطاله .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

ازيد انوه قلة الخبرة برضو لها دور ،،مو شرط اذا قالك جيب اكثر من قطعة انه معناته يبغ يسرق ،،،بس هو مش عارف فين العطل بالظبط ويغير اكثر من قطعة حتى تصادف القطعة الخربانة ،،، وغير لك قطع باقي ممتازة  


up 4 down 2
ابو حسين.......... 1024
قبل 2 سنه و 3 شهر



المشكلة الأساسية فينا الثقة الزايدة والاتكالية

إذا تركت سيارتك في الورشة وطلبت منه يشتري لك قطع فلا تلومه لأن المال السايب يعلم السرقة

وطبعاً ما أعمم فيهم شرفاء ومحترمين ولكنهم قلة


up 3 down 0
مفقود 940
قبل 2 سنه و 3 شهر



عموما..ان سرق من هنا..بترجع عليه من مكان ثاني..لازم يجيله يوم وياكل هوا..لكن الواجب ان الواحد يحرص..ويسال..( اذا ماارتحت ل ورشه او شخص او او او . . . لاتروح له ولا تصلح عنده مهما كان)


up 1 down 1
.ابوظافر 49
قبل 2 سنه و 3 شهر



يفضل قبل الذهاب لاب ورشة لإصلاح اي عطل اخذ خلفية عن نوع العطل في السيارة من قووقل حتى تاخذ وتعطي مع راعي الورشة
لان البعض اذا اخذت واعطيت معه في الكلام عن العطل رح يظن ان عندك خلفية في الميكانيكا و يتراجع عن النصب والاحتيال


up 6 down 0
ryyan555 701
قبل 2 سنه و 3 شهر



الكلام يكثر ويطول في هالامر من نصب واحتيال الورش 
لكن الغش والنصب عباره عن ( دين ) ولابد يقتص لك الله بقوته وجبروته من اللي غشك 
فكما تدين تدان ولو بعد دهر من الزمنِ .. كفانا الله شر الورش ونصبهم واحتيالهم 


up 4 down 1
nasser1430 871
قبل 2 سنه و 3 شهر



مره حصل عندي عطل بسيارتي ورحت اكشف عند ثلاث ورش
تخيلو.. كل واحد عطاني تشخيص يختلف عن اللي قبله


up 2 down 0
صمناعي 115
قبل 2 سنه و 3 شهر



انا احط على كل قطعة كهربائية او ميكانيكية 

في سيارتي قبل ادخلها الورشة علامه او شخطه 

بمكان مخفي واعرف اذا انه انفك شي وتبدل بتجاري 


up 3 down 2
qahtani.505 328
قبل 2 سنه و 3 شهر



اللي يقول اترك السيارة وتعال بعدين عنده مصيبة


up 1 down 0
mfh2009 337
قبل 2 سنه و 3 شهر



نصيحه قالها لي ميكانيكي
اللي يقول اترك السياره وتعال بعدين اعرف انه سرقك
مره يقولي جاه واحد سبك علىfj واضح انهوم يدل بالمواتر شي
كان موتره يتفتف خرابه بواجي
قام حط له مويه مع الزيت لين المكينه بدت ترجف قاله يبيلك ماكينه ب ٨٥٠٠ قاله ركب ويوم راح فك الثره وبدل الظيت والسيفون والبواجي والسياره اشتغلت زي اللوز ولهطه ٨٥٠٠


up 0 down 0
عبدالله.97 9
قبل 2 سنه و 3 شهر



الصره* الزيت*
اعذروني قاعد اكتب بسرعه


up 0 down 0
عبدالله.97 9
قبل 2 سنه و 3 شهر



زبدة الكلام لازم تعرف المشكله بالضبط عشان تحمي نفسك من السرقه
ثانيا خله يركب قدامك القطعه مع الشرط اذا ماراحت المشكله ماتدفعه له ريال ويرجع كل شي مكانه
ثالثا والكثير ورطنا فيه خذ القطع القديمه وارمها اقرب درام ممكن يبيعها غيرك وتحمي نفسك وغيرك من الغش
رابعا الجاليه الفلبينيه في نظرياكثر العماله امانه في الشغل


up 1 down 0
abojpl 372
قبل 2 سنه و 3 شهر



اذا غيّر لك المكانيكي قطع بسيارتك انصحك لاتترك
له القطع لسببين :

الاول : قد  يكون المكانيكي هذا من اللصوص اللي
ذكرت بالموضوع فوق ويصيرغيّر لك قطع سليمه
علشان يسرق القطع المفكوكه .

الثاني : يمكن المكانيكي هذا ما يكون لص لكن قليل
الخبره (عليمي) وغير لك قطع سليمه وخسرك  شي
ماله داعي وقطع الغيار اليوم نار والظروف صعبه .

وانا عندي ما فيه فرق بين الاثنين اللص والعليمي
لكن الاول يخسرك عن خبث والثاني يخسرك عن
جهل وغباء وبالنهايه انت الضحيه .

صدقوني يا اخون اللي يجمعمون لصوص المكانيكا
من النصب والاحتيال على الناس اضعاااااااااااااااااااااااااااااااااااااااااااااف
اللي يجمعون من عرق جبينهم .

نصيحتي مره ثانيه لاتترك له القطع خذها وافحصها
لا ترميها حتى تتأكد منها ....مايكلفك شي .

وسلامة الجميع



up 0 down 0
صمناعي 115
قبل 2 سنه و 3 شهر



حراااااااامية ما يخافون الله
والله مهوب موفقهم تشوفهم يكد ليل ونهار ويسرق خلق الله و بعد كذا تلقاه تعيس فقير مريض


up 0 down 0
vipbvip 9
قبل شهر