أضف سؤال أو موضوع جديد          

اختلفت ثقافة الناس في استخدام السيارات

up 20 down 12
a.ibrahem 3167
قبل 3 سنه و 5 شهر



السلام عليكم ورحمة الله وبركاته

اسعد الله مساء الجميع او صباحه

موضوعي اليوم يتكلم عن اختلاف ثقافة الناس في استخدامهم او اقتنائهم للسيارات مابين جيل الاولين والحين

يعني اول تحصل الواحد عام 95 ولا 97 يشتري سيارة موديل 82 ولا 84 ويكدها عشر سنوات قدام ويحافظ عليها كنها وكالة
في الوضع الحالي جديد 2018 موديل السنة يعامله مثل مايعامل 2001 في الاستخدام طبعاً وش سبب تغير ثقافة الناس في الاستخدام هي بكل بساطة الآتي

1- سهولة حصولهم على السيارة الموديل الحديث بغض النظر عن نوعية الشراء سواءً قرض او ايجار منتهي بالتمليك او سلف او شركة الخ ....

2- تشيع عبارة او مفهوم لدينا للأسف انا ضدها 100% واشوفه يوم عن يوم جالس يكبر اللي هو مفهوم السيارة 5 سنوات وبعدين بيع وما عاد تنفع للاستخدام

3- عدم احساس اصحاب السيارات الجديدة بالمسؤولية وتقديرهم للنعمة اللي هم فيها يعني من اول اللي يطلع وكالة خطر ينوم جنبه من خوفه عليه واهتمامه فيه الحين وكالة تلقاه مرقيه رصيف وعادم اذرعته ويالله على الاستخدام والمحافظ ماحولك احد

طبعاً انا بقولكم وش النظرية اللي استندوا عليها الناس هذي اطلع جديد مثلاُ بقرض ولا ايجار منتهي بالتمليك احلله والعب فيه واستخدم مثل ما ابي ما اغسل ما اغير زيت بانتظام وعقب خمس سنين ابيعه بخرده وحللته وهو جديد ووسعت صدري وادفع قيمته دفعة اولى واطلع من جديد وعلى هالموال

ولا يقهرك الا اللي يجي يقول احافظ لغيري طيب انت ماتدري وش الظروف تصير لك عقب كم سنة يمكن تحتد تجلس على الموتر ذا غصباً عليك


بعضهم يجي عقب خمس سنين صار له ظرف ماعاد يمديه يشتري موتر ولا جاه التزام ثاني بيت شي ثاني ويبلش ويقعد بذي وهي خرده من ورشة لورشة ويسب ويلعن الشركة اللي صنعتها والموتر ولا يظطر يبيعها بتراب الفلوس ويشتري صغير موديل احدث عشان يفتك من الخرابات


طيب هالسيارة ماكانت بين يديك نظيفة انت اللي دمرتها وعشان كذا انتهى عمرها الافتراضي بدري


ولا يجيك بزر مابعد خط شنبه وابوه ضعيف الله مايبيه يصير اقل من غيره وشراء له جديد او حتى لو ابوه في نعمة وشراء له جديد قام يلعب فيها على أمل اني خمس سنين بكون توظفت واطق من راتبي انا طيب هالسيارة ممكن نظطر نعطيها اخوك اللي توه سايق نستخدمها للبيت أي شي وهذي اشوفها غلطة الاباء اللي يشوف عياله كذا ويسكت عنهم


أما اللي موظف او كبير وشاريها من فلوسه هذا بسلامته في النهاية هو اللي بيحتد بعدين ويعابل بمصيبته


فهمتوا ليش الحين من الصعب نحصل موتر مستعمل نظيف هذا باختصار ، وتبون تحصلون سيارات 2005 ولا 2006 نظاف مثل امريكا ومثل غيرها مستحيل
لكن مانقول الا الله يعين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله وانا اخوك عدم الاهتمام انتشر بشكل كبير ف كل شيئ
ف سابق كان فيه حرص من الآباء على تعويد الابن على تحمل المسؤوليه ف التعليم أو ف كيفية المحافظه على الأشياء
لكن ما قول الي الله يستر على الجيل الحالي


up 3 down 1
محمدالحربي 4490 53
قبل 3 سنه و 5 شهر



اول كانت السيارات بيدين الكبار والعقال اكثر من صغار السن 
والمراهقين
اليوم المعادله تغيرت و صار العكس هو الصحيح .
ولا فيه شي اضر على السياره بعد الحوادث من صغير السن المراهق
ولهذا الناس تفضل تشتري السياره من شخص عاقل وكبير وتزيد له
بالسعر على غيره
اذاً المعادله اللي ذكرت يمكن تكون سبب من الاسباب اللي تخليك ما
تحصل سياره مستعمله ونظيفه الابصعوبه .



up 4 down 1
صمناعي 115
قبل 3 سنه و 5 شهر



سبب الأهمال وعدم الاكتراث سهولة شراء السيارة من الوكالة بالتأجير المنتهي بالتمليك اضافة إلى التأمين


up 1 down 1
مفقود 955
قبل 3 سنه و 5 شهر



والله كلامك صحيح ماعليه شي لكن احب اضيف عليه شي مهم هو " النفسية " لأنه احيانا تشوف واحد متهور و عقله ضارب لكنه رايق ويمشي برواقة واذب
وغالباً مع الأسف وعلى اتفه الأسباب تلقاه عصب وجلد ام الموتر وبعضهم يسوي حوادث والا ياكل المطبات
وقليل تلقى احد ماسك اعصابه ولايعرف يتهور
يعني الإحترام في الشارع شبه معدوم

طيب ياخي حافظ على صحتك اولاً ثم سيارتك ثانياً وفي كل الأحوال ترى اللي استفزك هو الغلطان والخسران لاتفكر المرجلة انك تطرد وراه وتهاوشه


up 3 down 1
chevrolet zr1 611
قبل 3 سنه و 5 شهر



اليوم غير عن زمان 

احوال الناس تغيرت  و المسؤوليات زادت .  الأمريكان يحافظون على سيارة مثل عيالهم بالظبط مثلا شفت سيارة موديل القديم نقول 2001
 وفيه فيديوهات على اليوتيوب كثير والله تشوف السيارة بلمعتها تقول توها من الوكالة طالعة لا خدوش ولا نقرات ولا شي
حتى التواير وانتم بكرامة ملمعة.   

انا الحمد لله رب العالمين ماخذيت السيارة الا عقب ما تخرجت من الثانوية و كان وقتها الباث موتري استخدمه الوالد سنة و خذته انا و من

يومها الى اليوم و السيارة على يدي ما شاء الله تبارك الله.  ودي اطلع جديد بس ظروفي الان ما تسمح لأني قاعد سنتين أدور وظيفة  و الحمد

لله ممشي  أموري بها لين رب يفرجها و يرزقني من عنده بالأحسن.  و السيارة ما شاء الله عليها ما مقصرة معي و عشان كذا قلت احافظ

عليها لين ربي يرزقني.  و المحافظة على السيارة تعلمتها من الوالد لا وانا كل فترة ارجع لكتيب الوكالة و اشوفه مرجع. 

سواقتي تعلمتها من الوالد دلة طبيتها للتقديم  و خذيت درس واحد بس و المشوار اللي بعدها الاختبار و الحمد لله توقفت و خذيت الرخصة

من مرة واحدة. 


up 4 down 1
بدر الباثفايندري 1125
قبل 3 سنه و 5 شهر



كلامك صحيح .. الواحد يطلع سيارة وكالة هذه نعمة يجب أن يشكرها و يحمد الله عليها ، كنا نتحلم بشراء سيارة وكالة في الثامنينات و التسعينات ، والآن في دول عربية الحلم عندهم وصل لشراء سيارة قديمة مستعملة ... برأيي أكثر الناس تشتري سيارة وتقعد معهم 5 سنوات ويبيعها لأن عمرها الإفتراضي انتهى بسبب كرفه للسيارة ، وعندنا الجو ما يرحم ويعدم عليك السيارة بشكل أسرع ويقلل عمرها الافتراضي وهذا يخليك كل إسبوع تروح للورش وتصليح واستنزاف فلوسك بتصليح الخرابات وهدر للوقت ، فالحل هو بيعها وشراء سيارة جديدة وكالة بنظام الأقساط أو الإيجار وما عليك إلا البنزين والزيت خلال 5 سنوات


up 2 down 1
abb20 53
قبل 3 سنه و 5 شهر



محمد الحربي 4490

شاكر لك مرورك ولا شك ان الاباء جزء كبير مثل ماذكرتها انا في موضوعي *وهذي اشوفها غلطة الاباء اللي يشوف عياله كذا ويسكت عنهم* لكن انا اتكلم من جانب السيارات فقط بحكم ان المنتدى مختص بالسيارات وموضوعي عن السيارات لكن اذا بنتكلم عن التربية وتحمل المسؤولية عد واغلط لكن مانقول الا الله يصلح الحال

صمناعي

الحين بيني وبينك حتى الكبار بكبرهم ماعاد يحافظون حنا نشوفهم بعيونا يشغل في عز الشتاء مايخليه ثانيتين يعشق ويمشي الزيت اشوفهم في البناشر وش ارخص شي يعني هي مهيب مختصرة فقط على السواقة حتى الاهمال في الصيانات وتركيب اردى شي

مفقود
شاكر لك مرورك وكلام سليم

شفروليهzr1

شاكر لك مرورك واضافة جميلة

يابدر الباثفايندري

حنا ماقلنا نبي مواترنا مثل امريكا تلامع بديها وكفراتها ملمعه هذي ماهمتني مظاهر لكن نبي نلقى شي نظيف على الاقل مهب القاه صادم ومربط لي الصدام بمسامير تسليك والرشه أي كلام اجي اسوق الموتر عضلاته تراقل وهو ماصار له كم سنة طالع من الوكالة يعني بالعربي نبي المحافظ الطبيعي بس مانبي زود لكن للاسف في السوق ما تلقى الا دمار

abb20

احترم وجهة نظرك لكن اختلف معك في نقطة كل اسبوع تروح للورش وهدر فلوس انا اقولك ما يروح للورش الا اللي كان مهمل بزيادة او يركب ردي يمشي حاله لكن مافيه احد يستعمل طبيعي ويركب الشي اصلي وفي محله وكل شوي مسير على ورشة ترى حنا نستخدم مثلنا مثلهم ما اشوف مواترنا دخلت كل اسبوع ولا كل شهر ورشة

تحياتي لكم جميعاً وشاكر لكم مروركم
موفقين


up 1 down 0
a.ibrahem 3167
قبل 3 سنه و 5 شهر



كلامك كله صح
وسبحان الله ممكن تحصلك كورولا تسعينات سايقها هندي وماشي فيها بخطوط وتلاقيها وردة
وسيارات موديل السنة تلاقي فيها اعطال عجيبة
وزي مانت قلت طريقة الاستخدام ليها عامل كبير في الموضوع
انا اعرف استاذ سوداني شيبة وعنده كرسيدا 88 بوكس
ومرة ركبت معاه السيارة ورغم ان مساحة الكريسيدا البوكس معروفة ولكن مكيفها ثلاجة ويبرد من اول مااشتغل المساحة كلها والسيارة محافظ عليها وكل شئ فيها سليم
واي عطل بسيط علطول يروح يصلحه


عن نفسي انا ماشي بالسيارة اكثر من سنة والدودة خربانة ^_×



up 1 down 1
mohammad 13 523
قبل 3 سنه و 5 شهر



قديمك نديمك . لو تحط زيت عافيه في المكينه ماضرها تمشي , اما الجديده حساسه وألمنيوم ودري ايش ,


up 1 down 0
فهد ابن حسين 65
قبل 3 سنه و 5 شهر



صادق لاكن سيارات اول تختلف على الحين
اول اجدادنا كرفه ومن ديره لديره والخطوط تعبانا وتحصلن نشيفة
عكس الحين كله اجهزة وكراتين


up 1 down 0
خالد الصاعدي 59 10
قبل 3 سنه و 5 شهر



صادق لاكن سيارات اول تختلف على الحين
اول اجدادنا كرفه ومن ديره لديره والخطوط تعبانا وتحصلن نشيفة
عكس الحين كله اجهزة وكراتين


up 1 down 0
خالد الصاعدي 59 10
قبل 3 سنه و 5 شهر



خالد الصاعدي وفهد ابن حسين 

مهب كل سيارات الجيل الجديد سيئة فيه سيارات مشهود لها بالعملية وكويسه ولو تحافظ عليها عاشت معك 10 سنين بالراحة ووصلت الى 400 لو تبي الى 500  بدون مشاكل عويصه ماقلنا نبي ملايين مثل اول عشر سنين اشوفها طيبة 


لكن البلا في اللي مايعرف يختار سيارات ويشتري مواتر عشان شكل وعشان عزم واخرتها من ثاني سنة تكفون ياشباب تعطل عندي كذا ووديته كل ورشة ماعرفوا له والمنتدى يشهد باستفساراتهم





up 0 down 0
a.ibrahem 3167
قبل 3 سنه و 5 شهر