تغير زيت القير امبالا
13
0
إضغط هنا للإخفاء
السلام عليكم
كما هو موضح في العنوان
تغير زيت القير للامبالا الكثير متخوف منه و الكثير يستفسر عنه
و انا الان بعطيكم تجربتي لتغير زيت القير لامبالا ٢٠١٦
اولاًً : رحت الوكالة يقولون الزيت ما يتغير و جانا قرار بعدم تغيره
و اذا مصمم انك تبي تغير يخلونك توقع على ورقة تحمل مسؤلية لو صار شيء للقير
ثانياً : رحت الى اي سي ديلكو و قلت للموظف الكلام حق الوكالة قالي كلام فاضي مافي زيت يعيش طول عمر السيارة
و قلت هذا الكلام الي كنت اتمنى اسمعه ولاكن للاسف ما يغيرون هم
ثالثاً : لو تفتح الكتالوج تحصل مكتوب انه يتغير زيت القير على ٧٢ الف للظروف الشاقة مثل الغبار
و حرارة الاجواء الى تزيد عن ٢٥ درجة و الاستخدام العسكري. عاد من زين استخدامنا اشق من الشاق ههههههه
ندعس فجئة و زحام الشوارع و حرارة الاجواء عندنا في جدة تصك ٤٥ درجة الحرارة و رجل عن رجل تختلف
عشان كذا خلك في السليم غير كل ٥٠ الف و اذا مرره ٦٠ الف منت خسران شيء دام الشغلة كلها فك الصرة خلي القديم يطلع و تقفل و تعبي الجديد
يعني الامور سهاله يعني لمن تغير على ٥٠ الف يكون استهلكت الزيت بنسبة ٦٠ او ٧٠ ٪ لاكن لمن تكون ماشي ٨٠ او ٩٠ الف كذا انت
استهلكت الزيت بنسبة ١٠٠ او ٩٠ ٪ و عديت الممشى المكتوب الي في الكتالوج عشان كذا البعض يصير عنده نتعه او يخبط القير و البعض ماشي اموره
رابعاً : الان ندخل الى طريقة التغير و على كم غيرته و نوع الزيت و كم علبة و السعر و مكان التغير ...
طريقة التغير سهله جداً تفتح الصرة مسمار صغير في نصف القير من تحت واضح و تطلع القديم و تقفل و تعبي الجديد من فتحة العيار و الفلتر ما يتغير يجي داخلي يعني وقت التوظيب يتغير فقط
يعني الشغله سهله جداً يمديك تسويها بنفسك
غيرت الزيت على ٥٠ الف
نوع الزيت اي سي ديلكو DEXRON - VI او دكسرون ٦
تحصل نوع الزيت مكتوب في الكتالوج او على الغطاء حق العيار
اخذ القير ٥ علب و نصف
كلفني الزيت مع التغير ٢٧٣ مع الضريبة
مكان التغير في العالمية لصيانة السيارات شغلهم مرتب و مخصصين للامريكي اكثر شيء
و هذا تجربتي لتغير زيت القير الامبالا ٢٠١٦ و طبعاً كنت متخوف ولاكن توكلت على الله
و مافي زيت في السيارة ما يتغير جميع السوائل الي في السيارة تتغير
و ان شاء الله ما طولت عليكم كنت اتمنى انزل صور بس مو راضي
و ان شاء الله الجميع استفاد
و بتوفيق للجميع
مع السلامة
إبلاغ
الردود
انا غيرته في التوكيلات العالميه وقت ما كانت السياره ع الضمان وما طلبوني
اوقع على ورقه..صحيح في البدايه قالوا ما يتغير زيت القير لكن انا أصريت عليهم الا يغيرونه.
0
0
و هذا كلامهم لي تقريباً قبل اربع اشهر
انه ما يتغير و اذا بغير اوقع على ورقة تحمل
0
0
0
0
سالفة ان الزيت مايتغير مستحيلة منطقا
المهم تاكد من نوع الزيت حسب الكتلوج وياخذ تقريبا 5 علب
اشتري زيت اصلي من الوكيل وغيره عند البنشري كلها صره يفتحها ومافيها فلتر يتغير الا عند التوضيب
0
0
azzoz1211
رافقتكم الســـــلامة.
قبل 6 سنه و 11 شهر