أضف سؤال أو موضوع جديد          

سرق جنوط السيارات بالرياض

up 2 down 0
salom18 17
قبل أسبوع و 5 يوم



السلام عليكم ورحمة الله وبركاته
الموضوع ياجماعة الخير يتعلق بسرقة جنوط السيارات مثل ما تشوفون بالصور انا ساكن في الرياض حي المونسية بالقرب من الفحص الدوري
خلال شهر واحد ثلاث سرقات  هذي الي دريت عنها غير الي ما ندري اكثر وش الحل مع هالمجرمين الي ما يخافون الله حسبي الله ونعم الوكيل فيهم اتمنى تعطونا حلول وياليت الشرطة تهتم بالحي هذا وتمسك هالمجرمين الي خسرون الف مؤلفه 
وشكرا لكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحلول تطبيق شرع الله قطع يد السارق ما بيتجرأ غيره على السرقه
لكن لو مسكوه ينسجن شهر و يطلع
ليتهم يسرقون لحاجه أكل مثلا نقول مجبورين
لكن سيارات للتفحيط و جنوط للبيع و اسطوانات غاز و غيرها


up 7 down 3
صالح بن محمد. -10
قبل أسبوع و 5 يوم



الحل على المواطن استشعار المسئوليه وتركيب كاميرات على كل منزل والله ان تقل السرقات بشكل ملحوووظ
مع الاسف اصبح البعض من الشباب يخاف من العقاب ولا يخاف من الله ...
اسأل الله ان يصلح شباب المسلمين


up 5 down 6
الـقـنـاص 1018
قبل أسبوع و 5 يوم



الوقت الحالي تقريبا كل الصيدليات عليها كاميرات مراقبه
و يتم سرقتها وهم يعرفون انها مراقبه ووجيههم واضحه
حتى البقالات اغلبها مراقبه و يتم سرقتها
الحل قطع اليد او صرامة العقاب شهر شهرين ماهو حل
الحل تشهير و سجن سنوات
المشكله تعاطف الناس مع المجرمين
يقتل شخص اخر بسبب تافهه و يطلبون دية ملايين و الناس تساعد و تدفع
و قبل شهر او اقل راعي سوابق هنا بالمنتدى نزل موضوع يبي حل يشيل السابقه او يستفسر عن مدتها و هي مخدرات
و الاعضاء رفعوه باللايكات كأنه حرر فلسطين


up 6 down 3
صالح بن محمد. -10
قبل أسبوع و 5 يوم



اسال الله ان ينتقم منهم ولايوفقهم لا دنيا ولا اخر اذا هربو من العقاب في الدنيا ما بيروحون من ربي
طيب الحلول الي ممكن الواحد يسويها عشان ما يكررون العملية حتى يستفيدون الناس 


up 3 down 0
salom18 17
قبل أسبوع و 5 يوم



ركب لك صامولة قفل على الجنط والقفل معك بجيبك لاتحطه ف السياره والا خبه في مكان والله يعوض
وايضاً ركب كاميرات على موقف السياره ، 


up 6 down 0
wooow.r 156
قبل أسبوع و 5 يوم



اتوقع تقصد المونسيه( عند شقق العزاب) او حولها..كنت ساكن هناك..للاسف المكان نفسيه وتنسد نفسك منه اصلا لو تزور لك صديق او اي احد هناك..


up 3 down 2
.ابوظافر
قبل أسبوع و 5 يوم



الحل بدال ماتفر الدوريات على الشوارع العامه تفر داخل الحواري ويكثفون عددها خاصه بعد 12 بالليل

لكن نظام بايخ تحصلهم متمركزين اخر شارع عام ومشغلين السفاتي يعني اللي معه شي اهرب قبل لاتجينا


up 3 down 1
abdulaziz al-malki 966
قبل أسبوع و 5 يوم



عندنا في شرق الرياض الاحظ أكثر سرقات السيارات تصير للكامري و الأكورد ... الحل : تركب قفل على الجنوط + وضع أجهزة تعقب داخل السيارة + تركيب جهاز إنذار بالسيارة + تركيب كاميرات مراقبة على البيت


up 4 down 0
abb20 42
قبل أسبوع و 5 يوم



لتبتعد عن وجع الراس وبدل كاميرا مراقبه وإلا تبليغ شرطه وغيره ركّب صواميل سيفتي

وهي صاموله مايقدر يفكها من يبي يسرق الجنط


up 2 down 0
jakwar2004 229
قبل أسبوع و 5 يوم



صواميل السيفتي احسن حل
حتى وصلت انهم الان بيسرقو الجنوط البلاستيك اللي تكون راكبه على العجل
سيارة جارنا حاول الحرامي يسرقهم ما نفع لانهم مثبتين ف براغي العجل نفسه ,, كسرهن الاربعه وهو يحاول وما قدر ياخدهن


up 0 down 0
moo3tazz 166
قبل أسبوع و 5 يوم



ركب صوامير سفتي و بيسرقون الاستبنه نفس الشيء
ركب كاميرات و بيسرقون اللي يبون بيجون بسيارة مسروقه اصلا
ما فيه عقاب صارم ما راح توقف السرقات


up 1 down 2
صالح بن محمد. -10
قبل أسبوع و 5 يوم



طبعا في حل يا اخوان وعن تجربه
خوي عنده فله ومركب كاميرا كبيره وموجها قدام سيارته والكاميرا واضحه وضوح الشمس وكبيره جدا
وهوا قاصد ان اي احد يشوفها عشان يخاف ويقول ركب جهاز انذار اي لمس بالسياره الجهاز يرسل رساله لجوال
صاحب السياره وعلى طول يطلع يشوفها ويطمن او جهاز انذار لمده 3 دقايق ويطفي

الحل النهائي يسويله جراج ويفك عمره


up 0 down 1
فـــ9ـــد 353
قبل أسبوع و 5 يوم



ركب صواميل بأقفال


up 2 down 0
مفقود 760
قبل أسبوع و 5 يوم



في امريكا يرمون سيارت بشوارع ويخلونها مشغله او المفتاح عليها يجي السارق اول مايمشي تطفي وتقفل عليه

كذا علىالاقل اذا ما انتهت السرقات الا انهم خففو منها هنا ي يقولك هاذي غلطتك مخلي السيارة شغاله وكانه وجود سياره

مشغله هاذي يسمح بسرقتها
عندنا للاسفما فلحو الا كيف يطلعون المخالفات كاميرات وسريات وبرامج جوال اما السرقات ماعندك احد


up 1 down 2
abo3edh 301
قبل أسبوع و 4 يوم



اجل تبي الدوله تتحمل كل غلطاتك طال عمرك..اهمالك تتحمله انت..والدوله تقوم بعاقبة المجرم..مش معقول انك تخطي وتهمل حلالك وتشغل الدوله بجنوطك وكفراتك..


up 1 down 7
.ابوظافر
قبل أسبوع و 4 يوم



تركيب صواميل الامان اللي معها قفل يساعد على منع المجرمين
وتركيب جهاز انذار يساعد ايضا لكن مزعج لك وللجيران مع كل حركه
الله يكفينا شرهم ويهديهم ......يا رب



up 1 down 0
لا للغلاء 478
قبل أسبوع و 4 يوم



أول شيء تعريف السرقة في الشرع هو " أخذ مال على وجه الخفاء من حرز مثله " يعني أخذ المال المحفوظ بخفاء أما المال الغير محفوظ ما يسمى سرقة بل يسمى اختلاس لذلك وجب التنويه



up 0 down 3
أبو تمام 1 232
قبل أسبوع و 4 يوم



الله لايوفقهم لو يقطعون يد السارق مالقيت احد سرق عندك يالغالي حل مامنه ثنين في بمحلات الزينة او بموقع حراج صواميل للكفر شكلها يختلف ماتنفك الا بمفتاح تقدر تكب كم واحد على الاربع كفراتعلشان تضمن مايطلع الكفر مرة وتضمن شيئين فيها بصماتة على الجنط والكفر ماينسرق مرة


up 1 down 0
talk to the hand 17
قبل أسبوع