اقتراح يفيدنا اوقات ذهابنا للورش
13
0
إضغط هنا للإخفاء
السلام عليكم
عندي فكره بتفيدنا كملاك للسيارات وتفيد ملاك الورش الخبراء بعملهم وليس السباكين
قبل لا ادلي بدلوي انا عارف ان فيه ناس تصلح سياراتها ببيوتها وشغلهم افضل من اطلق ورشه بالصناعيه وهذولي خارج موضوعنا
بس انا اتكلم عن الي حادته الضروف انه يروح لورشه منهم الي ما يقدر يشتغل على سيارته لسبب ما
ومنهم الي ما يعرف يشتغل على سيارته ويحب يعتمد على الورشه الخ..
عموما الفكره كالتالي
نقلب الورش مطاعم وانا افهمكم وش قصدي
تكون فيه قاعدة بيانات لكل صناعية
على سبيل المثال نقول صناعية ام الحمام لها قاعدة بيانات مسجل فيها من ورشة (أ) الى ورشة (ي) .
قاعدة البيانات مكونه من تقييم للورشه مع تعليقات على الشغل وتسجل معلومات السياره قبل التصليح وبعد التصليح (العطل وتكلفة الاصلاح + ممشى السياره + الخ..) وتسجل هذي البيانات في المرور
الفايده من التقييم انك ما راح تجرب كل ورشه وتشوف شغلها عشان تعرف الميكانيكي الخبير من السباك وتلقى نفسك خسران مبلغ مالي كبير وخربت كذا شغله بسيارتك لانك بكل بساطه بتشوف التقييم وتعرف اذا ذي الورشه شغلها كويس ولا شغل سباكين
الشغله الثانيه بحكم ان السياره تتسجل معلوماتها هنا بتفيدك وقت شراء سيارة مستعمله لان معلوماتها وتاريخ حوادثها وممشاها بتكون مسجله في قاعدة البيانات وبكذا راح نكسر روس الشريطيه
هذا الي كان عندي وحبيت اشارككم الفكره والي يقدر يوصلها لاحد المسؤولين نكون شاكرين له (:!
والسلام خير ختام
إبلاغ
الردود
والشباب هم الي يضعون التقييم مثل ويكيبيديا
بس لازم رقابة عشان نضمن التقييم الحقيقي
0
1
الموضوع ما راح يفيدهم كثر م راح يفيد صاحب السياره المتعطله وبالنسبه للغشمان الي يتعلمون على سياراتنا م راح يجيهم زباين بسبب التقييم السيء
وبالنسبة للتقييم والمصداقيه اتفق معك بذي النقطه انه راح يكون فيه هامش خطا بس يكون على الاقل مرجع يعطينا فكره عامه عن شغل الورشه
0
0
وبعدين الورش انواع فيه الكشخه خهههه وفيه العاديه
وتختلف اختلاف كبير بالاسعار ..
انا حالياً بالورشه ازبط موتري وبعطيك فرق
امس رحت سعرت تكلفت الاصلاح من باب الفضول ولا انا متفق مع المكانيكي وخالص ع اليوم
عموما قالي السعر ٧٥٠ بعد الخصم
والي انا بسوي عنده ب ٤٠٠
طبعا ام ٧٥٠ هذي كشخه يعني مرتبه وفلبن وكذا ( وللعلم ماهي توب التوب )
والثانيه هنود وعادي وتتوصخ ملابسك
لكن فرق ٣٥٠ ريال بتنفعني كثير
ف الافضل اذا جاء الواحد يسوي موتره مايوقف عند واحد ياخذ له لفه والي يرتاح له ضميره يوقف عنده والافضل يستشير المجربين من ربعه وكذا
تخيل امس مريت ميكانيكي اساله بكم تغير عكوس يقولي وش عكوس ، لين فهمته وتعبت معه قالي ب ٨٠٠ مع قماشات وخرط وزيت قير وفلتره ، طلع اغلى من الورشه الكشخه
وقبل يومين عندي بلاستيكه تحت الباب انفكت وابيلها بلوط والقلص الخلفي يبيله طق شاكوش ، قالولي ١٠٠ وكذا واخرها سويتها ب ٢٠
لازم تلف وتدور ، حتى وانت تتعامل مع ورشه معينه ، خذ لفه قبل تروح له ..
وبالتوفيق للكل ، واخر الاعطال جميعاً
0
0
المشكله الاساسيه مهي بالاسعار
المشكله بالشغل الرديء والتلفيق ومن فتره طويله واسعار الورش الي شغلها كويس غاليه وما ننكر ان فيه خبراء شغلهم توب واسعارهم كويسه بس ما ينعرفون لان المحيط الي حولهم عباره عن سباكين وشغالين بورش سيارات
فسالفة التقييم بتفيدهم وتزيد زباينهم
بالنسبه لي ما فرقت معي اذا كان شغل الورشه كويس ولا مشي حالك لاني ما اروح ورشه الا وانا اعرف وش المشكله بالضبط ولا اخلي الميكانيكي يفك مسمار واحد الا وانا اشوفه واتابع الشغل من بدايته لين ينتهي
بس مثل ما قلت لك اغلبية الي يروحون الورش تلقاهم ما يعرفون بالسيارات وينلعب عليهم وياكلونها وتلاقي الميكانيكي غير مليون قطعه بالسياره وحاس لك الظفيره وعدم لك الدنيا وباقي ما حل المشكله(:!
فملن يشوف التقييم بياخذ فكره عن شغل الورشه على الاقل
اتمنى ان وجهة نظري وصلت وبالتوفيق للجميع
2
0
بس انا علقت عن الاسعار ، لان في ناس تظلمك ع اساس ان حاط ديكور
مثل ماتروح للمطاعم بما انك شبهت ، مطعم كشخه المشوي ب ١٠٠ مطعم عادي المشوي ب ٣٠
قصدي بكلامي ان الواحد يلف اكثر من مكان ويسال ويشوف المشاكل
وفعلا على السباكين ياكثرهم
وفي سالفة الكهربائين الجديده ، لو تجيه ع اقل شيء قالك فحص كمبيوتر ب ١٠٠ او اكثر والسالفه لو فك بواجي وشيك عرفها
وتطلعلك المشكله بوجي واحد مثل ما صارلي ولفيت الدنيا ، واخرها بوجي ههههه
0
0
1
0
2
1
1
0
شوف هي توافيق من الله سبحانه قبل كل شيء
انا رجل اعتمد على الورش , ولا أحب اقعد في ورشة معينة
المهم صديق لي عنده سائق وسوا حادث والضربة كانت شوي قوية . جهة البابين يمين
رحنا لورش النسيم .. ولازم تغيير بابين وجبه من الحاير و و و و و
كلمنا الحاير لقينا بابين 3500 ريال .. نفس اللون يعني ( وشغل يد 1500 )
رحت فرفرت ورشة ورشة محل محل هندي هندي سمكري سمكري
وطحت لك بسمكري هندي محترم ويخاف الله . قال لي اسمكرها لك وبإذن الله تطلع كويسة
ويسمكرها ويرشها بوية ويضبط الباب رجع كأنه وكالة .. وب 1200 ريال
الموضوع يا عبدالعزيز ماهو كذب بس او انه يتغافلك
ألموضوع يبي له برضو خبرة وبال وصبر طويل
1
0
شخصيا احاول اضافة التقييم ساعات العمل لأغلب الاماكن اللي ازورها الشغلة يبيلها مبادرة ونشر
1
0
الموضوع يحتاج جهد اكبر من كذا ولازم مكتب طرف ثالثا في كل ورشة يكون حكم بين الورشة و الزبون
0
0
قبل 5 سنه و 11 شهر