تقسيط لشراء سيارة

و عليكم السلام
بطاقة ساب للتقسيط من مكتبة جرير
مدري كنت ناوي و هونت مصطلح بطاقة ائتمانية لحاله يخوف
في تقسيط عند اكسترا للأجهزة و تسدد عن طريق رقم حساب بالصرافه
كنه اشوى بس لهم حد ادنى حسب الراتب يعني ما يقسطون لك مبلغ على اللي تبي
ممكن اقل او اكثر يبون كشف حساب و تعريف بالراتب و تروح لأي فرع خدمة العملاء اللي بالمدخل

و لو تجمع و تشتري كاش ازين لك الا اذا منحد و على كم جهاز مهو بس جوال

خذ لك ايفون كوبي للعيد اذا بتشخص بدون تكاليف هههههه مزحه و لا تزعل

الله لايهينك اخوي على الرد فعلا كلمة ائتمانية تخوف وتحس فيها نصب لكن الله يغنينا بحلاله عن حرامه وبالنسبة اللي خلاني اسأل لاني اروح جرير وكارفور ومحلات كثيرة كلهم عندهم تقسيط ساب بسعر الكاش مادري وش الحكمه ماودي احك بذمتي لكن اتمنى احد يعرف في البطاقات هاذي يعطينا خبر

والله وانا اخوك ما احب الايفون ولا ادانيه ومن ناحية الظروف ابشرك الامور طيبة لكن فقط استفسار اشوف الاعلان هذا وودي اعرف المغزى منه هل هو مصيدة او وش بالضبط اكيد مافيه شيء بلاش

الله يسهل عليك كل امورك و امورتا

بالنسبة للتقسيط بسعر الكاش
له شروط خاصة و على بعض الأجهزة لوقت محدود
انا اتصلت على بنك ساب و اخذت المعلومات من الموظف

نصيحة لكل شخص يبعد عن الفيزا
هم بيعطونك فيزا فيها راتب وبتقول بس للتقسيط
بس بعدين تبدأ تاخذ منها وتقول برجعها مع الراتب
وبعدين يجيك ظرف وتاخذ المبلغ اللي فيها كامل
وبتقول بسددها اقساط شهريه لين اقفلها
ترا تسديد الاقساط
تدفع 500 ياخذون نصها او ربعها فايدة
كانك تنفخ في قربة مشقوقة

ارجوا الحذر أنا طايح فيها

جزاكم الله خير ادري ان فيها لعب بس حبيت اتأكد او اشوف احد اخذها قبل ولكن يبدو ان الوضع مثل ماذكرتم الله يبعدنا عنها ويغنينا

هي بالاخير فيزا ولو تسدد بانتظام مافيها فايده

الا اذا تعثرت فيها بتبدا الفوايد الموضوع فيه مخاطره بنظري

وينطبق عليها المثل.. من حام حول الحمى يوشك ان يقع فيه.
شوف اكسترا مثل ماقالوا الشباب عندهم اقساط اذا ملزم