المعارض هل هم موزعين متعمدين او مجرد شريطيه

لاتنصدم ياعزيزي 
اول شي لابد انت تعرف وش الفرق بين موزع معتمد ووكيل معتمد 
انت رحت تتفاصل مع الموزعين على اساس انهم وكلاء 
وطبيعي بيقول لك هذا الموجود وركز بكلامه وش قال لك تبي ولا روح الوكالة
يعني هو غير ملزم بتنفيذ طلبك 
لان هو شغلته اصلاً يسحب سيارات بالكميات ويبيع وياخذ فايدته وانتهى دوره 
يعتبر مثل صالات العرض للوكالة بمعارض السيارات وماشين على بارك الله في من نفع واستنفع 
وبعد كذا انت مرجعك للوكالة سواء صيانه او خلل فني  او غيره 

كلام الأخ حسين صحيح
مدري ليه انت مستغرب من كلام الموزع شي بديهي يقول لك هذا الموجود عندي او رح الوكالة

هذول ماهم موزعين
الوكاله تعطيهم مواصفات محدده والوان محدده بسعر منخفض
لأن الوكالات ماترغب ان الناس يشعرون بكساد سياراتهم
فتعطي المعارض باسعار رخيصه  لكن بشرط ياخذ المعرض ٣٠ سياره.   

اعرف موزعين مايوفرون الا المرغوب فقط

يعني مثلا الكامري تحصل ينزل منها لون واحد من فئتين نص فل فتحة سقف ونص فل بدون فتحة كلها لون ابيض والوكالة ماتجبرهم ولا عنده استعداد ياخذ الوان او مواصفات غير مرغوبة وكل موزع يوفر حسب مجاله

ِشاكر لكم ردودكم

انا فاهم وضعهم كدا لكن اسلوب ترويجهم انه موزع للوكيل الفلاني وانه يوفر لك كل المواصفات والالوان وبالنهاية ماتشوف الا الموجود بالمعرض