ما الافضل ؟ شراء الجديد او استخدام القديم

وعليكم السلام

بلا شك الأقساط اوفر لك بكثير خصوصا اذا سيارة اقتصادية بالبنزين

حسبة سريعة

كثير من الشركات عندهم عروض أقساط شهرية ب700 و800 ريال ضيف عليها بنزين 300 ريال يعني تقريبا 1000 ريال

بالمقابل لاتحتاج صيانات وورش وخساير إضافية

بالنسبة لسيارتك الحالية تستهلك 1300 بنزين فقط مع الصيانات 500 يعني تدفع من 1800 الى 2000 شهريا على سيارة ممكن تخبط عليك بأي وقت بحكم عمرها وتختل عندك السيولة فوق تحت ..

الفين ريال شهريا ايش بقي من الراتب !

خيار شرائك للجديد راح تدفع 1000 ريال شهري شامل البنزين بالمقابل راح ترتاح بسفرك ومشاويرك بدون ماتشيل هم أعطال او خلل فني بالكهربا او الميكانيكا او حتى المكيف

طبعا تقدر تبيع سيارتك الحالية وتخليها دفعة لسيارة اقتصادية من الفئة الصغيرة او المتوسطة والخيارات كثير

ايه بس من الدمام للجبيل ١٠٠ كيلو
يعني ٢٠٠ رايح جاي
مدري السيارات الصغار مرة ممكن ما تنفع
لكن من فئة الكورولا و اللي مثلها ممكن
انصحك التيما ب٦٥ قريب لسعر الكورولا
و الفل يمشيك الى ٨٠٠ كيلو
ممكن قسطها بدون دفعه ١٢٠٠
و البنزين تفلل مرة و نص يكفيك ان شاء الله
ممكن ١٢٠ او ١٥٠ × ٤ = ٦٠٠ شهري بالكثير
+ القسط ١٢٠٠ = المجموع ١٨٠٠ بس ترتاح سيارة جديدة
تشيك عليها خفيف ما في خساير خرابات و تأمين شامل

بس لو تقدر تسكن بالجبيل اوفر حل و ترتاح

رح تحس بفرق في الخط بثقل اللومينا عن السيارة الجديدة اللي بتاخذها

شوف لك نظره على الالتيما احتياجاتك كلها فيها ورخيصه ومريحه وماتصرف ومكيف ممتاز

انصحك با التيما

انصحك بالالتيما او النترا مكينة 2000
كلهم يصلح لخط الدمام الجبيل بحكم رحت عليها كم مرة

نصيحه خلك على سيارتك و ابعد عن الاقساط و همها 5 سنوات و انت تقسط  لكن  سيارتك انت عارف خرابتها  يمكن لو تشيك عليها ما تاخذ 2000 ريال و ترجع مثل الجديده  اذا فكرت تطلع جديد اقساط راح تدفع دفعه اولى و مصاريف اداريه اضعاف قيمة صيانتها عدة مرات 

انا صراحه مع اخوي افكار جديده ابعد عن الاقساط وهمها ومذلتها 

افضل يا تبقى ع سيارتك او انك تبيعها وتزيد عليها مبلغ بسيط من جمعيه ولا انت مجمع مبلغ 
وتاخذلك كامري ولا كرولا ولا التيما مستعمل 
يعني سياره بحروة الثلاثين مستعمل نظيف موديل حديث 

وبتدعيلي ، 

الاقساط علة هي والقروض ، تحس هم ماينومك بالليل 

يعتمد علي حسب راتبك ووضعك المادي اذا يسمح لك تقسط سياره فاكيد الجديده افضل من ناحية صرفية البنزين وافضل من ناحية الصيانه

السيارات الاقتصاديه فالخط RPM عالي غير التانكي الصغير 35 او 45 او 50 لتر

اصغر من السيارات اللي الناس تقول تصرف 70 لتر او 100 لتر

في نظري هيا هيا السيارات الصغيره تدفع مرتين والكبيره مره وحده

الجدبد الأن اغلبه موفر للبنزين حتى الامريكي صار يجي
القير ثمان و عشر نمر مريح للمكينه وrpm منخفض
 والسيارات الصغيره قير cvt الموفر للبنزين

يعني بتأخذ سياره صغيره ولا كبيره راح توفر في البنزين
 وطبعآ مثبت السرعه يوفر لك بزياده. 

يعطيكم العافية جميعا

لو بفكر اغير السيارة ما راح اخذ مستعمل خلاص
اخذ الجديد وانساها سنوات
خلني بمر الوكالات واشوف اذا عندهم بدون دفعة اولى

مشكورين على مشاركتكم

اخي العزيز قبل كل شي محد راح يفيدك
لازم لازم تفكر في وضعك المادي والاسري والالتزامات
وش اللي لك واللي عليك ( هذي اهم من السياره )
اذا اوضااااااااعك تمام التمام انا مثل ماتفضلوا الاخوان
عليك بالالتيما مريحه واقتصاديه وابعد عن الصغار تلعب ب الخط وصوت المكينه عالي
الا من رحم ربي .. وبالتوفيق 

الي يقول لك الأقساط اوفر ماعنده سالفه تلقاه حاط باله انك مابتروح ورش ولا صيانه ولا شي وناسي ان السعر سلخ لمدة 5 سنوات

هذا انا شاري سوناتا أقساط لها 3 سنوات عندي و دفعت لهم فوق ال70 الف وباقي عليها فوق 40 الف
وهي قيمتها في السوق ماتجي 35 الف ههههه رح تحس فيها بعدين

قال وش اللي حادك على المر

قال اللي امر منه

اذا راتبك على الراجحي او البلاد
عندهم تقسيط بدون دفعة اولى
و الاهلي بس مع هونداي في عرض بدون دفعة اولى
للي راتبهم محول عليهم
و بالنسبة للشركات بس الجبر كيا بدون دفعة
بس نسبة المرابحة عالية
بقية البنوك او راتبك غير محول
لازم دفعة اولى أقل شي 5%
يعني تضرب قيمة السيارة كاش × 0.05

اقساط لمدة خمس سنين ربطه بصراحه انت في غنى عنها اقل شي خذ قرض واشتري كاش جديد او مستعمل شبه جديد

وبتوفر على نفسك. والله يوفقك للخير ان شاء الله

انصحك بالالتيما.. راسية واقتصادية ومريحة

او السوناتا يجي منها مكينة سعة 2 لتر تيربو

جيلي باندا ..

وراح تدعي لي ..