ورشة فحص بالخبر لشراء سيارة

الفحص بالخبر اغلى 
حاول فيه تنزل معارض الدمام وافحص هناك 
واذا مارضى رح اي ورشه بصناعيه الخليج بالثقبه
او عندك العضيب الي عند الدوار الي يدخلك الشبيلي من كورنيش الخبر 
العضيب كويس بس مدري يفحص لك ولا ماقد تعاملت معه 
وبالنسبه لفحص البدي ماعرف وين بالخبر عندهم الجهاز 
لكن ممكن ورش السمكره تعرف 

والله يباركلك بالموتر مقدماً اذا شريته

تعرف احد بالدمام طيب ؟

والله احد معين لا 
لكن انا اذا جيت افحص بالدمام 
امر عليهم كلهم والارخص ادخل الموتر 
وطبعا ما اخذ بكلامهم لان ماهو ١٠٠٪‏ 
اهم شي عندي اشيك من تحت والبدي 
والمحركات بتبين لك اذا عندك خبره 

كل الناس يقولون سهم ، بس الي بالمعارض ماهو سهم القديم الي عليه الكلام 

سهم الي صح بالخضريه ، طبعا اغلى ويطلع كل الي بالموتر ودياده خخخ 

قبل ٣ سنوات بعت موتر سليم قال للشاري فيه تبخير 

والرجال للحين يستخدمها وتواصل معه امورها تمام خخخخ 

مثل ماقلتلك مر المعارض والارخص خش عنده 
واذا ماعندك خبره نهائيا شف احد من ربعك يعرف وخذه 
يعني الخبره وفحصهم يكفون ان شاء الله

انصحك بسهم الي بالخضرية يجي على الزاوية 
لاتروح سهم الس بالمعارض لانه تقليد 

يالغالي. عندك بالخبر . الفوازية. آخر الثقبة بنهاية شارع مكة
عندك ورش كثير. وكثبر منها على مستوى عالي. ويوجد
ورش لوكالات هونداي وغيرها. بنفس الموقع.

الدمام. سهم هو الافضل. الخضرية طريق الدمام الجبيل
وورشة الامتياز.