أضف سؤال أو موضوع جديد          

هل اقدر احدد الRPM

up 0 down 1
mpg0rpm -5
قبل شهر و أسبوع



سلام عليكم انا عندي كامري 2003 قير عادي هل اقدر ابرمج دورات المكينة بأنها ما تتعدى 3الافRPM لان رجلي ثقليه على البنزين
او لو في طريقة اخفف حساسية دعسة البنزين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مدري عن تحديد الrpm وهل ياثر علي المكينه ام لا ، لكن حل اخر انك تحط لها فصله مثلا تفصل علي 130


up 0 down 1
bmw z4 1425
قبل شهر و أسبوع



محل برمجة كويس يسوي لك الي تبغى


up 0 down 0
خير ان شاء الله 95
قبل شهر و أسبوع



برمج رجلك وعلى الوزنيه اللي تحبها ومجانا


up 4 down 0
meem34 175
قبل شهر و أسبوع



انا مع اخوي meem برمج نفسك ولا تحوس بموترك وتسبب لنفسك اعطال لاسمح الله


up 1 down 0
m7md 33 357
قبل شهر و أسبوع



حاول ترخي واير الثروتل ....ولكن لوتعود نفسك تمشي بشويش افضل لك تقدر تتحكم مضبوط .... لان افرض انك في خط وتبغ تسرع شوي عشان تتجاوز تريلة ولا حاجه ...الافضل تبرمج نفسك وليس السيارة 


up 0 down 0
ابو حسين.......... 619
قبل شهر و أسبوع



دائما حاول ان تواجه المشكلة وتسعى لحلها وليس تضع بينك وبينها عوائق تمنعك منها

طيب بكره بعده غيرت الموتر شريت موتر جديد خذت موتر فلان من الناس سقت عن فلان ذاك اليوم وش بتسوي


لا تهرب من المشكلة وتدور على حلول تمنعك من حدوثها بالعكس عالجها يعني ما تعرف توزن رجلك رح مخططات الله لا يهينك ودر فيها على رواقه وحاول تخفف رجلك من الدعسة امسكلك خط شوي طويل وتمش فيه وهكذا لين تزبط عمرك يعني هاللي يسوقون اكبر منك واصغر منك وش احسن منك فيه دائماً حاول تفكر كذا اني انا قادر على حل المشكلة وبس وتراها مهيب قضية


up 2 down 0
a.ibrahem 3045
قبل شهر و أسبوع



خالي مثلك تالي حط تحت دعسة البنزين قطعة حديد او خشب 
وانحلت المشكله 
بس يعني استغرب ماتقدرون تخففون دعستكم ببساطه ؟ 


up 0 down 2
محمد الوايلي 711 166
قبل شهر و أسبوع



الواحد يقضم اظافره واحيان شفته
بسبب التفكير والقلق
ونفس الفكره للي رجله ثقيله
مثلا يتذكر انه ماشي ١٠٠ فجأه يلقى العداد ١٤٠

وهالشي طبيعي وحصل لي
وحليته اني اتابع عداد السرعه بإستمرار

وماكان بشي سهل الا بعد ما اخذت كم مخالفه ..

الان ابشرك افتح الخط للباصات والتريلات


خلك رايق
اسمع شئ هادئ تحبه

لا تسمع ( شاش راسي .. و دق خشوم )


up 1 down 0
king1kb 22
قبل شهر و أسبوع



والله فكرة خالك حلوة يا محمد الوايلي 711


up 0 down 0
mpg0rpm -5
قبل شهر و أسبوع



نعم بالفورد يتبرمج لاكن بالكامري ما أعرف.
بس فيه لحظات أحيانا تبي تتجاوز بسرعه بين السيارات وإنك تحط حد لل RPM مو حل كويس للأمانه


up 0 down 0
hemo1001 31
قبل شهر و أسبوع