أضف سؤال أو موضوع جديد          

خطأ تقييم نجم للحادث

up 0 down 0
malekr
قبل 4 شهر و أسبوع



السلام عليكم
اخواني انا معي سيارة توسان 2013
قادم بها من شارع شبه الجزيرة في الرياض وجهي للشمال واستعد للدخول في شارع طلحة باتجاه الشرق
حي النسيم
تفاجأت بوقوف السير بسبب حادث قبل الطريق يمين بقليل
وهدأت السرعة واستقريت خلف سيارة وبدأت ااخذ الطريق بهدوء
لما تجاوزت نصف سيارتي بدأي الذي أمامي بالرجوع
وحاولت انبهه بالبوري للتوقف بدون فائدة وتابع بسيارته اكثر تجاهي فاستعجلت التحرك وانحكت سيارتي
من الباب خلف السائق للرفرف الخلفي لطرف الصدام
ونزل اخ سوداني سايق السيارة يتعذر ويسلم
وتسالمت معه وتطمنا على بعض لكن سيارتي تضررت واصريت على حضور نجم وهو كان يطلب السماح
لما حضر نجم وطلب اقوالنا السوداني جحد
وقال انا واقف وهو حكني يبغى يدخل غصب
ونجم صدقه لأن سيارتي فقط حكة بدون طعج عميق
قلتله لو صحيح كانت سيارتي انحكت من النصف الامامي وليس من الخلف
لكنه اصر على تقييمه
وحملني الخطأ 100%
رفضت التوقيع وقال بكيفك راجع الادارة واعترض

ايش اسوي الحين
الحادث قبل 3 ساعات من الاعلان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وحاولت انبهه بالبوري للتوقف بدون فائدة وتابع بسيارته اكثر تجاهي فاستعجلت التحرك وانحكت سيارتي

وضح هذه النقطة كيف استعجلت التحرك وانحكت سيارتك هو نفسه رجع على سيارتك وحكها ولا انت رجعت على غيرك


up 0 down 0
yahya alajlani 525
قبل 4 شهر و أسبوع



لو فعلا تحركت بكذا انت تسببت في الحكه والغلط عليك


up 0 down 0
yahya alajlani 525
قبل 4 شهر و أسبوع



الله يعينك ، طيب الحين لو واحد مركب كاميرا بسيارته اللي تصور الطريق يعترفو فيها نجم والا يقولو مالنا دخل فيها


up 0 down 0
bmw z4 1427
قبل 4 شهر و أسبوع



هو رجع علي وبدء التماس وهربت منه لتجنب ضرر اكبر للامام متابع في طريقي الصحيح


up 0 down 0
malekr
قبل 4 شهر و أسبوع



من وجهة نظرك بالرجوع للي صار المفترض ان الحق معاك
بس للاسف قدامك مشكلتين ان السوداني جحد ف حتى لو روحت ع قسم الشرطه ف الغالب ح يضل متمسك براييه
انك انت اللي دخلت عليه مو هو اللي رجع عليك
الثاني ما معك دليل عشان تبين عكس اللي يقوله
كلم نجم ف حالة الاعتراض على نسبة الخطأ ايش اللي يصير


up 1 down 0
moo3tazz 232
قبل 4 شهر و أسبوع



بغض النظر عن الحادث والجحدات الي تصير من الطرف الثاني الامر يستدعي تركيب كاميرا لمراقبة الطريق (:!

واحد من الشباب كنا طالعين انا وياه على موتره مازدا 6 2017 جديده ما مشت 2000 كيلو

وجانا سواق هندي مدرعم خش في الرفرف الامامي يمين (بغيت اروح وطي يومها) المشكله انه متجاوز غلط

اخونا في الله عدم الرفرف + الكبوت + الشمعه + الصدام + دودة الدركسون

عموما الهندي عكس الآيه وقال اننا حنا الي لفينا عليه الخ..

الخطا حطوه على خويي 100% وصلح سيارته ب18 الف ريال بالوكاله (:!

اما انت فاحمد ربك ان صدمتك بسيطه وخذها كدرس لك وركب كاميرا عشان تحفظ حقك مع العلم ان بعض اسعار الكاميرات ما يتعدى 70 ريال وجودتها جيده والله يعوضك


up 0 down 0
azee3z 245
قبل 4 شهر و أسبوع



الله يعوض عليك 
و اشكتي عليه في نجم بيحولونها للمرور 


up 0 down 0
kk012 5
قبل 4 شهر و أسبوع



الله يجزاكم خير
والحمد لله على سلامتنا وسلامتكم
تقدمت باعتراض
وما بأترك هالكاذب وأتفرغله لين يحلفوه يمين ساعتها منه لربه
وانا ربي يعوضني بارتفاع التأمين

بس شرهتي على محقق نجم اللي شاف الحكة من ورا بعد نصف السيارة وأصر على اني مخطي


up 0 down 0
malekr
قبل 4 شهر و أسبوع