أضف سؤال أو موضوع جديد          

لاحول ولا قوة الا بالله

up 8 down 1
saleh.as 35
قبل 3 شهر و 2 أسبوع



السلام عليكم
شريت جراند شيروكي موديل 15 ماشي اقل من 50 الف
كان فيه صدمة في الكفر الامامي الايمن لكن انا شريت السياره مصلحة جاهزة
تفاجأت ان زر الهيدروليك مايرفع السيارة ولاينزلها.. اخذت السيارة عن مختص في الصناعية القديمة وقالي افحصها لك ب250 ريال واعطيك سبب المشكلة وكلمني ثاني يوم يقول كنترول الهيدروليك غير موجود فالسيارة وموجود عندي كنترول اذا حاب بركبه لك قلتله تمام ركبه ورجع اتصل يقول الكنترول تبعهم مايشتغل وطلب مني اجيب كنترول جديد..

كلمت صاحب السياره استفسر منه ليه الكنترول غير موجود قالي الكنترول فاكه لانه سوا صيانة بسبب الحادث وغير عكس ومقص يمين.. وبسبب فك وتركيب المساعد صار نظام الهيدروليك محتاج إعادة وزن وبرمجه للمساعدات بدون الوزن والبرمجه المساعدات تصير فجاه تطلع وفجاه تنزل ماتقدر تتحكم فيها..
الورشة الي ركبله القطع ماكان عنده نيتروجين فما يقدر يوزن له المساعدات وافضل طريقة انهم يفكو الكنترول وتصير السيارة على وحدة وضعية لاتطلع ولاتنزل..

اعطاني رقم الورشة كلمته قلتله ارسلني لك فلان نسي عندك كنترول الهيدروليك قالي عندي اكثر من كنترول وضروري تجيب السيارة عشان احددلك الكنترول تبعك.. ورشته في النسيم الشرقي اسمها نظام 9 ماشاء عليه فنان..

كلمت ورشة الصناعية القديمة اني لازم اطلع بالسيارة للنسيم واجيب الكنترول حقها قالو هم فاكين الصدام عشان يشكيو على
الدينمو المهم ربطولي اللوحة في الجسر وقالو وقالو خلاص امشي فيها كذا جيب الكنترول وارجع..

وصلت للنسيم وقابلت المهندس جرب الكنترول واول ماركبه على طول السيارة ارتفعت على أعلى مستوى وشبك الكمبيوتر حق الفحص وجرب وضعيات الهيدروليك كلها رفع ونزل السيارة جميع المستويات وقالي اول مافصل الكمبيوتر راح ترتفع السيارة فلازم افصل الكنترول لان السيارة اذا ارتفعت ماينفع تمشي فيها قلتله ماهي مشكلة خلها مرتفعه وبشيل السيارة بسطحة للورشة الأولى يكملو عليها البرمجة والوزن واستلم سيارتي جاهزة لاني خلاص متفق معاهم..

ارسلت السيارة بسطحة للصناعية القديمة وطبعا دخلت السيارة لهم وهي مرفوعه على أعلى درجة.. استلمو مني السيارة وركبو الكمبيوتر تبعهم عشان يوزنو السيارة ويبرمجوها واتفاجا انهم ماقدرو يتحكمو بوضعيات الهيدروليك السيارة بقت مرتفعه مثل مادخلتها لهم.. والورشة الي في النسيم والله نزل ورفع السيارة بالكمبيوتر حقه بكل سهولة وجرب كل الوضعيات..

المهم قالي المهندس لازم نمشي فيها عشان تتعرف البرمجة مع المشي وطلع فالسيارة المرة الأولى ورجع بدون فايدة وطلع مرة ثانية ورجع ونفس المشكلة السيارة مرتفعه ولانزلت وطلع المرة الثالثة ورجع السيارة مرتفعه من الامام ومنسدحة من الخلف سالت المهندس ليه كذا منسدحة بزيادة قالي الكنترول الي جبته عطلان او مهو بحقها..

اتصلت على الورشة الي فالنسيم اتأكد منه على الكنترول قلتله السيارة نازله من الخلف مارضت تتطلع ممكن الكنترول فيه مشكلة قالي جيب السيارة اشوفها لك.. واحمل السيارة سطحة واروحله واول ماشبك الكمبيوتر حقه قدر يرفع وينزل السيارة وجرب كل الوضعيات الا واحد مساعد مارضي لايطلع ولا ينزل راح شيك عليه طلع مفجور.. قالي بلغتك لاتمشي على السيارة وهي مرتفعه على اخر شي وبسبب الارتفاع القوي انفجر المساعد.. قلتله الورشة الي فالصناعية هم الي مشو فيها وقالو السيارة تتبرمج مع المشي..
قالي قدام عيونك انا برمجتها لك وشغلت فيها كل الوضعيات وهي واقفة من دون مامشي فيها مانقص غير اعبيها نيتروجين واوزنها لك لكن انت قلتلي بترجع سيارتك لورشة الصناعية القديمة لانك متفق معاهم قبلي وانا ماحبيت الزمك تصلح عندي وخليتك براحتك..
وقالي في صيانة الهيدروليك انا موجود عندي نسخة من مخطط المصنع في الصيانة وانا امشي عليه خطوة بخطوة لان صيانة الهيدروليك معقدة جدا واقل خطا فيه يفجر بالونات المساعدات.. المهم ثبت المساعدات على وضعية القيادة العادية وقالي تقدر تروح وتجي عليها بذي الوضعية وفصل الكنترول عشان تبقى وتثبت على نفس الوضعيه
هو صراحة فاهم جدا في شغله واثبتلي بالأفعال غير الاول الي مايفهم في شغله..

رحت للشرطة بشتكي الورشة وحولني على شيخ الصناعية وقابلته اعطيته التفاصيل وحولني على ورشة اسمها العربة وطلب مني مدير مركز العربة (الشمراني) 200 ريال يقول فحص وكذا وهو والله ماشاف السيارة من الأساس..
اعطاني ورقة يقولي روح اعطيها لخصمك وخليه يجينا قلتله اتصل عليه انت هذا رقمه يقول لا لازم تروح تعطيه الورقة بنفسك (قسم بالله استهتار وقلة حيا) اتصلت على الورشة قلتله تعال شيخ المعارض طالبك تحضر لورشة العربة..
بعد ماجا المهندس سمع مني مدير مركز العربة القصة وقلتله انا دخلته السيارة وهي مرفوعه الله لايهينه يسلمني سيارتي مثل ماكانت خلاص مابغى اكمل الاصلاح عنده لأنه مايفهم في الهيدروليك.. سال مدير المركز المهندس ليه طلعت فالسيارة قاله انا لازم امشي فيها عشان ابرمجها ولا كيف اكمل شغلي ولسوء الحظ المساعد عنده جدا ضعيف ما اتحمل المشي وانفجر..

طلب مدير المركز يجيب شخص فاهم على اساس يحكم بيننا وهنا المصيبة جاب (محكم سوري مثل المهندس) وسمع مننا القصة والمحكم قالي انتا من الاساس جايب السيارة فيها مشكلة في الهيدرليك معناته الورشة ماتتحمل العطل الي صار قلتله الهيدروليك مكون من 3 اقسام (دينمو - كونترول - مساعدات) وانا مشكلتي كانت في الكنترول فقط وطلب مني اشتري كنترول وجبته له لكنه ماعرف كيف يبرمجه وبسببه فجر المساعد..
قلتله راجع كاميرات الورشة هو استلم مني السيارة والمساعدات كلهم شغالين ومرفوعين سلمني السيارة والمساعد مفجور وكاميرات الورشة ولله الحمد موجودة..
والله ياخوان اول ماقال المحكم (الورشة ماتتحمل اي شي) على طول المهندس مشي بكل وقاحة كاني جدار قدامه..

المصيبة مدير المركز (الشمراني) مايعرف يتفاهم يقول كان عندي مرسيدس تعطلت مساعداته وارتفعت للاخير ومارضت تنزل ومشيت فيه من الطايف للرياض وهي تناقز ولاصار شي لكن انت اصلا مساعد سيارتك ضعيف عشان كذا انفجر.. قلتله سيارتي باقي جديدة توها 40 الف والسيارات مختلفة ماهي نفس بعض وقلتله المحكم غلطان يقول لازم يمشي فالسيارة عشان البرمجة يقول هو ادرى مابيحط شي ف ذمته قلتله بطلع للنسيم واصورلك فيديو (في ورشة نظام9) يبرمجو ويشغلو كل الوضعيات بدون مايمشو في السيارة يقول ماعلينا فيهم..

قلتله بسيطة بثبتلك ان مهندس الصناعية القديمة مايفهم والمحكم الي جبته انت كمان مايفهم مثله..
هذا الكنترول حاليا مفصول اول ماركبه لك راح ترتفع المساعدات وبغيتك تطلب من المحكم ومن مهندس ورشة الصناعية القديمة ينزلو السيارة درجه وحدة بس صدقني مابيقدرو لانهم مايفهمو في الشيروكي
قلتله شي ثاتي اذا ركب الكنترول وارتفعت السماعدات بجرب قدانك وامشي في السيارة واذا مانفجر اي مساعد انا بنسى الموضوع وراح اخذ سيارتي وامشي.. لكن اذا تفجرت المساعدات بسبب المشي هل تتحملوها؟؟ قال لا..

رجعت لشيخ الصناعية قالي الموضوع عند ورشة العربة.. اتصلي ورشة مهندس الصناعية القديمة يقول جيب مساعد وانا اركبه لك مجانا ماباخذ منك اتعاب ورحت له قلتله حرام عليك ماخرني 3 ايام اخرتها تفجرلي مساعد وتغسل يدك وتتهرب..
‏قالي سيارتك ملعوب فيها.. طلبته يرجعلي الاجرة الي دفعتها له في اول يوم استلم مني فيه السيارة ورجع لي الفلوس يعني (اثبت على نفسه انه غلطااااااان) لو انه على حق ماكان راح يرجعلي ولا ريال..

طلعت بالسيارة اشوفلي ورشة ثانية مختصة ولقيت واحد قريب منه قالي السيارة ذي كانت امس عندنا وماعرفنا نبرمجها وانفجر المساعد على المهندس وهي واقفة في الورشة..الحمدلله ربي كشفه ولله الحمد رجعت لشيخ الصناعية بقوله ان المساعد انفجر داخل ورشة ثانية بسبب المهندس ماعرف للبرمجه لكن للاسف لقيته مشي انتهى دوامه.. واليوم برجعلهم اشوف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يكون بعونك ويقويك عليهم 
استمر بالموضوع ولا تترك حقك نهائياً 

حسبي الله على كل واحد يضر بالمسلمين 


up 0 down 0
m7md 33 566
قبل 3 شهر و 2 أسبوع



سالفتك قهرتني وانا مالي شغل ههههه


up 1 down 0
talk to the hand 50
قبل 3 شهر و 2 أسبوع



قيمة المساعد فالشركة اكثر من 3 الاف ريال وبكل سهولة كذا يفلت من تهريبه للسيارة
الموضوع واضح استلم مني السيارة مساعداتها سليمة.. وسلمني هي فيها مساعد مفجور يتحمممممممممل
حتى لو افترضنا ان المساعد ضعيف الله لايهينه يتحمل غلطته ماحد قاله يستلم شي مايعرفله
ماحد قاله بطلع بالسيارة ويجربها..



up 0 down 0
saleh.as 35
قبل 3 شهر و 2 أسبوع



ودي اضيف صور للسيارة كيف كان وضعهاوكيف صار لكن للاسف الموقع مو راضي يقبل يحمل الصور


up 0 down 0
saleh.as 35
قبل 3 شهر و 2 أسبوع



الله يكون في عونك 


up 0 down 0
ابو حسين.......... 764
قبل 3 شهر و 2 أسبوع



ماضاع حق وراه مطالب لكن نصيحه للمستقبل الورش السوريه واليمنيه ابعد عنها


up 4 down 0
bmw z4 1427
قبل 3 شهر و 2 أسبوع



الله يعوضك
واعانك الله

نصيحتي لك حاول تتخلص من الموتر باسرع وقت ممكن
السيارات المرفهه
ماتنفع ببلدنا مع صناعياتنا بتدخل في متاهات وخساير
وبهذله
وسلامتك


up 2 down 1
مدرس عاطل 30
قبل 3 شهر و 2 أسبوع



اي شخص يطلب منك فلوس فحص هذا اغسل يدك منه

جميع المهندسين المحترفين مايطلب حق الفحص ابدا ابدا


up 4 down 2
يارب توفيقك 2014 1652
قبل 3 شهر و 2 أسبوع



الله يعنيك

هذي مشكلة السيارات المعقدة وجع راس وقليل اللي يفهم لها


up 0 down 0
almuhands 199
قبل 3 شهر و 2 أسبوع



راجعته مافي فايدة
يقول انا امشي على كلام مدير مركز العربة
ومدير مركز العربة يقول انا امشي على كلام المحكم السوري الي جايبينه من ورشة نجمة التقوى
طلبتهم تقرير باقوالهم عشان برفعه للمحكمة رفضو يعطوني


up 0 down 0
saleh.as 35
قبل 3 شهر و 2 أسبوع



الله يعينك وابد لا تسكت عن حقك وباشرنا بأي جديد في القصة

واذا تبي ترفع صور ابد بس ادخل قوقل واكتب مركز تحميل

راح يطلع لك موقع top4top.net أول واحد

ادخل عليه واختار ( رفع الملفات من جهازك )

وتحتها تشوف كلمة ( تصفح ) او شيء زي كذا

وراح يحولك على الصور في جهازك اللابتوب او الجوال

وحدد الصورة واضغط ( رفع الملفات )

وبعدها انسخ الرابط الي مكتوب جنبه ( رابط الصورة المباشر )

والصقه في ردك القادم


up 0 down 0
dark evil 413
قبل 3 شهر و 2 أسبوع



انا متواجد عند مركز العربة مدير المركز يقول من حقه يطلع السيارة ويروح فيها لورشة ثانية ماهو غلط
قلتله مو محقه يمشي فيها.. اذا بيروح ياخذ استشارة ورشة ثانية يشيلها سطحة مايسوقها
يقولي هو وداها ورشة قريبة اقل من 10 متر ماهي معقولة تحمله قيمة مساعد لانه مشى فيها 10 متر..
قلتله هو خرج بالسيارة ورجع ثلاث مرات والكاميرات موجودة وكل مرة يخرج بالسيارة يرجع بعد نص ساعه الله اعلم فين راح ذا وانا منبه عليه مايمشي فالسيارة
اذا انه ماعرف يصلحها في ورشته يقولي انا ماعرفت.. ماراح اجبره يصلحها لي



up 1 down 0
saleh.as 35
قبل 3 شهر و 2 أسبوع



الله يكون بعونك

فعلا الواحد يتعذب الف مره ومره اذا انه مايعرف ورشه متخصصه

اللي يعرف ورشه متخصصه , يكون دايم يتعامل معها , حتى ولو يزيدون بالسعر شوي مافيه نشمله , اهم شيء يعرفون شغلهم 100% ويرجعون سيارتك وكاله

لا تصين سيارتك الا عند هذاك اللي سوالك برمجه والسياره واقفه لانه باين انه فاهم

والله يعينك


up 1 down 0
ابوخالد1397 2430
قبل 3 شهر و 2 أسبوع



لاتصلح الاعند فلبيني او هندي..الباقين اغلبهم حراميه..لاتسكت عن حقك واشتك على الشمراني والحكم الغبي والاهبل الثاني..والكلام اللي بخاطرك..قوله لهم ولا عليك منهم..هم خربوا السياره ويستاهل يعوظك وفضله في التراب..هالاشكال من تجربه مايمشي الا اءا دعست عليه..ب التوفيق


up 1 down 1
.ابوظافر -12
قبل 3 شهر و 2 أسبوع



الله يعينك 
وزين تسوي فيهم 
و الافضل تشتري لك واحد جديد من النت على رقم الشاصي تبع سيارتك ارخص من المتحدة بكثيييير


up 2 down 0
kk012 5
قبل 3 شهر و 2 أسبوع



اكبر دليل انهم يتعلمون علينا


up 0 down 0
king1kb 21
قبل 3 شهر و 2 أسبوع