هل اقدر اشتري سياره بدون رخصه؟ وش الإجراءات

سلام عليكم انا اشتريت سيارة مستعملة قبل اسبوعين ما تحتاج رخصة ولا شي تروح اي مكتب او معرض ينقل لك الملكية المكتب راح ياخذ حوالي 500 ريال رسوم نقل ملكية و ممكن ياخذون رقم هوية ابوك عشان يأمنون على السيارة بس التأمين يكون بأسمك بس لو سويت حادث ولا شي التأمين ما يشملك بس اول ما تطلع رخصة يصير التأمين يشملك

ماله علاقة الرخصة في شراء السيارة معك هوية وطنية خلاص النقل بالاثبات مهب بالرخصة

والطريقة تشوف الموتر وان اعجبك وفحصته وصار نظيف تتوكلون على للمعرض ياخذ اثباتاتكم ويأمن لك وينقلها باسمك وتتوكل على الله وتسلم الرجال دراهمه عاد كاش شيك مصدق هذا حسب الاتفاق بينك وبينه وانتهى الموضوع

بس حط في بالك ان تامينك بيكون اغلى من تامين الرجل البالغ الكبير اللي عمره فوق 25 لانك صغير بيكون تامينك اغلى ونصيحة اخويه خذ معك واحد اكبر منك اذا انت توك صغير وفاهم في السيارات احسن لك على الاقل يكون يمشي معك خطوة بخطوة وينبهك لو صار فيه خطا ولا تلاعب

واي استفسار لك حاضرين  

بالتوفيق

ابراهيم يقولك بدون رخصه كيف ينقلو التأمين له

وش دخل التأمين في الرخصة ما خبرت عمري طلبوا رخصتي وقت التأمين اثباتك واستمارة السيارة واذا نقل ملكية ورقة المبايعة واثباتك تأمن وينقل لك الموتر ثمن تطبع الوثيقة بأسمك بعد ما تنقله

يعني اللي فهمته منكم اني اقدر امن ع السياره ونا ماعندي رخصه لني بشترها كاش