من باب حب لأخيك ما تحب لنفسك عرض بترومين لايفوتكم

نصابين والله ولا عمري دفعت لهم ريال ، أروح للبنشري رايد ، ونعم الرجل ونعم الأخلاق ، وأمانة والله ما شفتها في غيره ، وفوق كذا أغير زيت وما أعطيه إلا وقت الراتب ، أحضر فلتر الزيت من الوكالة ، والزيت من عنده ، وفوق كذا أغير عنده زيت القير ، وأي شخص يحتاج صيانات بسيطة أو تربيط تغيير مساعدات جلب مقصات مقصات جوزات مسامير توازن ، كلها يسوييها وأرخص من الورش ، ونادر جدا أن تجد بصدقه وأمانته ، حتى الكفرات أشتريها من الوكيل وأركبها عنده ولا يمانع ولايقول خذ من عندي ، لكن بترومين نصابين يقولي شغل اليد لزيت القير 300 هذا الكلام في 2016 ، وعند البنشري ب 30 ريال شغل اليد

وين مكان البنشري رايد اخ anosi

انا اتعامل مع ون ستوب زيوت فوكس
اجيب الفلتر من عندي اضمن
و الزيت من عندهم لزوجة متوسطه
اغير كل ٥ الاف و محتفظ بالفواتير احتياط
الوكالة رحت لهم اول و اخر مرة على ممشى ٥ الاف
و كل السيارات او اغلبها الضمان الى ١٠٠ الف كيلو
و قليل السيارات اللي تطلع فيها عيوب قبل ال١٠٠
فما تفرق

فلاترهم زبالة خلك على فلاتر وكالة سيارتك و بس لا يغرونك بترومين 

ون ستوب احسن منهم و ارخص 

تلقى عنده كل شي اصلي فلاتر نيسان و هوندا و هيونداي و غيرها مع الضريبة ياخذ 126 ريال هذا بس زيت وفلتر اما بترومين بيستلمونك

سيارتك نجتبي مش عارف ايش و تبي كذا و تبي كذا قلبولك السيارة ورشة 

وعليكم السلام ورحمة الله وبركاته
وكل عام والجميع بخير وصحة إن شاء الله

أول شي جزاك الله خير ياراعي الموضوع
ولكن أنا اعتبر العرض غير مفيد دام فلتر الزيت صيني أبو كلبي

يمكن يكون مهو أسوأ فلتر لكن مستحيل يكون بجودة فلتر الوكالة
مثلاً الفلتر عندهم للهوندا اكورد يجيك اصغر من فلتر الوكالة طبعاً بنفس القطر لكن بالطول أصغر

إضافة إلى انه سعر لتر الزيت التخليقي عندهم ب65 ريال حسب علمي ومع الخصم راح يطلع ب32.5 ريال
يعني مازال غالي

أنا اشتري كرتون زيت شل هيليكس 5W30 تخليقي ب220 ريال يعني تطلع العلبة ب18 وكسور
واغير الزيت بنفسي واريح مخي

العرض حلو فقط للغير متفرغ يشتري الزيت جملة ويغير بنفسه او عند البنشري اللي في الحارة
والمفروض يصير كذا طول السنة مو 3 أيام بس

لا يغركم البهرجه والاعلانات
والله افشل موقع لتغيير الزيت
الشهادة لله اول ما بدأوا بترومين ..ممتازين
بعدين بدأوا باللف والدوران والنصب ...وشغل
سديق اغسل مكينه ...سديق انا سوي كدا
وتعلموا الفلبينيين النصب وتركتهم من 5 او 6 سنين
وانتبهوا انتبهوا من الفلاتر ...لا يوجد بديل عن الفلتر الاصلي
لا تغامر وتغير فلتر الزيت تجاري

يضحكو على الناس الزيت التخليقي بعد الخصم 32 ريال الكرتون260 يعني العلبة 22 ريال

لايغرك عمالة فلبينية وشاي وقهوه وقعده لي متخلص سيارتك

غشاشين ولا عمري جيتهم ولا راح اجيهم

سيارتي نيسان اروح ون ستوب

الاكسنت اروح فرع صيانة هونداي ومرتاح

وين مكان البنشري رايد اخ anosi

حرامية لو بريال مارحت لهم 

لو بنص ريال ما اروح لهمم

اشتري لي كرتون زيت واغير برر