معي 100 الف وابغى جيب للعائلة وش تشيرون علي

جيب مازدا استاندر
افضل خيار

طيب شف الكيا موهافي. يمكن يجوز لك

انتظر نزول سنتافي ٢٠١٩ الشهر الجاي

كم عدد افراد الأسرة
هل السيارة تريدها مستعملة نظيفه ام جديدة

يا غالي الزمن هاذا اختلف سعر البنزين نار 
ولاكن دورلك سياره اقتصاديه وعمليه في نفس الوقت 
انا ارشح لك خيارين وانت وهواك 
1 فورشنر 4 سلندر 
2 برادو 4 سلندر مع انه ثقيل شوي زينته 6 سلندر بس البنزييين 
هاذي السيارات اذا تبي تكد وتمد وتبيع بعدين 
وتكييف ممتاز 
اذا تبي راحه وفخامه ولاكن راح تفقد ( تكد وتمد وتبيع بعدين  ) 
شوف هونداي 
شوف كيا 
وكلن حسب استخدامه وحاجته

ابعد عن الفورتشنر مطبه شين وصرفيته عالية جدًا على موتر 4 سلندر والبرادو ال4 سلندر مكينة هايلوكس على جيب ثقيل

اذا بتنتظر السانتافي في الجديد
بينزل بعد الحج ممكن بمكينة تيربو
و قير ٨ نمر قارن بينه و بين المازدا
بالصرفيه و السعر و نظام الدفع
او شف اكسبلورر خليجي ب١٠٠ و ان كان بيتغير شكله بعد سنه او سنتين

اذا تحتاج دبل ثقيل و موتر ارفع مالك الا البرادو بس ١٠٠ ما تجيب جديد
و لا انصحك باربع سلندر او ديزل
نيسان بتنزل جيب تيرا بديل الاكستيرا على نفس شاصي النافارا الجديد
من نفس حجم الفورشنر صرفية النافارا معقولة اللتر يمشيك ١٢ كيلو

أفضل لك سنتافي + موهافي خيار ممتاز وعائليه وواسعه

لا انصحك في فورشنر غير مريح ابدا والعزل سيئ وماينفع للعوائل فقط للبر و داخل المدينه اما خطوط يكسر ظهرك حفظك الله

اشور عليك اكسبدشن موديل 2016 او 2017 تحصل اصفار جديد

كبير ووسيع وأمان افضل من سيارات الجيوب فورتشنر وغيرها

الوكيل للحين يبيع موديلات 2016 جديده اذكر حول 112 او اقل وبتحصل بالمعارض

نصيحة لا تاخذ جديد دور مستعمل نظيف ماشي قليل وافحصه بالوكاله

سعر ارخص لك واوفر لك تقدر كذا تاخذ برادو وهو افضلهم

بالنبسة للي يقول فورتشنر اربعة او برادو اربعة تراها يصرف اكثر من ستة الاربعة

نفس وضع اكسنت والنترا 1.6 تصرف اكثر من مكينة 2.0

انا انصحك برادو 2014 وفوق txl دور خليجي وارد ساير افضل شيء

100 تجيب لك برادو 6 سلندر نظيف جدا ومامشي كثير 14 او 15

لو اني مكانك مثل ماذكر الاخ فوق .. احس انسب خيار اكسبدشن أصفار 2016 موجود بالمعارض سعره بهالحدود .. تأكد اذا الضمان بالجزيرة يشمله وتوكل على الله بعد ماتفحص الموتر وتتأكد من سلامته من كل شي لا فيه صدا ولا ضرر ولاش.. سيارة وسيعة جدا وقوية مكينة وبودي و أريح من الجيوب و مع محرك التوين تيربو صرفيتها صارت أقل .. طبعا شكلها تغير ونزل الشكل الجديد ..ف هذا سبب نزول سعرها .. ويمكن يتزل سعرها زيادة او الوكالة ممكن تنزل المخزن عندها من الشكل القديم بعروض كذلك. السيارة ربما يعيبها التكييف نوعا ما يحتاج وقت لين يبرد بالظهر مايقارن يالياباني او حتى الجمس

البرادو جربته .. يصرف البنزين مرة وتانكيه صغير ولا هو مريح وضيق .. لكن موتر يعيش

انا عن نفسي لو معي عايله باخذلي يوكن دبل وش ما كان مديله وستاندر بعد 
واخذ فوق اكسنت ولا يارس ولا كرولا حق الدوام ومشاوير قريبه 

واخلي اليوكن للطلعات العائليه او سفر 

وماراح تلاقي مثل راحة الامريكي 

كان معي لند في اكس ار واستخدمت اكثر من يوكن ، مافي مقارنه بالراحه هذا وهو لاند مابالك برادو 

يعني اذا لك بالسفر وطلعات بحر وبر وكذا خذ يوكن 

وان جيت للصيانه صيانته رخيصه واتوقع ارخص من اللاند حتى 

ومبروك مقدماً 

خذ فورشنر الجديدة ٢٠١٨ ديزل دبل
سعرها ١٢٠ الف .. مانصحك بالباجير بلاعة بنزين .. البرادو ٤ سلندر والفورشنر ٤ سلندر اقل صرفية .. ادخل النت واقرا تجارب وتقارير الناس

في باجيرو ديزل 2018 

باجيرو مستوبيشي جديد بنزين ستة سلندر نص فل  صرفيته وتانكيه نفس الهايلوكس وموتر جبار واعطاله قلبل جدا وقوي فالبر والاستخدام